羊腩煲放題｜大埔銓仔記$186／位 2.5小時任食50款配料：美國肥牛＋炸魚皮＋水魷魚｜自助餐我要
廣告
大埔銓仔記有羊腩煲放題，2.5小時可任食50款配料，包括美國肥牛、花腩肉片、牛柏葉、青口肉等吸汁配料，款款滋味。羊腩煲是冬天至愛，煮得軟腍的羊腩，香濃惹味的醬汁，食落整個人暖笠笠﹐快趁假期去食番餐！
撰文：Rice｜圖片來源：大埔銓仔記
羊腩煲放題任食2.5小時大埔銓仔記下午茶時段供應
冬天一到，除左打邊爐，又點少得立冬進補食羊腩煲？位於大埔的銓仔記主打任食火鍋雞煲，大雙冬羊腩煲都有得任食放題！現時於下午茶時段（3:30pm至6pm）均可於堂內任食。客人一進場即呈上羊腩煲，可邊食邊在配料紙上點選心水配料，有成50款選擇，當中有美國肥牛、花腩肉片、草鯇片、水魷魚、酥炸魚皮、丸類、餃類、蔬菜等，絕對能食到捧腹而回。飲品有汽水、紙包檸檬茶、提子汁等，選擇豐富。現時星期一至四價錢為$186/位、星期五至日為$196/位，性價比十分高！
任食50款配料！即睇Menu
其他火鍋推介
除了羊腩煲是必吃外，店內也有其他鍋物及烤魚供應，如有嗜辣人士必愛的至尊麻辣雞煲、女士養顏必點的花膠滋補美顏雞煲、養生之選的藥膳雞窩、鮮甜清香的鮮茄魚肚雞鍋等，款款吸引。部份鍋物需要額外收費，$10-$68不等。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
