旺中 又有新食店!!! 1尺長巨型魷魚: 大過塊面 |旺角食乜好|
夏天慢慢離去，女孩子們又係時候「積膏防飢」，努力食好西。今次為各位吃貨介紹 旺中 一家新食店，1尺長超級大魷魚、拉芝多士、燈泡特飲等等，全部都非常吸引眼球，食得又睇得，女孩子們又多一個影相打卡的選擇了。
撰文：Mandy｜攝影：Scott
旺中 新食店！一尺長大魷魚
積極轉型的 旺中 ，不斷加入新食店，最新一員「烤焗工房」，主打出售香口小食，最特別的絕對是1尺長的大魷魚！不過記者現場所見，薯條拼盤以名燈泡特飲都是不少人的心水之選。
轟炸大大大魷魚 $25
新鮮熱辣的炸魷魚，足足有1尺長，比記者的臉還要大！食落十分香口，不過雖然炸粉不算厚，但魷魚本身比較薄身，所以都有點蓋過了魷魚味。但貪新鮮的話，可以一試！
火焰芝士沙律薯條脆筒 $25
這個脆筒層次比較豐富，分為3層，分別是蛋沙律、薯條以及芝士。不要小看這個脆筒，體積雖小，但芝士、薯條以及沙律都是飽肚食物，食完一個都已經夠飽。值得一讚的是，脆筒本身非常鬆脆，值得一試！
雙層芝士拉絲飛碟 $22
不用多說，有芝士的食物，幾乎與好味劃上等號。今次這個雙層芝士拉絲飛碟，除了芝士以外，亦加入了煉奶。最初以為又咸又甜有點奇怪，但食落出奇地夾，食唔停口。
吉列大蝦配薯條 $30
除了薯條以外，亦可選擇炸薯角、炸洋蔥圈以及芝士條，醬汁方面亦有芝士醬、蜜糖芥末醬、千島醬以及沙律醬可供選擇，配搭都算多元化。
燈泡特飲 $13（買任何食品+$6）
食完熱氣食物，當然要飲返杯飲品，燈泡梳打一共有4款口味：芒果、荔枝、薄荷以及橙味，不過每日限量供應，記者當日大約7時到場，荔枝味已經售罄，想飲就要早點到。
店主指，稍後時間將會推出新食品：焗薯，敬請期待。加上這位新成員， 旺中 的這個角落，已經有7間食肆，據聞11月會有更多食店加盟，似乎真的想與葵廣爭一日之長短。
