牛扒
牛扒

3間抵食劈價西餐 酒店任食4小時牛扒放題+Red Lobster午市套餐+14款自選晚市菜式|區區搵食

飲食

廣告

一個世紀瘟疫,搞到百業蕭條,飲食業尤其首當其衝,不少店舖,要諗計度過難關, 就是平日高級西餐,也紛紛見抵,以下囊括3間劈價西餐優惠。有一口價無限添扒、 四人同行一人免費、超抵價午餐等,八仙過海,總有一間啱你心水。

撰文:譚偉健 圖片來源:新假期資料室、相關機構

抵食劈價西餐合集
1)扒迷必瘋!酒店4小時牛扒放題

以前鋸扒,梗係就住就住。因為扒刀每切一下,銀紙唔見一忽。最近,終於可以放膽盡情鋸了。因為觀塘如心艾朗酒店西餐廳Forte,推出「 牛魔王盛宴晚市套餐 」,每位$358,包一份前菜、刺身盛合、熱湯、甜品拼盤及飲品外,最吸引的,當然是主菜五款牛扒及薯條,均可無限量享用。牛扒嚴選優質澳洲穀飼牛、新西蘭牛及美國牛仔骨等,重量 由150克至350克不等,份量十足;薯條則有三款無限量供應,包括黃金薯條、日式茶漬薯條及黑白松露薯條,食牛扒配薯條一百分匹配。仲唔止,晚市三人同行食這個套餐,即有一人可以免費,三送一,除開又平好多。

醬燒美國牛仔骨用自家秘製醬燒,牛仔骨特別香濃。
現在不少餐廳都逆市求存,紛紛推出不同優惠來吸引顧客。位於觀塘如心艾朗酒店的Forte則推出酒店級牛扒放題。醬燒美國牛仔骨用自家秘製醬燒,牛仔骨特別香濃。
鹽燒美國牛仔骨美國牛仔骨以簡單鹽燒,外脆內嫩,香噴噴。
鹽燒美國牛仔骨美國牛仔骨以簡單鹽燒,外脆內嫩,香噴噴。
一道石牆,特別吊燈,在此鋸扒特別有 feel。
一道石牆,特別吊燈,在此鋸扒特別有 feel。

$700雙人住宿連餐飲

由即日起至2020年4月30日,正做雙人住宿連餐飲優惠,淨價$700起,當中包括一晚Blissful Zone住宿以及雙人「牛魔王盛宴晚市套餐」。

3間抵食劈價西餐 酒店級牛扒/薯條4小時放題+Red Lobster激抵午市套餐+14款自選晚市菜式|區區搵食

Forte@如心艾朗酒店

地址:觀塘創業街38號如心艾朗酒店2樓(顯示地圖
電話:3968 8222
營業時間:星期一至日7am-10:30pm
訂購網站:https://www.lhotelgroup.com/tc/hotel/lhotel-elan/Offers/Steak-yFrites-yNight

2)4人同行 1人免費
14道自選主菜晚市套餐

Mr. Steak旗下5間分店,晚餐做緊劈價大優惠,林林總總好多款。包括4人同行,1人免費。5位或以上,只要其中一位當月生日,可額外多一位免費。晚市套餐主菜有14道選擇,價錢不同,最平$118、最貴 $248,每人可擇1款。$118是意式肉丸番茄粗管麵,$248是英國克厘石牧場安格斯肉眼,或是爐烤諾曼第豬柳扒、芝士龍蝦配特色香料牛扒、香煎三文魚配芝士焗帶子、芝士焗龍蝦配煙燻醬烤豬肋排 ……三心兩意,也有烤肉盤可以揀,有齊安格斯牛扒、羊鞍扒、燒雞胸和香草雞。 想再豪一點,可加錢配套餐以外食物,包括加$98有生蠔4隻、加 $30可以配餐酒一杯,豐儉由人,可以盡興。共有5間分店,遍布太古、葵芳、青衣、 九龍灣及坑口,想約朋友易好多。

