【出街搵食】觀塘手工意粉＋雲吞 意籍老闆掌廚 平價意式傳統風味 ｜觀塘西餐｜
香港的傳統手工意大利菜，大多是貴價貨。但最近有間主打手工意粉和意式雲吞的餐廳進駐觀塘，由意大利老闆掌廚，單是手工意粉已有6款，更有少見的Gnocchi薯糰粒、貓耳朵粉、扭紋粉等款式，夠誠意。手工意粉價錢算親民，性價比高，觀塘友不妨一試！
觀塘新開 手工意粉＋意式雲吞
餐廳中單是手工意粉已經有6款，包括用薯仔做的 Gnocchi 薯糰粒、貓耳朵粉、扭紋粉，夠罕有。而煮麵條的時間亦夠精準，食到真正的Al dente。
用新鮮薯仔做，聞到撲鼻薯仔香，口感煙韌如韓式年糕，煙韌控最啱食。辣汁以辣肉腸及辣椒調配，辣中帶微麻。
捲曲度比螺絲粉更細密的扭紋粉，醬汁沾得更多，酸酸甜甜的茄醬很開胃。
意式雲吞亦一樣多選擇，除了常見的大方形，還有餃子形，甚至細如手指頭的小雲吞。餡料亦不只是 Ricotta 芝士配菠菜，牛肉、巴馬火腿、牛肝菌等，百搭多變。醬汁亦一洗濃烈膩滯的形象，只用簡單樸實的牛油汁配橄欖油、少許黑松露，甚至用雞湯，絕不喧賓奪主，要你吃到雲吞內裡餡料的原味。
細細粒，一咬湧出強烈的巴馬火腿鹹鮮及油香，猶如小子彈一樣。雞湯清淡爽身，正好平衡雲吞餡的濃味。
大方形雲吞（Ravioloni） 做得工整，皮薄兼煙韌彈牙，牛肝菌菇香突出，配搭的牛油橄欖油汁輕盈清爽。
雲吞飽滿，Ricotta 芝士混合菠菜，有芝士奶香，口感黏糯，配黑松露同食，餘韻悠長。
意籍老闆大廚 傳統家鄉食法
意籍老闆兼大廚 Luca，發現在香港食意大利菜，多數都是中環灣仔的貴價貨，而且光顧的都是「 鬼佬 」，傳統意菜的文化，好像進不了港人的心。於是他決定選址觀塘，平價賣家庭式風味的手工意大利雲吞、意粉。他最愛跟客人分享家鄉美食，原來意大利人吃Parma Ham有另類食法，不配蜜瓜，又會用10年陳醋配雪糕。
在雪糕上加上10年陳醋，微酸帶甜的醋液引出雪糕的香甜，好夾。
做法正宗，Lady Finger手指餅浸過咖啡酒，吃到咖啡甘澀及酒香。面層的軟芝士忌廉絲滑輕盈，整體濕潤度剛好，不甜不膩。
Luca找來在意大利的中學老死兼同鄉、50年手作意粉廠的後人，提供直送到港的新鮮意大利雲吞及意粉，連英國米芝蓮餐廳都選用。至於意粉醬汁、香料、意大利陳醋和巴馬火腿也是家鄉貨，希望做到百分百地道！
Pasta Zone
地址：觀塘開源道60號駱駝漆大廈3期1樓J舖（顯示地圖）
電話：2325 2335
營業時間：星期一至日 11:30am – 6pm
延伸閱讀：【出街搵食】日賣300碗！米芝蓮師傅主理！觀塘熱辣辣即燒叉燒煎蛋飯｜觀塘美食｜
