香港仔艇仔粉最後2艘！流叔艇上煮足40年：$33燒鴨／油雞瀨粉 附出沒時間
香港碩果僅存艇仔粉！逾40年流記艇仔即席烹煮
位於香港仔和鴨脷洲中間的小海灣，泊滿一艘艘小漁船和艇仔，在全盛時期有超過20多艘的艇仔賣著各式各樣的炒菜粉麵。然而，隨住時移世易，政府停止辦發流動熟食牌，如今只剩下2艘粉艇，而其中一間就是由年約70歲的流叔主理的「流記艇仔粉」。流叔由1981年開始做艇仔粉，主要供應燒味、燒鴨粉麵等，艇仔會於香港仔碼頭和鴨脷洲碼頭不定時出沒，想找到流叔的話，就要打電話查詢其位置啦。
記者當日星期六早上到訪，炎炎夏日，見到流叔汗流浹背地於艇仔上煮麵，在高溫的天氣加上熱辣辣的煮食爐前，整件綿衫都濕透了大半，但是依然紮穩馬步，一人密密斬著燒味、煮著客人的粉麵。「現在我身體OK，暫時都做得！幾廿歲無辦法了，要搵食。自己搵得一千多一千囉！」流叔亦指有不少熟客都會專程到訪幫襯，生意大多不錯，仔女亦會不時落場幫手。艇仔粉對於流叔而言，已經成為了習慣和日常，只要自己身體許可，都會繼續做下去。不過由於流叔年紀大，所以目前只有2日開工（星期六及日），朝十晚四默默煮麵。
懷舊艇仔粉：燒鴨髀／油雞／叉燒瀨粉 精華在於大地魚乾湯！
流記艇仔粉主要以燒味搭配粉麵，當中湯底一律是由大地魚乾熬成的海鮮湯，算不上濃味，但勝在味道鮮甜鹹香，再加上風味搭救，是坊間飲不到的味道。燒味均是由香港仔入貨，而油雞是由流叔自家浸泡。燒味分別有供應燒鴨、油雞和叉燒，而粉麵則有河粉、瀨粉和米粉。客人可以自選燒味單併或雙併，不過流叔亦會隨心加料，即使只點燒鴨，都可能會見到流叔畀埋油雞和叉燒㗎！
識食就一定要食流叔推介的「下莊」部位，所謂的下莊，即是燒鴨髀的部份。他解釋因為燒鴨吊起燒烤時，位於下方的燒鴨髀會盡吸精華，而且較肥美，咬落油香滿溢！另外配上彈牙滑溜的瀨粉，風味十足！如果不是即食的話，亦可外賣以分湯另上，不過最好就拿上手熱辣辣時即買即食！
食到艇仔粉攻略！
流叔星期六、日早上10時至下午4時，均會在香港仔或鴨脷洲沿岸出沒，記者建議可以在出發前，預先打畀流叔查詢當日營業時間。到埗後，可以留意沿岸艇仔有沒有流記的蹤影。如果需要過對岸的話，可以於香港仔或鴨脷洲碼頭乘坐船，船程約2分鐘左右。
- 店名：流記艇仔粉
- 出沒地點：香港仔香港仔海傍道香港仔海濱公園
- 電話：9140 2628（出發前建議先打電話給流叔查詢營業時間）
- 營業時間：星期六至日10am-4pm（星期一至五休息）
