澳門自助餐
澳門自助餐

新年小旅行 澳門自助餐 +歎Spa推介

飲食

廣告

一年容易又新年,唔少人呢個時候都會選擇出外度歲,唔想請太多假的話,不如近近地去 澳門 嚟個小旅行,有得食又可以叉叉電。加上今年情人節同新年好近,Dining娜我就諗定先出發去澳門過情人節,再等屋企人嚟一齊過新年,食齊 澳門自助餐 、盆菜、tea set等,等我同大家分享我個新年計劃啦!

(Presented by Sofitel Macau At Ponte 16)

澳門自助餐 歎盡多款海鮮同各國美食

澳門自助餐 一向出名,因為價錢比香港平,選擇又多。今次我有好推介,位於十六浦索菲特酒店嘅海風餐廳以環球美食同海鮮為主題,阿拉伯、阿根廷或美國美食都有齊,如阿拉伯傳統美食雞肉沙威瑪、海鱸魚配阿根廷青醬同烤牛肉等。

要回本梗係要食海鮮啦,呢度有龍蝦、生蠔、刺身,仲有一系列嘅蝦,好似泰國、南非越南都有,啱晒鍾意食海鮮嘅大家。呢度仲有唔少live station,即製pizza、奶油蝦同pancake等。大家記得留肚食甜品,選擇多之餘仲有朱古力噴泉。佢哋個士多啤梨紅色絲絨蛋糕,賣相滿分,每位情侶仲有心形馬其龍做禮物。

海風餐廳
地址:澳門十六浦索菲特酒店6樓

情侶/閨密做Spa推介

平時咁辛苦做嘢,去玩當然要對自己好啲。呢度做Spa一樣有唔少選擇,有「按摩+下午茶」理療套餐同醉迷水療之旅。如果你同閨密去,我比較推介「按摩+下午茶」理療套餐,有45分鐘療程,於排毒按摩、活膚按摩或深層減壓按摩中四選一,按摩後仲有下午茶,一次過滿足你兩個願望。如果同另一半去,就可以揀醉迷水療之旅,包括30分鐘薰衣草浸浴、90分鐘按摩同每人一杯香檳。

開年飯推介 多款套餐+海景

如果你係大家庭,不論團年飯定係開年飯,就梗係食盆菜啦,好意頭又啱晒大家分享。酒店頂層嘅「樂軒華」,可以睇晒澳門內港堤畔全景,加上裝潢典雅,又夠闊落,坐得夠舒服,啱晒一家人一齊睇住靚景食飯!同埋呢間餐廳有好多選擇,除咗盆菜仲有5款套餐,總有一款啱你心水。

5款賀年套餐都係用時令嘅矜貴食材,有龍躉、海參、金蠔等等。每款賀年套餐價錢不同,豐儉由人,好似健康長壽套餐有海參同頭抽蒸青斑;幸福安康套餐就有蠔豉髮菜扣三寶、福菜黑蒜茸蒸花尾龍躉;喜氣洋洋套餐有魚鰾花菇螺頭燉濃雞湯,同六頭鮑魚伴香煎金蠔;大豐收套餐嘅紅燒海參大吉鮑豆袋同明爐醬皇琵琶雞最吸引;最貴嘅幸福美滿套餐,仲有松茸燉迷你佛跳牆同福菜黑蒜蓉蒸老虎斑。全部都好好意頭,話晒新年,我訂咗最貴個套餐,等成家人都食得開開心心!

而盆菜我就揀咗萬事如意聚寶盆,仲訂埋錦繡麻香野菜三文魚撈起。我最期待個盆菜,本身我好鍾意食,呢個盆菜仲有12頭湯鮑、海參、花膠、蠔豉、柱甫、元蹄、燒花腩、鮮蝦及花菇,勁多名貴材料。

樂軒華
地址:澳門十六浦索菲特酒店18樓

中國風Tea set 歎精緻點心同中式宮廷普洱茶

開年飯食完餐咁正嘅中菜,第二日我就plan咗去食tea!酒店另一間餐廳雅聚廊有個新年tea set,入面全部都係中式點心,好似燒賣、蝦餃、燕窩蛋撻、椰香紅豆布丁等,以木盒裝住上枱,幾有宮廷feel,飲品仲可以揀中式宮廷普洱茶,啱晒同屋企人或者朋友一邊傾偈一邊品嘗。

雅聚廊
地址:十六浦索菲特酒店1樓酒店大堂

浪漫fine dining首選 法國餐廳歎和牛鵝肝

情人節同新年咁近,所以我個澳門之旅由情人節開始,我已經訂咗Privé派意舫食情人節大餐,呢間係法國餐廳,最特別係今次嘅情人節晚餐,會加入玫瑰元素。5道菜式款款都好吸引,但我最期待係脆烤和牛面頰肉配香煎鵝肝,同香草蒸多寶魚配羅勒薯仔團及藏紅花海虹汁。而且餐廳仲會送汽泡酒、一盒朱古力同一束玫瑰花,諗起都開心~

派意舫法國餐廳
地址:澳門十六浦索菲特酒店6樓

 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..