【附足本版專訪片段】森美、陳豪爆笑合體! 挑戰5分鐘快閃整兔仔便當|懶人廚房(新假期APP限定)

暑假又到啦!森美同陳豪合作為大電影《比得兔2: 走佬日記》配音,劇情溫情又搞笑,非常適合一家大細去睇!今次懶人廚房邀請咗佢地,挑戰5分鐘快閃完成兔仔便當!一齊嚟睇吓佢地整成點啦!

撰文:Sumi|攝影:林志華、Day

森美、陳豪挑戰快閃整兔仔便當!5分鐘搞掂

比得兔便當(圖片來源:新假期資料室)
比得兔便當(圖片來源:新假期資料室)

創意爆燈嘅森美同陳豪合體,今次決定整比得兔便當!呢個組合火花四濺,製作過程中笑料百出,最後製成品非常爆笑!期間兩位仲大講湊仔經,同分享電影配音趣事與困難。

森美同陳豪合體整便當!(圖片來源:新假期資料室)
森美同陳豪合體整便當!(圖片來源:新假期資料室)

講明係兔仔便當,當然要有隻兔仔啦!兩位就用飯砌成兔仔頭同身。就咁砌咗個外型已經好似啦喎!

(圖片來源:新假期資料室)
先準備好兔仔形狀嘅飯(圖片來源:新假期資料室)
(圖片來源:新假期資料室)
又整得幾神似喎!(圖片來源:新假期資料室)

好!最重要嘅環節到啦!要整兔仔樣同其他配料~一於睇吓佢地整成點啦!

小朋友記得要食多啲菜啊~(圖片來源:新假期資料室)
小朋友記得要食多啲菜啊~(圖片來源:新假期資料室)

森美首先用沙律菜墊底,話小朋友要食多啲菜先健康。仲分享咗原來人係天生唔鐘意食蔬菜,因為野外好多菇類同菜類都含有毒素!

加咗對好「炯炯有神」嘅眼!(圖片來源:新假期資料室)
加咗對好「炯炯有神」嘅眼!(圖片來源:新假期資料室)

陳豪出手切咗粒小番茄做兔仔眼!引來森美一陣爆笑,話咁樣似乳豬多過兔仔喎!望落又真係幾似紅燒乳豬啵~

大功告成!(圖片來源:新假期資料室)
大功告成!(圖片來源:新假期資料室)

陳豪用芝士印花,為兔仔製作出一件靚衫!仲用玉子燒做兔仔手,上面放咗2條魚乾。原來係因為呢隻兔仔鐘意做Gym,所以咁大隻,仲有好多手筋!認真搞笑~

砌飯都已經好多笑料啦!(圖片來源:新假期資料室)
砌飯都已經好多笑料啦!(圖片來源:新假期資料室)
隻兔仔到底會係咩樣呢?(圖片來源:新假期資料室)
隻兔仔到底會係咩樣呢?(圖片來源:新假期資料室)

製作期間,兩位大方分享湊仔經,覺得時下小朋友生活好豐盛,同佢地以前嘅童年好唔同。

訪問期間兩位爸爸都流露出對仔女嘅愛~(圖片來源:新假期資料室)
訪問期間兩位爸爸都流露出對仔女嘅愛~(圖片來源:新假期資料室)

兩位都對今次電影配音工作感到有挑戰性。聽完兩位分享,發現原來要為卡通人物配音並非一件易事!而森美亦大爆陳豪令佢好驚喜,因為出名正經嘅陳豪,竟然可以配到一個好挑皮嘅卡通角色!

撰文:Sumi|攝影:林志華、Day

最新吃喝玩樂資訊