【自助餐放蛇起底組】$149食盡中日放題 雞煲都任食!

旺角兆萬出名多 放題 ,每次嚟到都唔知揀邊間好,加上係呢度都中過唔少伏,淆淆地。不過今次呢間餐廳最平$149就可以食到日式+中式 放題 ,有得食埋小炒同雞煲,見平時 放題 都少食到中式野,點都要去試下!

 

刺身壽司選擇多 質素對得住個價

嗌野食都係用Order紙嘅,都有多過十張紙可以揀,唔錯喎!刺身壽司選擇幾多,除咗Order紙上嘅刺身,而家入座仲會按人頭送返帆立貝、有頭甜蝦同北寄貝,刺身擺盤同樣都唔差。壽司選擇同平時放題嘅差唔多,而且唔會太大件,一啖食得哂唔怕會太飽。

 

吉列蝦反卷,完全食唔到蝦,而且飯好濕,唔掂!

日式燒物炸物都唔錯 仲有得意香蕉仔

食完生冷野食返啲熱野,繼續日式之旅,試埋燒物同炸物!燒物有羊扒、豬軟骨、牛舌等,羊扒燒得岩岩好,食落唔會羶仲夠腍、燒菠蘿多汁且甜;炸物份量足,但天婦羅好厚粉,蓋過哂原本食材嘅味。

 

 

飲品選擇唔多 清酒要加錢

飲品出面拎,汽水唔夠齊,但茶類就幾多。雖然宣傳單飲品果度有寫清酒,但細問之下原來要加錢。

中式放題任食雞煲 大大碟炒蜆炒牛肉

呢間放題特別之處在於除咗有日式放題,仲有中式,仲要係平時大排檔食嘅小炒都有,岩哂唔同口味嘅朋友Gathering,中意食中式小菜嘅黎得過!

甜品唔係任食 質素麻麻

 

總結:整體選擇幾多,仲要有埋中式選擇,中式小炒有驚喜,食物品質亦對得任個價,係日式刺身麻麻,服務亦唔錯。
總分:7/10

櫻花中日放題
地址:旺角西洋菜街1號兆萬中心3樓301號舖(顯示地圖)
電話:3549 8949
營業時間:5pm – 12:30am
$149放題供應時間:入座時間17:00-17:30
用餐時間:入座時間起計2小時(有其他時段2.5小時)
備註:收加一

最新吃喝玩樂資訊