文記車仔麵
文記車仔麵

深水埗文記車仔麵!高速列車送麵 必食瑞士雞翼+足料餃子|區區搵食

飲食

廣告

深水埗文記車仔麵高速列車送麵!不少香港人都喜歡食車仔麵,即使是遊客訪港,車仔麵店都成為他們必食的美食!位於深水埗的文記車仔麵絕對榜上有名,最近有眼利的網民發現餐廳竟然推出高速車仔麵列車,大玩將港式地道「嗱喳麵」糅合新式科技,好有噱頭!

深水埗文記車仔麵驚現高速列車!

文記車仔麵在深水埗福榮街坐擁連續4間地舖,經常大排長龍,很受街坊歡迎,而且更連續3年獲得米芝蓮街頭小食推介!最近有眼利的網民發現位於其中一間分店出現高速車仔麵列車,記者親身到店實試,發現真有其事!雖然文記車仔麵在深水埗有4間分店,不過只有位於福榮街115號分店才有高速列車送麵服務,而且列車供應已經有一段時間。每碗車仔麵穩穩地坐在列車上,沿著約15米長的列車軌道送到客人面前,好盞鬼!

文記車仔麵 深水埗文記車仔麵推出高速列車送麵,只限福榮街115號分店先有!
深水埗文記車仔麵推出高速列車送麵,只限福榮街115號分店先有!(圖片來源:新假期編輯部)
文記車仔麵 想食到由列車運送的車仔麵記得要坐吧枱啦!
想食到由列車運送的車仔麵記得要坐吧枱啦!(圖片來源:新假期編輯部)

必食配料排行榜:清甜蘿蔔+瑞士雞翼+足料餃子

餐廳供應多達14款麵底和62款配料,麵底方面包括油麵、粗麵、米線、銀針粉、番薯粉等,油麵軟硬度適中,口感彈牙。此外,車仔麵的配料絕對是另一賣點,更設有十大必食配料排行榜,啱晒選擇困難症的食客。其中熱賣配料分別有蘿蔔,憑藉其清甜軟腍而且沒有渣的口感贏得客人喜愛;瑞士雞中翼滷得入味,食起來帶微甜,大人細路都難以抗拒。另外餃子亦同樣出色,粒粒爆餡足料。

文記車仔麵 店家供應多達14款麵底和62款配料,配料價錢由$10-$15不等。
店家供應多達14款麵底和62款配料,配料價錢由$10-$15不等。(圖片來源:新假期編輯部)
文記車仔麵 車仔麵底的油麵口感彈牙。
車仔麵底的油麵口感彈牙。(圖片來源:新假期編輯部)
文記車仔麵 瑞士雞中翼$15)十分入味,而且肉質滷至軟腍。
瑞士雞中翼($15)十分入味,而且肉質滷至軟腍。(圖片來源:新假期編輯部)
文記車仔麵 清甜蘿蔔$10)食落無渣軟腍,而且好夠味!
清甜蘿蔔($10)食落無渣軟腍,而且好夠味!(圖片來源:新假期編輯部)
文記車仔麵 自製菜餃$12)好足料,皮薄餡多,是必食配料排行榜上有名㗎!
自製;韭菜餃($12)好足料,皮薄餡多,是必食配料排行榜上有名㗎!(圖片來源:新假期編輯部)
文記車仔麵 店內設有10大必食配料,不用怕心大心細揀唔到啦!
店內設有10大必食配料,不用怕心大心細揀唔到啦!(圖片來源:新假期編輯部)
文記車仔麵 文記車仔麵福榮街115號分店)
文記車仔麵(福榮街115號分店)(圖片來源:新假期編輯部)
  • 餐廳:文記車仔麵
  • 地址:九龍深水埗區福榮街115號地舖
  • 電話:9059 5104
  • 營業時間:星期一至日11am-4pm
  • 備註:此分店只接受電子支付(如支付寶、微信支付、八達通等)

常見問題

深水埗文記車仔麵的所有分店都有高速列車嗎?

深水埗文記車仔麵暫時只有一間分店有列車,詳情按此

深水埗文記車仔麵有甚麼必食配料嗎?

文記車仔麵供應超過60款配料,當中更設有10大必食推介,詳情按此

圖片來源:新假期編輯部

最新吃喝玩樂資訊