紫薯 橫行土瓜灣 全港最平$5 紫薯 卷

紫薯 fans注意, 紫薯 紫薯 fans注意!為咗滿足大家的紫色慾望,記者特地搜尋咗兩大 紫薯 美食比大家。兩個美食的特點都是非常親民,食哂都不超過$25,而第2個特點就是同樣可以於土瓜灣食到,大家絕對可以一次過食哂兩種 紫薯 美食!

1. 地道港式麵包店 $5一個餡料 紫薯 包

自從先前發現雞髀包這個抵食麵包後,大家都開始發現港式麵包店一樣可以有驚喜,一樣可以發明創意食品。今次記者在土瓜環發現了一個 紫薯 包,麵包由三個小包卷組成,每一個小卷都內含紫 薯餡 ,份量合理令你每咬一啖都有 紫薯 ,而麵包質感很實在,不是有時食到的空氣低密度包。另外三小卷的設計令大家可以分幾次食,或分比朋友食。最最最重點是價錢,只是$5一個!!!

食前食前小Tips:

1. 紫薯 包只在早上出爐一次,所以在下午時間有可能賣哂。店員提醒可以中午前購買,或預先留訂。

2. 如果購買後未能立即食用,可以用焗爐加熱,熱辣辣會更加好味!

百齡麥麵包餅店

地址:九龍土瓜灣炮仗街46-48號地下 (顯示地圖)
時間:星期一至日:05:00-20:00

2. 芝士熱狗店新作!極大量 紫薯 餡熱狗!

先前同大家報導的榮幸小食檔,出名於熱溶芝士熱狗與咖喱白魚蛋。近日記者發現榮幸有一個新產品,就是 紫薯 餡熱狗! 紫薯 熱狗有分兩種,一是有腸的紫薯芝士法蘭克福腸熱狗(薯不芝法蘭狗),二是無腸的 紫薯 芝士熱狗(薯不芝熱狗)。無腸 紫薯 芝士熱狗的 紫薯 餡有成條腸咁粗超足料,超級香甜,同熱狗又出奇地夾,仲可以再加埋芝士,都只係賣$20,抵!而有腸紫 薯餡 熱狗就令熱狗加強肉感,甜鹹混合,賣$30。

 

榮幸小食檔

地址:土瓜灣馬頭圍道187號B地舖(顯示地圖
營業時間:星期一至日,10:00-21:00

延伸閱讀:

街頭小食 特濃有餡 紫薯雞蛋仔 【天水圍】

紫薯 西米糭@OL醉愛廚房

最新吃喝玩樂資訊