炸醬
炸醬

網民:有幾bad taste先食米線加炸醬?譚仔公開最佳食法 |飲食熱話

飲食

廣告

炸醬是譚仔大熱配菜之一,但如來有人並不同意,覺得湯麵加炸醬離曬大譜,連登討論區就有人出帖大彈:「究竟有幾bad taste先會食湯麵叫炸醬做餸?」樓主覺得湯麵配上又甜又辣的炸醬,會破壞湯底的原味,味道會九唔搭八;如果不加湯,單點炸醬當小吃,更是不知所謂。大家又點睇呢?

網民:究竟有幾bad taste先會食湯麵叫炸醬做餸?

不少人在譚仔都會柯打炸醬當配菜,拌著湯麵吃,大家都習以為常,不覺得有什麼問題。但近來連登討論區就有師兄突破盲點,出帖:「究竟有幾bad taste先會食湯麵叫炸醬做餸?」頗為發人深省。而且理據多多:

1.影響湯底味道:首先炸醬會影響湯底的原味,味道變得不倫不類,就算炸醬另上,最後也是殊途同歸,混入湯麵同吃。

2.溝淡湯底:本身碗麵已經揀好左心水既湯底,成碗甜甜地又辣辣地既野倒落去,唔多唔少溝走左原本湯底既味,搞到碗野個味九唔搭八咁

3.當小食更騎呢:樓主最不理解就是單點炸醬當小食,「仲有班騎呢怪就咁食,認真咁樣食認真戇居,咁不如叫小食食算啦」。

炸醬配湯麵大家習以為常,係唔係真係咁bad taste?
炸醬配湯麵大家習以為常,係唔係真係咁bad taste?(圖片來源:新假期編輯部)
連登討論區有師兄出帖:「究竟有幾bad taste先會食湯麵叫炸醬做餸?」
連登討論區有師兄出帖:「究竟有幾bad taste先會食湯麵叫炸醬做餸?」(圖片來源:連登討論區截圖)
樓主大彈炸醬賣相就如嘔吐物
樓主大彈炸醬賣相倒胃(圖片來源:tamjaimixian.com截圖)

樓主:炸醬加湯麵 唔知點食

樓主非常厭惡炸醬,大彈其賣相就如嘔吐物,而且吃米線時先吃碗中的配菜,另上的炸醬免不了放涼,再放落熱湯中,味道口感非常難頂:「碗炸醬擺耐少少已經又凍又杰撻撻,再溝返落D熱湯到,哇個種感覺真係好奇妙,非筆墨所能形容,比死更難受。」而且炸醬本身口感也不好,完全不理解為何有人會食湯麵配炸醬,認為非常bad taste:「究竟有幾bad taste先會食湯麵叫炸醬做餸?」

除了似嘔吐物外,凍了的炸醬,再混入熱湯中同吃,樓主:「比死更難受。」
凍了的炸醬,再混入熱湯中同吃,樓主:「比死更難受。」(圖片來源:《最爆伴娘團》劇照)
樓主似乎真係好憎炸醬。
樓主似乎真係好憎炸醬。(圖片來源:連登討論區截圖)

網民:最佳食法係撈麵!

不少人都認同樓主:「炸醬點嚟食㗎喎,拎嚟溝落湯嗰啲人都on9」、「食湯麵叫根本多餘」,有人提出真的想吃炸醬的話,不如直接吃炸醬撈麵:「食炸醬撈麵算啦」炸醬要配撈麵才是王道:「炸醬最佳食法係撈麵食,記住係麵,有麥字邊的,米線收皮唔該」更有人笑言:「平時鍾意加多包薯條落去食麵」。

亦有人貼出經典「一乾三濕」潮文回應:「呢個係舊時廣東人嘅傳統,以前d面店講嘅係『一乾三濕』,即係麵、湯、茶、汁 四樣。無論你食雲吞麵、雲吞撈麵,都一定要上齊呢四樣。如果你食撈麵 最正宗最傳統嘅食法應該係先飲茶漱口,之後加醬油落兜湯度,食幾啖麵,含一啖湯,一野噴落個小二身上 :『X! 咁難食點食呀! 』 咁個店家就知你係行家,會打番個7折比你。」

炸醬 不少人讚同樓主的看法。
不少人讚同樓主的看法。(圖片來源:連登討論區截圖)
炸醬最好配撈麵。
炸醬最好配撈麵。(圖片來源:連登討論區截圖)
炸醬 譚子首當其衝,躺著也中槍。
譚仔首當其衝,躺著也中槍。(圖片來源:連登討論區截圖)

炸醬麵源自山東

翻查資料,炸醬麵是中國傳統特色麵食,被譽為「中國十大麵條」之一,源於山東,將熟麵條和炸醬混吃。 炸醬一般用肉碎、肉丁或肉絲,拌黃醬或甜麵醬炒製而成,粵港改良版本還會加糖或蜂蜜。北京、天津、上海、遼寧、吉林、廣東,乃至日本、韓國也有不同製法的炸醬麵。

炸醬麵是中國傳統特色麵食。
炸醬麵是中國傳統特色麵食。(圖片來源:unsplash@tommao wang)
炸醬一般用肉碎、肉丁或肉絲,拌黃醬或甜麵醬,炒製而成。
炸醬一般用肉碎、肉丁或肉絲,拌黃醬或甜麵醬炒製而成。(圖片來源:新假期編輯部)

譚仔炸醬3款食法?

譚仔原來都有在Facebook教如何食炸醬,總共有3個食法,而且叫大家投票:「炸醬你會點樣食?」最少人「直接倒落去」,把炸醬添在湯麵中的食法似乎不大受歡迎,而且還有網民俾「嬲嬲」;第2位是「炸醬米線撈麵」炸醬另上,夾起米線,沾上炸醬吃;第1位是「一啖米線,一啖炸醬」。另外,原來今年譚仔也有推出炸醬芝士撈米線。多種食法,不知哪個是你心水呢?

譚仔曾出帖教路:「炸醬你會點樣食?」
譚仔曾出帖教路:「炸醬你會點樣食?」(圖片來源:[email protected]
炸醬 最少人用呢個方法,仲要有人俾「嬲嬲」。
最少人用呢個方法,仲要有人俾「嬲嬲」。(圖片來源:[email protected]
炸醬 唔少人都鍾意咁食。
唔少人都鍾意咁食。(圖片來源:[email protected]
炸醬 最多人喜愛的食法!
最多人喜愛的食法!(圖片來源:[email protected]
原來今年譚仔也曾推出炸醬芝士撈米線。
原來今年譚仔也曾推出炸醬芝士撈米線。(圖片來源:[email protected]

關鍵詞
飲食熱話
圖片來源:連登討論區截圖、新假期編輯部、tamjaimixian.com、《最爆伴娘團》劇照

最新吃喝玩樂資訊