春天滋味！Muji新品抹茶 + 櫻花小食全7種
廣告
一講到春天，第一時間諗起櫻花！賞花一定唔少得呷一口抹茶。近年興起各種「櫻花味」及「抹茶味」小食及飲品，你又有無試過？
最近無印良品新推出一系列以春天為主題的小食，包括櫻花味及抹茶味，和風感覺爆燈！
燦爛而短暫的櫻花之味
櫻花之所以為人所喜愛，正正因為它的開花期非常短暫，而且會在最靚的時候凋謝，夠晒浪漫！而且粉紅色充滿少女風，難怪大部份女孩都喜歡櫻花！
甜而不膩的綠茶小吃
和風的綠茶及抹茶食品最近在網上大熱，甜甜之餘不會膩口，就算不嗜甜的人亦可享受其中。編輯最想試係綠茶白朱古力撻，邊款又最啱你心水？
小貼士：聽講加埋花草茶一邊飲一邊食，利用茶的清淡來襯托去膩會更好！
