將軍澳
將軍澳

將軍澳豬肉檔亂收錢 貨不對辦街坊拒硬食:瘦肉韌到咬唔開|飲食熱話

飲食

廣告

將軍澳豬肉檔亂收錢強迫消費!有將軍澳街坊在討論區內發帖,指自己早前在寶琳街市的豬肉檔購買豬肉,惟店員無視她只要$30豬肉的要求,強迫消費,硬是切夠$50「焗」她要,後來更有後續事件發生。帖文一出即引起將軍澳街坊的共鳴,紛紛表示該肉檔女職員是慣犯,不少人都中過伏!

將軍澳寶林街市強迫消費$30變$50

有新進師奶的將軍澳女街坊於Facebook群組「將軍澳主場 」附圖發文,指自己在寶琳街市某豬肉檔購買豬肉,說要$30豬肉,豬肉切割員卻切夠$50迫事主買,但表示當日「無同佢計較」付款了事。

將軍澳 有街坊指於寶琳街市某豬肉檔,被迫由消費$30豬肉夾硬變成$50、又擅自幫她將半肥瘦豬肉攪碎。
將軍澳寶琳街市豬肉檔亂收錢!有街坊指於寶琳街市某豬肉檔,被迫由消費$30豬肉夾硬變成$50、又擅自幫她將半肥瘦豬肉攪碎。(圖片來源:[email protected]「將軍澳主場」群組)

攪碎半肥瘦豬肉 事主:瘦肉韌到咬唔開

唯在近日再度幫襯同一家豬肉檔跟同一位女豬肉切割員購買豬肉時,「我買30元半肥瘦,又係呢個阿姐係無問我的情況下,佢叫人幫我攪碎嚿肉,仲想焗我要」,今次已被激到一肚氣的事主堅決拒絕,「呢個阿姐就畀晒面色我睇,求其切左嚿瘦肉畀我,我心諗炒瘦肉都可以,就算數走咗,晚餐炒左啲肉來食,先發現硬到食唔到」,懷疑女店員因她拒絕硬食而報復,恰她這位無經驗的新進師奶,大嘆倒霉的事主表示「以後都唔想幫襯呢間買肉」,同時叫街坊小心中伏。

將軍澳 豬肉檔 有街坊教路唔想去街市買餸被呃,就要「所有要磅秤嘅嘢,如海產、菜、肉等…消費者話事,你話幾多就幾多。點會由佢話事呢?如果佢話事,咁個秤要嚟托呀?唔做賣咪走囉,得你一檔咩?」
有街坊教路唔想去街市買餸被呃,就要「所有要磅秤嘅嘢,如海產、菜、肉等…消費者話事,你話幾多就幾多。點會由佢話事呢?如果佢話事,咁個秤要嚟托呀?唔做賣咪走囉,得你一檔咩?」(示意圖 非相關店舖)(圖片來源:[email protected]

同區街坊:話唔要咁多會黑臉 該豬肉檔是「慣犯」

帖文一出即引起將軍澳街坊的共鳴及熱議,紛紛口誅筆划指控該肉檔是慣犯,「呢個阿姐最鍾意亂咁收錢!」、「成日都係咁,我又係買30俾50,話食唔哂唔要,就扮慘話切左」、「呢個阿姐個朶響左好耐!最鐘意亂X咁收錢」,更有住在該區多年、經驗老到嘅街坊表示「依家檔檔都係咁,切多焗你要」,「街市慣常生意手法」,力勸事主別息事寧人「下次佢再亂切,可以打去海關」,不少中過伏的街坊表示「有些街市檔口無生意,不是沒有原因的」、「行遠少少嚟新都城街市啦,買餸選擇多啲、質素又好啲」、「唔會喺任何街市買新鮮肉類,我一定選擇超級市場買, 明碼實價又衛生」,據聞該街市內還有不少攤檔也有欺壓顧客的嫌疑,將軍澳的街坊有無分享?

將軍澳 豬肉檔 有街坊指自己也是該肉檔強迫消費的受害者。
有街坊指自己也是該肉檔強迫消費的受害者。(圖片來源:[email protected]「將軍澳主場」群組)
將軍澳 豬肉檔 有人在該肉檔買豬肉由$50變$70, 仲要畀肥肉的下欄部位,擺明恰街坊。
有人在該肉檔買豬肉由$50變$70, 仲要畀肥肉的下欄部位,擺明恰街坊。(圖片來源:[email protected]「將軍澳主場」群組)
將軍澳 豬肉檔 有精明街坊指,無理由迫自己用較貴的新鮮豬肉價錢,再因量太多吃不完而變成食凍肉。
有精明街坊指,無理由迫自己用較貴的新鮮豬肉價錢,再因量太多吃不完而變成食凍肉。(圖片來源:[email protected]「將軍澳主場」群組)
將軍澳 豬肉檔 有很多街坊指證這名肉檔店員做生意不老實。
有很多街坊指證這名肉檔店員做生意不老實。(圖片來源:[email protected]「將軍澳主場」群組)
將軍澳 豬肉檔 有人表示要顧客會識得揀店家幫襯,唔老實做生意就不會有回頭客。
有人表示要顧客會識得揀店家幫襯,唔老實做生意就不會有回頭客。(圖片來源:[email protected]「將軍澳主場」群組)

圖片來源:[email protected]「將軍澳主場」、[email protected]

最新吃喝玩樂資訊