童年回憶
童年回憶

80後童年回憶10大茶點!南乳餅最多人鍾意+水泡餅令人又愛又恨|飲食熱話

飲食

廣告

回想幼稚園時期,整天最期待就是茶點時間,皆因會有餅仔食,近日就有網友在Facebook「90年代回憶 (新版)」群組發帖,開心share 各大80後幼稚園茶點,明言最愛南乳餅,另外還有肚臍餅、手指餅等10大幼稚園茶點,水泡餅更是令人又愛又恨,當中有幾多你食過?

童年回憶茶點1.花占餅/肚臍餅

「花占餅」又名「肚臍餅」,圓圓的的餅乾上有呈圓錐塔狀的糖霜,像花占形,有白、綠、紅、黃等五顏六色。大家分享不同食法,有人會留下花占,最後才慢慢歎:「花占餅五顏六色真係幾靚,我會食咗餅先粒糖就慢慢嘆」有大量網友都只食花占:「肚臍餅只食上面粒糖」、「我只食肚臍餅粒花」。不少人誤以為這叫做「花塔餅」:「『花塔餅』係杜蟲藥,唔係小食餅乾,咪亂食呀!『花占餅』,『肚臍餅』先係小食」。

童年回憶 花占餅上有五顏六色的糖霜。
花占餅上有五顏六色的糖霜。(圖片來源:www.eldage.com截圖)
童年回憶 大家都比較愛吃上面的糖霜。
大家都比較愛吃上面的糖霜。(圖片來源:「90年代回憶 (新版)」截圖)

童年回憶茶點2.麥芽酥餅

麥芽酥餅亦是熱門茶點之一,而且頗得大家歡心:「麥芽餅都好食」,有人更邊玩邊食「麥芽餅,偷偷地拎番屋企響張床跳住食」嘩,啲餅乾碎咪跌曬落床到?畀阿媽發現一定會藤條炆豬肉呀!

童年回憶 麥芽酥餅亦經常吃到。
麥芽酥餅亦經常吃到。(圖片來源:www.parknshop.com截圖)
童年回憶 呀媽發現會打死.......
阿媽發現會打死…….(圖片來源:「90年代回憶 (新版)」截圖)

童年回憶茶點3.字母餅

以英文字母作造型的字母餅,可以一邊吃,一邊學英文字母,不知有沒有人用餅乾砌英文生字呢?

童年回憶 一邊吃,一邊學英文字母。
一邊吃,一邊學英文字母。(圖片來源:walnut.com.hk截圖)

童年回憶茶點4.南乳餅乾

南乳餅是眾多小食中最受大家歡迎的一款,有網民留言科普南乳餅:「原來全名叫做椒鹽南乳餅,一直以來我都叫「咸占餅」,由細食到大,不過好熱氣,最鐘意有不同形狀,心型、菱形、圓形、正方形…, 我特別揀心形來食(幼稚園年代)」大家都大讚好好味:「南乳餅係我死穴」、「細個最鍾意食南乳餅,食到停唔到口」甚至到現在也有吃:「我而家都仲有食南乳餅」現在依然不時見到南乳餅的蹤跡,並未絕跡:「南乳餅依家偶爾都會喺屋邨商場,雞仔餅大王臨時攤檔買到,$50/3樣,仲食到以前嘅味道」。

童年回憶 南乳餅乾有不同形狀,心型、菱形、圓形、正方形。
南乳餅乾有不同形狀,心型、菱形、圓形、正方形。(圖片來源:www.parknshop.com截圖)
童年回憶 好多人都愛吃南乳餅!
好多人都愛吃南乳餅!(圖片來源:「90年代回憶 (新版)」截圖)

童年回憶茶點5.手指餅

手指餅因像一條條手指而得名,大家都不感到陌生:「鐘意食手指餅」、「依家冇左以前嘉頓果隻手指餅,綠色包裝」不過對比原味,大家好像比較喜歡有朱古力外層包著的朱古力手指餅,另外亦有人愛可以蘸朱古力醬的手指餅杯:「直到現在都有食un un杯手指餅,但係以前好大杯嘅」,我細個都好鍾意食㗎,食朱古力醬多過食手指餅……

