食牛要夠刁鑽? 打邊爐 狂食20個激罕牛部位@DINING娜

(Presented by 616牛肉火鍋專門店)
Photo: Kwan Yiu

等咗咁耐終於凍凍地,又係時候瘋狂打!邊!爐!平時任食邊爐食得多,配料多就多,但主角——肉呢,選擇就太少喇…… 作為牛魔王嘅Dining娜, 打邊爐 又點可以無牛?唔止呀,仲要有好多好多種唔同嘅牛肉添呀!

話說飲食Vlogger寶欣最近去咗616牛肉火鍋專門店,呢間牛肉專門店越來執有人氣,因為佢出名食得夠刁!超過20個牛肉部位比你試,淨係手切牛肉都已經有好多款:挽手腩、匙柄、吊龍伴、金花趾……自稱吃貨嘅我,完全聽都無聽過!除咗唔同嘅手切牛肉,仲有牛骨髓、熟板筋、胸口膀、牛丸等等,碟碟都係$48咋~

想一次過試晒咁多款牛肉?你好彩啦!最近616出咗冬季限定「牛板」set,比你一次過試足15個唔同部位!

特別推介挽手腩,佢係接近牛胸,連接爽腩同坑腩嘅部位,每隻牛得兩至三斤㗎咋!呢個部位牛味濃郁,啖啖油香,真係人間極品呀~

而三花腱呢,係包住牛小腿嘅腱肉,濃味又有咬口。

呢個「牛板」set只係$338,仲有一籃雜菜、烏冬同兩罐飲品,兩個人食啱啱好,真係好抵呀~

除咗晚餐,午餐一樣可以食得豐富㗎!616趁住冬天,都出咗兩款Lunch Set,一樣咁正啫~

一人一鍋速食鮮牛烏冬,一鍋有齊手切牛肉、牛丸、牛骨髓等等新鮮食材,配上清甜嘅牛骨湯底同滑一滑嘅稻庭烏冬……呢個lunch真係好邪惡,不得了呀!!

另外,616仲自創咗——牛餐肉大碗飯!午餐肉嘅牛肉版,真係令人又驚又喜!煎香嘅牛餐肉,牛+油香四溢,配上甜甜地又蒜香十足嘅秘製牛肉汁,真係幾大碗都食得落呀!

打邊爐 後記

如果你都係牛魔王,記住一定要去616牛肉火鍋專門店,你一定會「牛」連忘返呀~

地址:

元朗西菁街9號富盛大廈地下95-100號舖(千色滙附近)

大圍積富街33號積康樓地下C&D鋪(賽馬會附近)

上水新豐路4-10號順利樓地下B2鋪(油站對面)

大埔翠怡街3號翠怡花園B座地下18號舖(太和地鐵站5分鐘路程)

最新吃喝玩樂資訊