火鍋配料
火鍋配料

火鍋配料全港必食食材入貨熱點 8間推介!在家打邊爐必備 九龍城手切肥牛肉+大埔街市海鮮重鎮|外賣食乜好

飲食

火鍋配料入貨熱點推介!火鍋是寒流下必食!究竟打邊爐有什麼火鍋材料最重要?今次帶你去九龍城、大埔、荃灣搵高質手切肥牛、手打魚蛋、爆汁肉丸和香脆魚皮等,款款都是城中名物。趁今個冬天打邊爐試一試!

更多詳情 : 手切肥牛肉Top 6!火鍋打邊爐必食:九龍城牛肉長龍店夠抵食+屯門牛皇揀手騸牯牛

火鍋配料推介 打邊爐必食材料

火鍋配料推介1)九龍城新興文記 手切肥牛軟綿抵食

位於火鍋配料重鎮九龍城的新興文記,每到天寒地凍日子便大排長龍,個個都心急如焚想買肥牛,只有老闆文銳輝忙到七彩,都仲笑笑口切牛肉。與新財肉食的老闆大哥雄一樣,他也是牛肉買手之一,雖然入貨量不多,但勝在毋須留貨給火鍋店,只做門市,故此各類型的部位都有得買,嘴刁的你不妨問下輝哥有咩好介紹。

屋企打邊爐!火鍋配料推介:高質肥牛+爆汁牛丸+手打魚蛋專門店 仲有外賣火鍋套餐|區區搵食
九龍城新興文記(圖片來源:新假期編輯部)

服務態度又好,拿出肥牛任你揀,切至約3mm 厚,再細心地在發泡膠盒上鋪得靚靚,以膠袋、報紙的包裝來保持鮮度。肥牛的油花比例均稱,輕灼後會看到半透明的油脂,非常吸引。雖然軟綿的口感確實令人難忘,但就缺乏了些少牛肉味,但論價錢,確實十分抵食!

火鍋配料 新興文記手切肥牛 0/磅
新興文記手切肥牛(圖片來源:新假期編輯部)
  • 店名:新興(文記)肉食
  • 地址:九龍城衙前塱道80號地下(顯示地圖
  • 電話:2718 1778/6822 0242(WhatsApp)
  • 營業時間:7am-7pm

火鍋配料推介2)4個價錢肥牛 九龍城李輝記牛欄

九龍城另一人氣手切肥牛熱賣點,每到冬天同樣人龍不絕,據聞發哥及蔡瀾都是 Fans,肥牛分幾種價錢,價錢以斤秤,愈貴雪花紋愈多,肉質夠嫩滑軟熟,咬落不會滿口韌筋肉渣。雖然價錢略貴但都大把人買,要早早去排隊,亦可早一日Whatsapp去留貨,即日的話就要碰運氣了。

火鍋配料 牛頸脊 0/斤
牛頸脊(圖片來源:新假期編輯部)
  • 店名:店名:李輝記牛欄
  • 地址:九龍城衙前圍道100號九龍城市政大廈2樓 M14舖(顯示地圖
  • 電話:2382 2973/ 6932 8240(whatsapp)
  • 營業時間:9am-6pm
  • FB專頁:李輝記牛欄

火鍋配料推介3)大埔振興爆汁牛骨牛丸+有骨魚皮

食火鍋除了肉類和海鮮外,都要涮丸餃和索汁類配料!大埔這店最出名是肉丸,口味眾多,有牛骨濃味牛丸、川辣牛丸、豬肉丸和三星葱爆醬貢丸等,食前記得小心點,因為一咬爆汁!最受歡迎是牛骨濃汁牛丸,全用澳洲牛肉製造,加入牛骨湯、牛筋及牛脂肪,口感彈牙,牛肉濃味突出。鍾意食索湯汁配料的,記住要試魚皮,這裡的有骨魚皮,用門鱔起肉後連骨同炸,比街邊一般買的魚皮,賣相更金黃,口感也更鬆化,不妨一試!另有各款火鍋牛肉、餃子、丸類、湯底等配料。

火鍋配料 牛骨濃汁牛丸/300g、有骨魚皮/150g、美國安格斯牛肩胛/250g推介牛骨濃汁牛丸,彈牙有嚼勁。
牛骨濃汁牛丸、有骨魚皮、美國安格斯牛肩胛
推介牛骨濃汁牛丸,彈牙有嚼勁。(圖片來源:振興)

火鍋配料推介4)九龍城元合雪白彈牙手打魚蛋+炸魚皮

九龍城元合的手打魚蛋大粒到似乒乓球,倒入碗仲有回彈力,色澤白如雪、 有光澤,魚味頗甜。元合的魚蛋是用門鱔及九棍來製作魚漿,前者令魚蛋變得雪白靚仔,後者加強魚味。手打魚蛋極花時間及師傅功力,老闆每日凌晨就開始煮魚漿、擠魚蛋,以人手打漿,手的溫度會影響魚肉的質感,所以過程要加冰降溫,冬天做,凍到手都僵。接著再用手擠出魚蛋,每粒都是心血。

