淋醬千層蛋糕
淋醬千層蛋糕

淋醬千層蛋糕 ! Instagram店自創濃郁泰式奶茶味

飲食

廣告

早前曾介紹曼谷 Central Embassy 商場中的 Audrey Cafe,主打淋醬千層蛋糕,特別係泰式奶茶味千層蛋糕夠哂地道,一試難忘!宜家想食的話唔駛去曼谷,香港都有得食!香港Instagram Shopfoodandream 自創咗不同味道的淋醬千層蛋糕,味道多到你唔信,包括泰式奶茶、焦糖雲呢拿、竹炭芝麻味等。即刻睇以下食評啦!

Audrey Cafe的泰式奶茶味千層蛋糕雖然唔算大件,但奶茶味濃郁,而且層層夾雜忌廉,再加泰式奶茶醬在蛋糕面,非常滋味!

而香港宜家有好多網店都有賣千層蛋糕,其中一間IG shop foodandream 就自創不同味道的淋醬千層蛋糕,賣相都拍得住Audrey Cafe!除咗泰式奶茶味,仲有好多口味畀大家選擇。我哋揀咗泰式奶茶、抹茶同焦糖雲呢拿3款口味,即刻試吓先!

1.泰式奶茶味

奶茶味超濃,而且配埋泰式奶茶醬,好好味~ 坊間比較少見泰式奶茶味,所以絕對值得一試!

2.抹茶味

抹茶味都算濃,而且有抹茶獨有的苦澀味,如果想食淡口味,可以落少d醬。

3.焦糖雲呢拿味

雲呢拿醬好軟滑,而且不會太甜,店主用雲呢拿籽,並非用精油整,味道無咁出但亦無咁假,比較天然同好味。蛋糕面的脆脆都屬自家製作,不會太甜,啱啱好,好味~不過雲呢拿味冇得淋醬,因為店主已經將焦糖醬預先放上蛋糕,再將佢雪好,所以於蛋糕面加上焦糖脆脆就可以。

整體評價

平價千層蛋糕,雖無Lady M咁薄,不過都好軟滑,以自家製嚟講已經合格有餘,價錢吸引又好味,值得推介!自己加醬在蛋糕上,蛋糕醬由店主自家製,有質素而味道好濃,不過如果唔加醬,蛋糕本身味道比較淡,所以成個package咁食就最好味。另外蛋糕可選4吋$120或7吋$160,蛋糕醬亦可散買,$40@100ml。
味道:★★★★☆(Cream好軟滑,味道好有驚喜,但略嫌唔夠薄)
賣相:★★★★☆(賣相同坊間千層蛋糕一樣,但再加醬同脆脆,即刻加分!)
抵買度:★★★★☆($20蚊就有咁高質素千層蛋糕,抵!)

推介度:★★★★★(又平又好味,推介!)

除了以上的味道,仲有奶醬多芝士味、竹炭芝麻味和芒果味,任君選擇。

竹炭芝麻味

奶醬多芝士味

芒果味

foodandream有不少好評,客人試完都會再幫襯。(相片來源:foodandream)

foodandream亦有售多款味道的迷你mini cupcakes,$5一個。

 

foodandream
Instagram:foodandream
電話:6689 2022

 

延伸閱讀:
大熱流心! 全港6大朱古力芝士撻比拼 |FOOD BATTLE|
鯛魚燒新花款! 鹹版三文魚口味 |旺角有咩好食|

最新吃喝玩樂資訊