Mr. Steak全港5間分店同時 劈價做優惠,港九新界都有。
Mr. Steak全港5間分店同時 劈價做優惠,港九新界都有。
芝士焗龍蝦配煙燻醬烤豬肋排5<br
芝士焗龍蝦配煙燻醬烤豬肋排$195
龍蝦及豬肋排,海陸兩棲齊全,配普羅旺斯炒雜菜及黑松露薯蓉,大滿足。
迷迭香燒雞配BBQ醬烤豬肋骨5<br
迷迭香燒雞配BBQ醬烤豬肋骨$175
燒雞用了迷迭香醃,有幽幽香草味。豬肋骨取醬燒,香惹。
香煎三文魚柳配芝士焗帶子8<br
香煎三文魚柳配芝士焗帶子$208
三文魚煎得皮脆肉嫩,帶子用芝士焗 得香,配黑松露野菌意大利飯,飽肚。
煙肉野菌意大利麵8<br
煙肉野菌意大利麵$128
用帕馬臣芝士忌廉汁做,配煙肉及野菌,十分香口。

Mr. Steak

Facebook專頁:Mr. Steak HK

太古分店
地址:太古康山道1-2號康怡廣場北座地下G9-10號舖 (顯示地圖
電話:2895 1100
營業時間:星期一至日11:30am-10:30pm

葵芳分店
地址:葵涌興芳路223號新都會廣場四樓488-490舖( 顯示地圖
電話:2554 4441
營業時間:星期一至日 12nn-10:30pm

青衣分店
地址:青衣青敬路33號青衣城地下G03A號舖(顯示地圖
電話:2449 9945
營業時間:星期一至日 12nn-11pm

九龍灣分店
地址:九龍灣德福廣場2期4樓415-417舖(顯示地圖

電話:2911 0773
營業時間:星期一至五 12nn-10:30pm、星期六至日及公眾假期 11:30am-10:30pm

將軍澳分店
地址:坑口重華路8號東港城275號鋪(顯示地圖
電話:2479 1313
營業時間:星期一至五 12nn-10pm、星期六至日及公眾假期 11:30am-10pm

3)最平$100!
Red Lobster午市套餐

唔係淨係晚餐劈價,午餐也不甘後人。 號稱全球最大海鮮餐廳,總部位於佛羅里達州奧蘭多的Red Lobster,推出超值午市套餐,主菜連餐湯及飲品,$78起有交易。主菜選擇包括七款不同食材的手工薄餅,像龍蝦手工薄餅、松露芝士蘑菇手工薄餅,食一個已翻本。意粉都抵,重口味首推大蝦意粉配龍蝦醬,輕盈的有蒜香檸檬炒蝦意粉,最啱女士。還可選擇丼飯,香軟米飯,配龍蝦、大蝦、三文魚、牛扒或雞肉,大滿足。海鮮迷亦可選擇以加勒比烤蝦或夏威夷椰子蝦配芒果莎莎醬,又或者來客焗波士頓龍蝦尾配特製椰子薑飯,是鎮店名菜啊。

3間抵食劈價西餐 酒店任食4小時牛扒放題+Red Lobster午市套餐+14款自選晚市菜式|區區搵食
焗波士頓龍蝦尾配特製椰子薑飯$ 158
龍蝦肉質結實且彈牙,椰子薑飯飯粒分明,薑的鮮辣配上椰子香甜,匹配!現時這個價錢更包埋一杯檸檬茶及主廚推介湯,抵到爛!
夏威夷椰子蝦配芒果莎莎醬<br
夏威夷椰子蝦配芒果莎莎醬$98
夏威夷椰子蝦金黃香脆,配清新芒果莎莎醬,中和了油膩。
加勒比烤蝦8<br
加勒比烤蝦$108
大蝦啖啖肉,烤得十分香惹,愛海鮮者必叫。
大蝦意粉配龍蝦醬<br
大蝦意粉配龍蝦醬$78
很重口味的意粉,用了龍蝦醬來煮, 加了大蝦,好吃。
燒三文魚配大蝦8<br
燒三文魚配大蝦$168
三文魚燒得皮脆肉香,大蝦厚肉爽口,配米飯好溫飽。

Red Lobster(香港分店)

地址:銅鑼灣Fashion Walk加寧街8號地下(顯示地圖
電話:2261 2996
營業時間:星期一至日11:30am-10pm
供應時間 : 星期一至五 11:30am起(公眾假期除外)
Facebook專頁:Red Lobster Hong Kong

 

 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..