火鍋配料 元合手打魚蛋 $96/斤
元合手打魚蛋
外形雪白偏身,味道上魚香、鹹鮮十足,彈牙度高,非常爽口,雖然價錢稍貴,但味道質感都最好食!(圖片來源:新假期編輯部)

店子只有在做魚蛋的日子,才會炸魚皮,不是天天供應,想買最好先打電話問問。用上門鱔皮來炸,輕輕扭成麻花狀,令口感更加豐富。魚皮亦分有骨及無骨兩種,很多時炸起後,中午就已經賣光,想食記得早點到。

火鍋配料 炸魚皮
炸魚皮(圖片來源:新假期編輯部)
屋企打邊爐!火鍋配料推介:高質肥牛+爆汁牛丸+手打魚蛋專門店 仲有外賣火鍋套餐|區區搵食
九龍城元合(圖片來源:新假期編輯部)
  • 店名:元合
  • 地址:九龍城衙前塱道72號地下(顯示地圖
  • 電話:2718 6863
  • 營業時間:7:30am-8pm

火鍋配料推介5)九龍城唯豐手打魚蛋鮮甜紮實

唯豐潮洲食品可是九龍城的老字號店舖,紮根廿幾年,發哥、蔡瀾都是熟客。舖內自設工場,老闆每天去街市買材料,再回店內手打肉丸。故粒粒彈牙且不黏口,非常Juicy且吃到原材料味道。丸類選擇豐富,胡椒豬肚丸、薑汁皮蛋貢丸都是新興花款, 全是自家出品。

火鍋配料 唯豐手打魚蛋/斤
唯豐手打魚蛋(圖片來源:新假期編輯部)
  • 店名:唯豐
  • 地址:九龍城衙前塱道38號地下(顯示地圖
  • 電話:6909 4468
  • 營業時間:10am-6pm

火鍋配料推介6)台灣華品貢丸豬後腿肉製作

數到港人到台必吃的名產,必定有新竹貢丸的份兒。以Q彈爽口、肉汁豐富而聞名的老字號華品摃丸正式登陸香港。若想試最原始風味,必試原味貢丸,有大、中、小3個Size。首推手作大貢丸,用上豬後腿肉製作,人手製造出如網球般大的貢丸,大啖品嚐豬肉鮮甜。若想來點別的,有手切香菇及椒麻口味,前者入口鮮香爽口,後者加入秘製四川醬,刺激惹味。

火鍋配料 手作大貢丸 /600g
手作大貢丸(圖片來源:華品摃丸)
火鍋配料 椒麻貢丸 /300g
椒麻貢丸(圖片來源:華品摃丸)
  • 店名:華品摃丸
  • 銷售點:
  • 叁拾士多地址:西環堅尼地城吉席街46至60A號吉豐大廈K號地舖(顯示地圖
  • 各大大昌食品專門店
  • HKTVmall
  • 電話: 2153 2169 / 5222 7704
  • 華品摃丸官網(按此

火鍋配料推介7)大埔街市海鮮檔 全港海鮮大陣營

大埔街市,一向都是街市界的巨無霸,食材通通有齊,而且十分高質。當中海鮮更加是大陣,閒閒地數都有幾十間。來入貨,可以慢慢揀,格下價,啱心水先買,當中陳芬記海鮮,由大埔臨時街市(舊街市),再搬到新街巿至今,算是大埔老字號。店子售賣世界各地海鮮及急凍海產, 也有自家流浮山生蠔、蠔豉、金蠔。

  • 店名:大埔陳芬記-海鮮
  • 地址:大埔鄉事會街8號大埔綜合大樓地下F4,F5,F16
  • 電話:2650 1169
  • WhatsApp:9543 1863

火鍋配料推介8)Donki激安殿堂日本直送火鍋湯底

說到近年來的掃貨熱點,Donki激安殿堂必是數一數二。由尖沙咀、荃灣、銅鑼灣、中環、將軍澳、山頂等,勢力擴張程度相當迅速。店內主賣大量平價日本直送乾貨、美妝、零食等,一眾愛日港人一到必定掃到手軟!而Donki也有不少火鍋湯底及平價火鍋配料可買,如豆乳、醬油、雞肉湯底等,再配搭平價日本國產牛,冬天打邊爐至啱,平歎日本滋味。

火鍋配料 Donki供應多款日式火鍋湯底
Donki供應多款日式火鍋湯底(圖片來源:新假期編輯部)
火鍋配料 日本國產牛4
日本國產牛(圖片來源:新假期編輯部)
  • 店名:Donki
  • 分店地址(按此

常見問題:

九龍城新興文記有得網上預訂嗎?
沒有,只有門市。
如果想早一日去留肥牛,可以去邊一間?
九龍城李輝記。

九龍城新興文記有得網上預訂嗎?

沒有,只有門市。

如果想早一日去留肥牛,可以去邊一間?

九龍城李輝記。

圖片來源:新假期資料室、陳女東記海鮮、華品摃丸

最新吃喝玩樂資訊