快餐店
快餐店

快餐店1人霸位奇招 網民熱議大家樂一人獨食 用支筆霸位咩道理?|飲食熱話

飲食

廣告

繁忙時間,快餐店人頭湧湧,座無虛席,一條友食飯究竟應該點霸位?還是應該取餐後再搵位?相信不少人都遇到以上情況,近日就有網民在Facebook群組「真.屯門友」中熱烈討論,網民提到去大家樂買飯,見一食客以一支筆來霸位,對該食客行為感到不屑,嘲諷該霸位食客:「你用支筆霸位?」此留言引起網民熱議,有人讚同樓主所見,有人則覺得霸位人士情有可原,實屬情理之內。大家又點睇呢?

大家樂食飯 用一支筆霸位遭嘲諷

一個人在繁忙時間在快餐店進餐,又要點餐又要搵位,究竟可以點?近日有網民在Facebook群組「真.屯門友」中留言,提到在大家樂買飯時看見有食客以筆霸位,對此大感不屑:「話說頭先去大家樂買飯。見到有個食客會用支筆黎霸位。然後走咗去買嘢食。佢返嚟我就話佢你用支筆霸位?」而且覺得自己下次可以再過份點,不應手軟,更狠斥該霸位食客為「x街」:「諗返轉頭,我下次應該玩嘢少少,攞住支筆去同經理講:(有人留咗支筆)等個仆街搵唔番支筆!」

在快餐店用餐,經常看到有親朋戚友埋位,好正常,但如果一支公呢?
在快餐店用餐,經常看到有親朋戚友霸位,好正常,但如果一支公呢?(圖片來源:大家樂)
快餐店 樓主忍唔住串霸位食客:「你用支筆霸位?」
樓主忍唔住串霸位食客:「你用支筆霸位?」(圖片來源:《愛回家》劇照)
快餐店 樓主因為見到有人用筆霸位而感到不屑。
樓主因為見到有人用筆霸位而感到不屑。(圖片來源:「真.屯門友」群組截圖)
快餐店 網民嘲諷該霸位食客。
網民嘲諷該霸位食客。(圖片來源:「真.屯門友」群組截圖)

「一條友食嘢可以點」vs「點解唔可以買完搵位?」

雖然只是一個普通留言,卻引來不少網民回應,並就事件作出一番辯論,有人同意樓主所見,更嘲諷霸位食客:「睇開d啦人地身無長物」但有人覺得一個人無朋友同行,無人幫手霸位,取餐後想搭枱又有機會遭拒,有時都真的好無奈,才會出此下策,實屬情理之內:「好多時一條友都好難搵位,有時問人可唔可以坐,係都話有人坐唔想人搭枱」有人覺得用筆霸位其實都不離譜,有時一支公食飯,身上可能只得銀包:「一個人想堂食,拎餐唔通真係迫人用銀包霸位?」

繁忙時間,一支公在快餐店搵位,無人幫手霸位,用身上物件霸位,分分數俾人嘲諷,都真係幾無奈。
繁忙時間,一支公在快餐店搵位,無人幫手霸位,用身上物件霸位,分分數俾人嘲諷,都真係幾無奈。(圖片來源:《愛回家》劇照)
快餐店 好多人一支公,又無手袋,可能都真係得銀包同支筆。
好多人一支公,又無手袋,可能都真係得銀包同支筆。(圖片來源:「真.屯門友」群組截圖)

但有人反駁何不取餐後才搵位:「一個人想堂食,點解唔可以買完搵位?」、「正常唔係買完野再揾位?」隨即有人回應,有時真的無可奈何,繁忙時間分分鐘要等上15至30分鐘,難道要捧著餐呆等?「屋邨舖真係可以15-30分鐘都等唔到位」,「雖然筆又難搞啲,不過一條友食野可以點?要人買完野食拎住個餐先周圍搵位咩?」

更有網民分享其激心霸位經驗,曾以手袋霸位卻遭人嘲笑戲弄:「我曾經用過手袋霸位,取銀包去買嘢食,點知回來。。。個手袋俾人拎左去隔兩個位,有一男一女他們坐了我的位,過係咁對嘲笑。唉。。。。。香港有呢種人,以強凌弱。唔會有運行啦」

快餐店 有人反問:「點解唔可以買完搵位?」
有人反問:「點解唔可以買完搵位?」(圖片來源:「真.屯門友」群組截圖)
快餐店 一條友好難搵位。
一條友好難搵位。(圖片來源:「真.屯門友」群組截圖)
快餐店 捧住個餐先黎搵位,又狼狽,又唔知要等幾耐。
捧住個餐先黎搵位,又狼狽,又唔知要等幾耐。(圖片來源:「真.屯門友」群組截圖)

關鍵詞
飲食熱話
圖片來源:《愛回家》劇照、[email protected]「真.屯門友」

最新吃喝玩樂資訊