奇樂變身同人鍋 $288任食10款海鮮、 雞煲 火鍋 @Dining 娜

今個星期冷峰殺到,天氣凍就緊係想去打邊爐~一般打邊爐已經唔可以滿足成日食好嘢嘅Dining 娜~ 貪心嘅Dining 娜最鐘意食自助餐,特別係年尾咁多親朋好友嘅gathering,自助餐就 fit 晒唔同人嘅口味!今次介紹嘅同人鍋不但滿足到任叫任食嘅慾望,仲 雞煲 、海鮮煲打孖上,一次過品嘗刺激辛辣及清新鮮甜嘅雙重味道!
(presented by 同人鍋 )

同人鍋前身其實係奇樂香辣雞煲,老闆認為「食雞煲,最緊要梗係隻雞」而專攻油脂少雞味濃的本地雞而馳名,以特色雞煲做到街知巷聞。坊間雞煲火鍋通常都係一煲兩食,先食雞煲後再加上湯打邊爐,老闆就咁樣食最後就兩種味道都唔拖唔水,所以就決定另起新字頭開設同人鍋, 雞煲 、海鮮煲打孖上!

雞煲即叫即煮,保持雞肉鮮嫩滑溜。混合了三黃雞及清遠雞兩款不同特點嘅雞種,前者油香味濃,後者肉瘦而嫩滑,互補不足,平衡不同口感。雞煲味道惹味,帶有少許麻辣香味,啱啱好~果然係雞煲專家!

雞煲之後,就會上海鮮鍋!咪以為平嘢無好嘢~海鮮鍋內有隻同Dining 娜前臂一樣長嘅波士頓龍蝦,雖然食完就唔會再上,但份量啱啱好~可以留肚食其他嘢!湯底由龍蝦及番茄熬足成個下晝,清甜又鮮美!建議上菜時,先食龍蝦,以免愈煲愈老,之後再飲啖湯,大胃王甚至可以叫個白飯,自製海鮮泡飯~夠晒名貴!

老闆堅持每日從本地海鮮批發商入貨,而且算盡數量,務求貨不留夜,每天新鮮上架。每日供應多達10款海鮮,其餘廣島蠔、海蝦、松葉蟹鉗、鮮魷魚等都無限量任叫任食,更會額外送上一份特選海鮮 (2-4款),每天款式不同,視乎當日到批發入市情況而定,夠晒不時不食,一定食到最正海鮮。

雖說是任食火鍋,但老闆連配料都照顧周到。丸子搜羅坊間較少見嘅特色丸子,如黑椒馬啼貢丸、飛魚籽魚旦等。

嗱~咪以為每位$288,加上無限時任食 (星期日至四)就已經好抵,真係抵處未算抵~如果你好似我Dining 娜咁多friend 嚟就仲著數~每6位起,老闆就會送上一碟青斑或龍躉魚片! 不過記住要至少提早一日打電話到店內登記!

老闆為咗鐘意食甜品嘅客人,專登請來甜品師傅製作精甜品,草莓sorbet、豆腐芝士餅,完全唔馬虎~ 每兩位就會送一份0架喇!

同人鍋

地址:尖沙咀山林道29-31號廣利樓地下4號舖 (顯示地圖)
電話:2392 8433
營業時間:5:30pm – 11:30pm
備注:設加一,只收現金。

最新吃喝玩樂資訊