辣椒油
辣椒油

祖傳辣椒油28種香料秘製 鮮香麻辣!仲有4款新口味 三峽烤魚+招牌冒菜

飲食

廣告

喺香港要搵到正宗大麻大辣卻不嗆喉,又可以細味到每道主菜、小食以至湯底,都由獨門香料秘調出豐富層次、有鋪排餘韻,仲有溫補祛濕食療功效嘅正宗川館子,確實唔容易!由四川人鍾師傅同太太王小姐,兩夫婦喺一年幾前開設嘅「烏蠅館」,算係本地難得既符合以上風味條件,價錢路線又親民平實嘅代表,亦因為咁而榮獲「必吃食店大獎 2019—最回味食府金獎」殊榮!

辣椒油 店內環境布置簡約雅致,還用許多茶具和茶葉作裝飾點綴。
店內環境布置簡約雅致,還用許多茶具和茶葉作裝飾點綴。

師承祖父輩正宗川菜風味

喺四川「烏蠅館」係當地人口中味道最正宗,但舖面唔起眼仲要深藏巷弄裡面,剩係得識途老饕先知門路嘅地道小菜館。老闆兼主廚鍾先生自祖父輩起已喺重慶開設「烏蠅館」,因自細喺廚房裡面耳濡目染,無論食定煮都對四川菜抱有嚴格要求,仲直言:「很多人誤以為大麻大辣先係川菜正宗,但其實四川菜系最大特色係一菜一格,百菜百味,簡直係海納百川!麻辣只屬於其中一種,仲有酸辣、椒麻、糊辣、香辣、魚香、怪味等24種特色風味。」

辣椒油 「香辣烤魚」醬汁馥香濃郁、多寶魚肉嫩鮮甜,辣勁過癮、麻香縈繞。
「香辣烤魚」醬汁馥香濃郁、多寶魚肉嫩鮮甜,辣勁過癮、麻香縈繞。
辣椒油 「香辣烤魚」醬汁用咗魔鬼辣椒、指天椒、燈籠椒和二荊條等多種辣椒,同埋超過30種香料秘調炒製而成。
「香辣烤魚」醬汁用咗魔鬼辣椒、指天椒、燈籠椒和二荊條等多種辣椒,同埋超過30種香料秘調炒製而成。

三峽烤魚4款新口味

三峽烤魚係長江三峽地區嘅傳統烤魚煮法,結合咗河魚嘅鮮嫩肥美同埋火鍋嘅大嗚大放兩大特點,因口味奇絕、香氣撲鼻而成為皇牌主菜!鑑於香港同重慶嘅地理環境有好大分別,所以香港製作嘅烤魚,亦由原來嘅三峽河魚改為3種同樣鮮美多肉嘅海魚,分別係多寶魚、龍躉同黃𩶘䱽,畀大家按喜好挑選配搭。除咗麻辣同泡椒兩款原有口味外,近期仲加入香辣、蒜香、酸湯同豆豉,4款全新川渝口味!

辣椒油 「蒜香烤魚」適合唔食辣嘅朋友!黃𩶘䱽利用大量炒到金黃香脆嘅蒜蓉提鮮,香濃惹味。
「蒜香烤魚」適合唔食辣嘅朋友!黃𩶘䱽利用大量炒到金黃香脆嘅蒜蓉提鮮,香濃惹味。
辣椒油 無論炒製定係淋灑醬汁時,都瀰漫住一股海產獨有嘅鮮甜咸香,惹味得叫人食晒烤魚後仲想繼續加入其他配料同白飯撈嚟食。
無論炒製定係淋灑醬汁時,都瀰漫住一股海產獨有嘅鮮甜咸香,惹味得叫人食晒烤魚後仲想繼續加入其他配料同白飯撈嚟食。

粵廚製鮮 川廚製味

為配合扁身嘅烤魚盤,同埋令到成條魚都可以畀醬汁均勻咁淋灑兼吸收湯汁精華,所以規定每條烤魚嘅大細重量都要維持喺1.5至2斤,而每份烤魚都會配有3款時令鮮蔬,當食完烤魚後啲蔬菜啱啱好吸收晒魚湯同醬汁嘅精華, 更顯得份外清脆爽甜。而啲醬汁喺呢個時候亦差唔多食得七七八八,或揮發晒而變成干鍋,跟住就可以加入水或者原汁,再點叫其他配料變身火鍋,繼續食埋下另半場啦!

