白子
白子

唔食白子生蠔要求轉菜單 尖沙咀$2,500位懷石料理串爆應對|飲食熱話

飲食

廣告

尖沙咀高級懷石料理餐廳近日成為討論區熱話,有網民以《睇嚟條港女對omakase有啲誤解》為題發文,皆因有食客唔食白子和蠔而要求餐廳轉菜單換餸,餐廳客服串爆應對「Skip or Share」,叫事主揀直接跳過唔上或同友人分享,即引起熱烈討論!

唔食白子生蠔要求轉菜單 尖沙咀懷石料理回應焫著事主

日前有網友在討論區發文《睇嚟條港女對omakase有啲誤解》,文中張帖了截圖顯示有人因「不知道每位要$2,500」而先要求尖沙咀某懷石料理餐廳免罰金取消訂位不果後,又因唔食白子和蠔再要求轉菜單,餐廳客服表示會跟廚師商量,若更改不成就有機會要事主「Skip or Share」,直接跳過唔上或同友人分享,秒間焫著事主!

事主因「不知道每位要$2,500」而先要求餐廳取消訂位不果後,又因不吃白子及蠔而要求的高級懷石料理店改餐廳。
不吃白子及蠔的事主「不知道每位要$2,500」而先要求餐廳取消訂位不果後,又因不吃白子及蠔而要求的高級懷石料理店改菜式。(圖片來源:LIHKG討論區截圖)

花生友嘲笑:食唔起就做下功課先訂位 時令食材難變更

在討論區貼上截圖的食花生的塘邊鶴樓主稱:「Omakase 係師傅發板啊,人哋已經勁好,話幫你同大廚睇下有無得轉其他食物,無就會skip 或者你哋自己share 咗佢」,並嘲笑事主「食唔起就做下功課先book 啦」、「咪取消個booking 唔好食囉,又要怕虧左個deposit」,有不少網友表示讚同樓主講法,「餐廳想畀最當造、最好嘅食材同最好嘅手工俾你品嘗,但你依樣又唔食,果樣又唔食,大佬,就到你依樣就唔到你果樣架啦,你咁樣不如出去散叫啦」若每個人都要求改菜式,餐廳備料人手、時間及成本或會大增,況且餐廳客服都表示會跟廚師商量可不可以改,話睇吓可唔可以改,「我覺得食omakase,改menu 係人情,唔改menu 係道理」,若改不過來,要求事主跳過這道菜或跟友人分享也是一個解決方法。

白子 餐廳訂位網站有明文寫出每位$500的訂金是不設退款。
餐廳訂位網站有明文寫出每位$500的訂金是不設退款。(圖片來源:LIHKG討論區截圖)
白子 事主此行徑遭樓主嘲笑:「Omakase 係師傅發板啊 ,人哋已經勁好,話幫你同大廚睇下有無得轉其他食物,無就會skip 或者你哋自己share 咗佢,仲要發人脾氣。」
事主此行徑遭樓主嘲笑:「Omakase 係師傅發板啊 ,人哋已經勁好,話幫你同大廚睇下有無得轉其他食物,無就會skip 或者你哋自己share 咗佢,仲要發人脾氣。」(圖片來源:LIHKG討論區截圖)
白子 有人指Omakasea是師傅話事,當造食材並不是隨時可以轉。
有人指Omakasea是師傅話事,當造食材並不是隨時可以轉。(圖片來源:LIHKG討論區截圖)
白子 有人建議事主去散叫,不要吃Omakase。
有人建議事主去散叫,不要吃Omakase。(圖片來源:LIHKG討論區截圖)

改菜式無問題 網民:$2,500位,有咩要求都盡做係基本

不過樓主帖文亦引來大量負評,網友直指:「老實講,正常間間一兩樣野要換點會換唔到?喂你收我$2,500喎,你話$250就話做唔到啫。收得我$2,500,好味,好服務,有咩要求都盡做係基本!」、「$2,500位乜差都唔改得仲敢話自己係廚師?」、「正常omakase都會問你有咩唔食,改小小menu好基本」、「提早講定有野唔食有咩問題」,「食omakase 唔食一兩種,預先講明唔食咩想避都唔得?講緊收$2,500 一個人喎」聽落又啱喎!更有數口精的網民控訴:「skip又真係衰喎,變相加價」。惹來負評,大抵是因為餐廳收取一個較貴的收費,作為顧客對餐廳的服務自然要求高,坊間不少高級的餐廳都會事先向顧客查詢有沒有食物敏感或不吃的食材,亦會貼心地為客人更改菜式。

白子 有網民指「我係消費者,係神。」無理由不可以改餐單,他表示一定不會幫襯這家食店。
有網民指「我係消費者,係神。」無理由不可以改餐單,他表示一定不會幫襯這家食店。(圖片來源:LIHKG討論區截圖)
白子 網民各有正反兩極意見,如非當日才要求改餐單,餐廳應該可以為客人更改菜式。
網民各有正反兩極意見,如非當日才要求改餐單,餐廳應該可以為客人更改菜式。(圖片來源:LIHKG討論區截圖)
白子 有網民表示跳過菜式不上即是變相加價,這行為不要得。
有網民表示跳過菜式不上即是變相加價,這行為不要得。(圖片來源:LIHKG討論區截圖)
白子 有人指餐廳收得$2,500位,,預先講明唔食咩來避開絕對無問題。
有人指餐廳收得$2,500位,,預先講明唔食咩來避開絕對無問題。(圖片來源:LIHKG討論區截圖)

關鍵詞
飲食熱話
圖片來源:LIHKG討論區截圖

最新吃喝玩樂資訊