童年回憶 手指餅好香脆。
手指餅好香脆。(圖片來源:網上圖片)
童年回憶 相比起原味,大家比較愛吃朱古力手指餅。
相比起原味,大家比較愛吃朱古力手指餅。(圖片來源:www.parknshop.com截圖)
童年回憶 手指餅杯亦是小時候的熱門零食之一。
手指餅杯亦是小時候的熱門零食之一。(圖片來源:HKTVmall截圖)
童年回憶 手指餅杯以前大份啲?
手指餅杯以前大份啲?(圖片來源:「90年代回憶 (新版)」截圖)

童年回憶茶點6.薏米餅

大家小時候可能吃過這款餅乾,但未必知道這是薏米餅,由小麥粉及薏米粉製成。薏米餅不可以獨自美麗,一家要浸牛奶才更好吃:「我鐘意食你上邊果個薏米餅,浸水、浸奶、浸乜9,都好好食,一定要浸兩秒!」

童年回憶 薏米餅最好浸牛奶同吃,先最有風味。
薏米餅最好浸牛奶同吃,先最有風味。(圖片來源:www.parknshop.com截圖)

童年回憶茶點7.魚仔餅

網民亦提到魚仔餅:「我鐘意食 “魚仔餅”」魚仔餅亦是我小時候的最愛,每星期都要去小食部買一盒,海洋生物造型的小餅乾脹卜卜,咬下去卜卜脆,細細粒好襟食,有紫菜及雞味及番茄等口味。

童年回憶 魚仔餅細細粒、脆卜卜,好襟食。
魚仔餅細細粒、脆卜卜,好襟食。(圖片來源:www.parknshop.com截圖)

童年回憶茶點8.動物餅

餅乾以不同動物作造型,深得小朋友的歡迎,每食一塊就會睇下自己食左咩動物,睇下可唔可食夠一個動物園。

童年回憶 每食一塊都會睇下究竟食左咩動物。
每食一塊都會睇下究竟食左咩動物。(圖片來源:www.parknshop.com截圖)
童年回憶 有人提名動物餅。
有人提名動物餅。(圖片來源:「90年代回憶 (新版)」截圖)

童年回憶茶點9.水泡餅

水泡餅像水泡一樣脹卜卜、圓碌碌,想不到令人又愛又恨,有人非常討厭水泡餅,簡直成了童年陰影:「我反而諗起最憎嘅水泡餅」、「麈世間,最難食之餅,莫過於此」覺得入口非常乾:「咁鬼乾爭爭都鍾意?」但偏偏就是有人愛這種如沙漠般的口感:「好變態就係鍾意呢種感覺」、「我好鍾意食」更有人用牙慢慢磨:「鐘意,磨牙咁食」亦有人覺得只要伴牛奶或茶水,味道才會upgrade:「用茶或水或奶送服」、「水泡餅要浸牛奶食…牛奶係指熱水加煉奶!」

童年回憶 水泡餅令人又愛又恨。
水泡餅令人又愛又恨。(圖片來源:「90年代回憶 (新版)」截圖)

童年回憶茶點10.馬利餅

馬利餅可算是茶點之王,帶一種獨特的奶香,其實是由小麥粉、玉米澱粉、呍呢嗱香精等製成,難怪味道香香甜甜。識食一定是蘸牛奶:「我記得係幼稚園,圓形嘅瑪莉餅浸牛奶,個男同學飲晒杯奶都食唔到塊餅,痴住咗喺杯底,好攪笑因為,我細個只可以飲水」有人更會蘸阿華田:「瑪利餅點阿華田」。

童年回憶 馬利餅香香甜甜,就咁食就好好味。
馬利餅香香甜甜,就咁食就好好味。(圖片來源:www.parknshop.com截圖)
童年回憶 呢位網友好識食呀!
呢位網友好識食呀!(圖片來源:「90年代回憶 (新版)」截圖)

關鍵詞
飲食熱話
圖片來源:www.eldage.com、[email protected]「90年代回憶 (新版)」、www.parknshop.com、walnut.com.hk、HKTVmall

最新吃喝玩樂資訊