【自助餐我要】尖沙咀6折自助餐 3.5小時任食即開生蠔＋燒和牛肉眼扒＋送Tea Set！
記者：Joan 攝影：Woody
尖沙咀九龍酒店和牛自助晚餐 最平6折！
九龍酒店酒店自助晚餐由6pm供應至9:30pm，可任吃3.5小時，最近自助餐以和牛及東瀛風作主題，經酒店網頁訂購最平有6折優惠（文末有連結），吃完每位成人會送一個Tea Set，超抵！即睇有咩食！
3款即開生蠔
回本必吃的生蠔區，共有3款生蠔，近期供應法國的Fine de Claire、美國的Washington和紐西蘭生蠔，前兩款即叫即開，師傅手勢純熟，好快有得食！生蠔無限量供應，即使到九點多師傅都繼續Stand By，可回頭再吃。
5款凍海鮮：蟹腳＋凍蝦
同場也有5款凍海鮮，包括蟹腳、凍蝦、翡翠螺、青口和藍青口，記者見到師傅有密密Refill，唔驚無得食。
即切刺身＋火炙和牛壽司
刺身區在餐廳較入位置，但都多人排隊等吃。刺身即點即切，有三文魚、希靈魚、劍魚腩、八爪魚和甜蝦等。
即燒和牛肉眼扒！
大家最期待的和牛扒！師傅會在燒肉區輪流燒製和牛肉眼扒和一口安格斯牛肉，和牛用上宮崎A4和牛肉眼扒，油脂豐富！一口安格斯牛肉則肉味較濃郁，更有咬口，燒好後會有侍應拿著鈴鐺邊響邊走勻全場，通知大家可拿取和牛或安格斯牛肉，在場的一定聽到！師傅每次也大量燒製，只要耐心點排隊的都有得食！
即切燒牛肉＋羊架＋鴨肝
食完和牛後，如果食肉獸還不滿足，放心！還有多款肉類等著你繼續戰鬥。推介加拿大有骨肉眼扒和羊架，前者肉質有咬口，帶適量脂肪，食得落的不妨叫師傅厚切！另外也有燒匈牙利頂級鴨肝、乳豬炒飯，非常邪惡！
更多熱盤：吉列和牛牛面頰＋味噌鮑魚
Mövenpick雪糕專區＋即製班戟
甜品也算多選擇！最吸睛的是在一角的Mövenpick雪糕專區，有8款口味任揀，大路的朱古力、士多啤梨、焦糖燉蛋口味都有，更有較少見的熱情果芒果雪葩、檸檬青檸雪葩，更有朱古力豆、糖果和醬汁可任加。
想吃點熱的甜品也有得揀！有熱爐可點即製班戟，包著忌廉和香蕉，還有煉奶、花生醬可任唧，愛甜人士必吃。另外還有光波爐密密焗製梳乎厘，微甜鬆軟，不過小心辣嘴！
限定派發：巨型火焰雪山
每晚約8pm，更會有師傅推車仔到當眼位置，供應巨型火焰雪山，不過只得一個，切件派晒就無！記者拍攝當日的是芒果雲呢嗱口味，酸酸甜甜不會很膩，口味會不時轉換。
自製飲品區：台式珍珠奶茶！
飲品有幾款可任飲，包括台式奶茶、綠茶和紅茶等，更有多款配料可自製心水飲品或刨冰，除了有水果、椰果、涼粉等，更有煙韌珍珠！珍珠味道較淡，但配上台式奶茶，止止珍珠癮都OK。
食完自助餐 再送Tea Set！
6折食自助餐都未算最抵！最抵的凡成人惠顧會每人送一份Tea Set（原價$98），Tea Set有4款當日精選鬆餅和甜點，並附送一杯咖啡或紅茶，可免費約朋友再食過！
九龍酒店倚窗閣
地址：尖沙咀彌敦道19-21號九龍酒店2樓倚窗閣（顯示地圖）
電話：2734 3803
味遊東瀛：和牛自助晚餐
供應時間：即日至8月31日 每日6pm-9:30pm
價錢：
星期一至星期四：成人$528、長者及小童$378
星期五及星期日：成人$548、長者及小童$398
星期六或公眾假期及其前夕：成人$578、長者及小童$398
訂座連結
備註：另收加一服務費
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