「酸湯烤魚」配以厚肉龍躉,酸、香、麻、辣等層次豐富,溫熱辣勁更由舌腔一直延伸至腸胃。

辣椒油 「酸湯烤魚」醬汁混合咗泡椒、花椒、酸菜、老薑等20多種食材香料調製而成。
「酸湯烤魚」醬汁混合咗泡椒、花椒、酸菜、老薑等20多種食材香料調製而成。

正宗成都特色小食:冒菜

冒菜其實同廣東蒸煮菜好相似,「冒」係動詞,又係形容詞,既指廚師將食物放喺漏勺同熱湯裡面上下灼煮後,倒入碗再順手舀一勺調味湯汁嘅整套動作;同時又形容烹調時所冒出嘅蒸氣。由於食材先用清湯煮熟,並無調味,所以成碗冒菜嘅味道就要靠最後倒入嘅調味湯汁啦!雖然四川人成日都話冒菜就係一個人嘅火鍋,火鍋就係一個人嘅冒菜,但由於冒菜烹煮時用油更少、時間更短,所以較火鍋或者麻辣燙,都更能品味到食材嘅原味,亦更加健康。

辣椒油 一碗有齊6至8款配料,好抵食!
一碗有齊6至8款配料,好抵食!

50種配料+6款湯底粉麵

呢度嘅冒菜配料多達50種,包括豆味香濃嘅豆皮結;脆爽有營嘅海帶結、海白菜同貢菜;腩肉同肥牛等肉類。主食就有河粉、火鍋麵、火鍋寬粉,米線同土豆粉等選擇,推介質感較爽、掛湯力佳,用土豆曬乾磨粉製成嘅土豆粉。湯底更有麻辣、清湯、藤椒、酸湯、番茄同海鮮,6款口味!連小食都有十幾款葷素選擇,除咗大家熟悉嘅蒜泥白肉、紅油豬耳絲,同埋成日售罄嘅新會陳皮麻辣牛肉之外,仲有以下兩款一葷一素嘅熱門推介!

辣椒油 成都地道小食,略厚嘅新月形餃皮覆裹住豐滿嘅豬肉餡,當淋上紅油、醬汁同芝麻後,香辣味更加突出咗豬肉嘅鮮甜和餃皮嘅糯甜。
成都地道小食,略厚嘅新月形餃皮覆裹住豐滿嘅豬肉餡,當淋上紅油、醬汁同芝麻後,香辣味更加突出咗豬肉嘅鮮甜和餃皮嘅糯甜。
辣椒油 「薑汁豇豆」將豇豆燙熟後淋上秘製薑蓉醬汁,薑油香味四溢,清新爽甜。
「薑汁豇豆」將豇豆燙熟後淋上秘製薑蓉醬汁,薑油香味四溢,清新爽甜。

三代祖傳秘調辣椒

以牛油同芥花籽油做基調,再加入魔鬼辣椒、指天椒、燈籠椒和二荊條等多種辣椒,同埋老薑、花椒、泡椒、香料,麻椒等28種香料,泡浸1至3星期而成,唔單止層次豐富、香味濃郁、餘韻深長,仲具有食療功效,就算素食人士都可以安心食用,更加係鍾師傅用嚟炒製各款特色醬汁嘅秘密武器!為咗保持四川風味,鍾師傅每兩星期都會飛返四川老家,買好晒所有辣椒同香料,喺工場用8人枱咁大嘅鐵鍋幾個人輪流炒製醬料,再帶返香港備用。

辣椒油 連拍摏辣椒粉都親力親為,仲要跟足老家傳統用青石同白木樁,以陰力拍摏,好考功夫同心機!
連拍摏辣椒粉都親力親為,仲要跟足老家傳統用青石同白木樁,以陰力拍摏,好考功夫同心機!
祖傳秘調辣椒油,以白蔻、草果、陳皮、八角、桂皮、丁香、月桂葉、小茴香、孜然、砂仁、豆鼓等28種四川香料,泡浸1至3星期而成。
祖傳秘調辣椒油,以白蔻、草果、陳皮、八角、桂皮、丁香、月桂葉、小茴香、孜然、砂仁、豆鼓等28種四川香料,泡浸1至3星期而成。
辣椒油 店內所有辣椒調味,為保新鮮只會保存一星期。
店內所有辣椒調味,為保新鮮只會保存一星期。

吃香喝辣嘅同時記得要點返一杯,由老闆娘兼茶藝師王小姐親手沖調,既有清新花茶香味,又有幼滑芝士香味嘅手泡茶,嚟幫助消化、去油解膩兼消暑呀,玫瑰蜂蜜奶蓋同茉莉蜂蜜奶蓋都係推介。

烏蠅館

地址:尖沙咀亞士厘道34號天星大廈一樓B號舖

訂座電話:2606 2722

營業時間:星期一至日 11:00 – 20:00

備註:不設加一,收現金。外賣加$1。

最新吃喝玩樂資訊