深水埗燒味
深水埗燒味

深水埗燒味舖上日本節目!天價四併飯 網民:唔信砌咁靚囉|飲食熱話

飲食

廣告

香港介紹日本美食就見得多,日本節目介紹香港美食就真係好少見!近來有間深水埗燒味舖就成功衝出香港,有幸被日本節目介紹,當中的叉燒、燒肉、雞脾、鵝脾四併飯非常大堆頭,賣相靚仔,令人流曬口水,不過高登討論區的朋友就似乎唔多信,覺得太靚好唔真實:「打死都唔信會砌咁靚囉」、「呢件事點睇都係超現實主義 – surrealism」四併飯盛惠$180,有網民覺得價錢太貴,又有人覺得差唔多。大家又點睇呢?

深水埗燒味舖 衝出香港上日本節目

近來日本節目「屋台メシ部」介紹香港美食,來到深水埗介紹地道的特式美食-點心及燒味。從節目的預告片可見,被日本人力推的燒味店是燒味老字號鴻昌燒臘飯店,足足30多年歷史。節目片段中師傅手起刀落,俐落地斬料,節目推介的是叉燒、燒肉、雞髀、鵝髀四併飯,份量十足,賣相非常四正,燒味油光閃閃,令人流曬口水,女主持更夾起雞肉,遞向鏡頭,令人食旨大動。

深水埗燒味 高登有網民發帖,上載了日本節目的截圖。
深水埗燒味舖上日本節目!高登有網民發帖,上載了日本節目的截圖。(圖片來源:香港高登討論區截圖)
深水埗燒味 日本節目中,燒味四併賣相非常吸引,令人食旨大動。
日本節目中,燒味四併賣相非常吸引,令人食旨大動。(圖片來源:香港高登討論區截圖)
深水埗燒味 女主持更夾起雞肉,遞向鏡頭。
女主持更夾起雞肉,遞向鏡頭。(圖片來源:香港高登討論區截圖)

高登:打死唔信砌咁靚囉

事件亦引來香港連登討論區網友的關注,有網友出帖:「深水埗燒味舖上日本節目」上載多張節目相片,當中亦有四併飯的靚仔相,樓主發言:「打死都唔信會砌咁靚囉」、「假過好假的肥仔」、「笑死,擺碟靚到」、「全部都斬最靚既位同埋咁大份唔係上節目都無可能」甚至有人覺得靚到超現實:「兩舊都無咁靚啦, 深水埗呢間喎, 呢件事點睇都係超現實主義 – surrealism」。有人覺得為了節目效果,砌得靚仔點也無可口非:「上電視就梗係要砌靚啲啦」不過日本人來幫襯時可能會有落差:「之後班架仔遠洋過海黎香港,以為真係有咁大碟」。

深水埗燒味 有網民覺得咁靚嘅燒味飯,就如「好假的肥仔」,一樣咁唔真實。
有網民覺得咁靚嘅燒味飯,就如「好假的肥仔」,一樣咁唔真實。(圖片來源:《放學ICU》截圖)

就食味來說,網民似乎都覺得節目推介得好,有不少人力撐老字號,燒味有質素,外賣還有湯送,幫手介紹:「呢間深水埗老字號有兩間,呢間以前係轉角位,今年搬咗過隔離,舊舖掛哂琵琶鴨、金華火腿出來,有平價燒味飯賣,上個月食過新舗乳豬飯外賣,送湯,唔錯。」亦有人盛讚叉燒富熏木味:「鴻昌叉燒個人覺得幾好,熏木味幾重,第一次食叫外賣雙併,返到去打開,成個飯盒都係果隻熏木味」。

深水埗燒味 網友覺得現實係咁樣,不過這個飯盒不是鴻昌出品。
網友覺得現實係咁樣,不過這個飯盒不是鴻昌出品。(圖片來源:香港高登討論區截圖)
深水埗燒味 網民覺得超現實,連英文surrealism都出埋!
網民覺得超現實,連英文surrealism都出埋!(圖片來源:香港高登討論區截圖)

盛惠$180!究竟值唔值?

四併飯的價錢亦成為討論重點,網民留言揭露價錢:「依個要180港紙」盛惠$180,立即引來熱議,有人覺得太貴:「去旺角風味園都有咁大碟$50」、「200元夠買半隻雞、半斤叉燒,孖寶,買支酒慢慢歎,真係好少見人食燒味飯食到咁貴」而且覺得用近2百元買燒味不太值得:「香港好小人用成2舊水食個燒味頹飯」、「即係你會唔會比2舊水食個M記餐一樣」亦有人思疑日本人會否以4千日元買一個燒味飯:「呢碟二舊水都無咁多,架仔聽到4千YEN 仲食唔食?」。

深水埗燒味 咁大碟真係可以$50就搞掂?
咁大碟真係可以$50就搞掂?(圖片來源:香港高登討論區截圖)

不過亦有大班網民覺得值錢合理:「$180,雙脾加叉燒燒肉,差唔多啦」、「個價差唔多食開ssp燒鵝大王都係咁上下價錢」、「幾年前見個深水埗雙脾飯賣$80呢度加埋叉燒同燒肉,計埋通脹$180呢個價差唔多」甚至已經算平:「雙脾飯都200上下,講緊5、6年前」而且價錢視乎水準高低:「港島食樓主果碟兩舊水都唔得..燒味有分整得好同整得西,簡單d你樓下買盒廿蚊燒味飯。同去樓主講果間買一盒試下有冇分別咪知囉」

而且深信日本人願意科水食:「日本食中華料理好貴的係高級野來」更有人上載日本的中華料理Menu,以2千5日元走跳。不過有位朋友講出了重點,覺得價錢其次,食味才最重要:「人哋介紹覺得佢好食,唔係介紹佢平。」

深水埗燒味 網民上載了日本的中華料理餐單,都以2500日元起跳。
網民上載了日本的中華料理餐單,都以2500日元起跳。(圖片來源:香港高登討論區截圖)
深水埗燒味 仲有埋相,可以看到份量多少,5併飯2500日元,不過似乎燒味份量沒有鴻昌多。
仲有埋相,可以看到份量多少,5併飯2500日元,不過似乎燒味份量沒有鴻昌多。(圖片來源:香港高登討論區截圖)
深水埗燒味 5、6年前都要$200。
5、6年前都要$200。(圖片來源:香港高登討論區截圖)
深水埗燒味 通脹下先然咩都貴。
通脹下先然咩都貴。(圖片來源:香港高登討論區截圖)

關鍵詞
飲食熱話
圖片來源:香港高登討論區截圖、《放學ICU》截圖

最新吃喝玩樂資訊