天仁茗茶
天仁茗茶

天仁茗茶奇怪叫法 :微糖少冰茶濃 前員工分享免費加珍珠秘訣|飲食熱話

飲食

廣告

台飲店遍地開花,香港人對台飲的熱情多年來都沒有絲毫的減退,無論款式、味道、配料都五花八門,更有不同新奇的配搭叫法,完全超乎你想像!近日連登區就有人分享台茶奇怪叫法:「原來有得嗌到咁複雜」除了大路的冰度、甜度、多珍珠外,竟然可以叫「茶濃」,仲有一個瘋狂叫法令一杯台飲秒變固體,另外有一個隱藏叫法好少人知,究竟係咩呢?

台茶配搭 連登:「原來有得嗌到咁複雜」

連登討論區有網友發帖:「原來天仁茗茶有得嗌到咁複雜」,內文提到自己排隊柯打台飲,聽到前面女客人的台茶叫法:「頭先排緊隊聽到前面個女仔叫珍珠奶茶,微糖少冰茶濃多珍珠」喝了那麼多年台飲,才知可以有如此高招的叫法:「嗌咗咁多年只係嗌微糖走冰之類。」最重要識得叫,可以慳返唔少:「原來仲有得叫多珍珠,仲要唔使加錢。」此帖引來不少網民分享自己獨特的台茶配搭,有人留言:「叫茶都係一種藝術」,台茶Fans真的要偷偷師!

天仁茗茶一向口碑不錯,在香港有不少分店。
天仁茗茶一向口碑不錯,在香港有不少分店。(圖片來源:Facebook@TenRensTeaHongKong)
天仁茗茶有多款口味,珍珠奶茶及香芋奶綠都是人氣之選。
天仁茗茶有多款口味,珍珠奶茶及香芋奶綠都是人氣之選。(圖片來源:Facebook@TenRensTeaHongKong)
連登討論區網友發帖:「原來天仁茗茶有得嗌到咁複雜」。
連登討論區網友發帖:「原來天仁茗茶有得嗌到咁複雜」。(圖片來源:連登討論區)

1.茶濃即係咩?

筆者也不知道原來可以叫「茶濃」,但有好多網友都有疑問,究竟如何可以茶濃呢?「茶濃係點整?」、「茶一早煲好,唔會為你煲過壺,點茶濃」隨即有網友解畫,單點淨茶是無法「茶濃」的,不過奶茶就可以了:「嗌淨茶係冇x用,嗌奶茶嗰啲就可以落多啲茶同落少啲奶粉/鮮奶,咁就叫茶濃」。有網友覺得其實天仁茗茶的茶經已很濃,無需要額外叫茶濃:「平時已經勁濃,次次飲親都暈番幾個鐘」。

除了叫茶濃外,更可以轉鮮奶或茶底:「你仲可轉鮮奶,茶葉」有網友就力推鐵觀音茶底好正:「大家飲珍珠奶茶會唔會轉茶底?鐵觀音正」。

天仁茗茶 可要冰轉茶底。
台茶可要求轉茶底。(圖片來源:[email protected] Pasqual)
天仁茗茶 奶茶可要求茶濃,不過叫淨茶就不可以了。
奶茶可要求茶濃,不過叫淨茶就不可以了。(圖片來源:Facebook@TenRensTeaHongKong)
天仁茗茶 茶濃就是落多點茶,落少點奶粉/鮮奶。
茶濃就是落多點茶,落少點奶粉/鮮奶。(圖片來源:連登討論區)

2.多珍珠可以去到幾盡?

相信不少台飲Fans愛吃珍珠,如果柯打的台飲本身已有珍珠,可以要求「多珍珠」,不用額外付錢加珍珠:「多珍珠同加珍珠有咩分別?」、「有珍珠都可以加多份,要錢;多珍珠就唔使」。更有不少台飲店前員工分享經驗,大爆珍珠控們為了多珍珠,可以去到幾盡!有人chur盡台飲員工:「當年做part time ,有條友成日黎買珍珠奶茶,多珍珠加珍珠,然後投訴唔夠珍珠。有次佢再黎,我落八成珍珠再加冰加茶,自此佢冇再黎過」亦有人不惜走奶少冰、只要珍珠:「試過有人嗌珍珠奶茶加兩份珍珠,要走奶茶走冰,佢淨係要杯珍珠」嘩!真係好瘋狂呀!亦有舖頭臨近關門,賣大包:「淨係試過夜晚收舖買,佢話好多珍珠淨,最後比咗半杯珍珠我」。

最想不到是珍珠竟然可以另上?!「不嬲叫開珍珠鮮奶茶,走糖走冰多奶茶濃,珍珠另上」除了珍珠外,其他配料應該都適用,可額外要求多加,包括多芋頭:「香芋鮮奶綠多芋頭。」

天仁茗茶 不少人都愛吃珍珠,喜歡其煙煙韌韌的口感。
不少人都愛吃珍珠,喜歡其煙煙韌韌的口感。(圖片來源:pexels@RODNAE Productions)
天仁茗茶 叫多珍珠不用另外加錢。
叫多珍珠不用另外加錢。(圖片來源:新假期編輯部)
天仁茗茶 走奶茶走冰,只要珍珠,好瘋狂!
走奶茶走冰,只要珍珠,好瘋狂!(圖片來源:連登討論區)

3. 大包圍,茶飲變糖水?!

亦有勇士什麼配料都要大包圍:「雜果紅茶加珍珠加仙草加寒天加蘆薈加椰果加紅豆加愛玉加布丁,我試過,真係試過」亦分享成品變成了固體:「中學生年代嘅事,唔記得幾銀,淨記得杯野基本上係固體」亦有同好立即分享圖片,飲品加了布丁、寒天晶珠、仙草凍、荔枝椰果及蘆薈,好瘋狂!網民形容為:「滿到水都無放」更有人建議不如去食糖水好過:「咁嗌法不如去糖水舖食糖水」、「飲茶定食野」並笑言:「用外賣碗裝」。

天仁茗茶 網友分享的配料大包圍圖片,好似糖水一樣。
網友分享的配料大包圍圖片,好似糖水一樣。(圖片來源:網上圖片)
天仁茗茶 滿到幾乎沒水。
滿到幾乎沒水。(圖片來源:連登討論區)

4.隱藏叫法!連溫度都可以

有人提到台灣茶飲店連溫度都可以選擇:「台灣仲可以揀溫度,有常溫」有人回應原來香港天仁茗茶都可以:「台灣仲可以揀溫度 有常溫,香港天仁都可以」真的好少人知,真的是隱藏叫法。

有網民見大家那麼多要求,忍不往揶揄:「水源又無要求,珍珠硬度又無要求,其實已經好好」亦有台飲茶前員工明言,要求太多,就會直接扮睇唔到:「做過手搖,見到咁x多字已經直接唔睇少乜多乜,求其整杯算x數」。

天仁茗茶 連溫度都可要求?!
連溫度都可要求?!(圖片來源:unsplash@Bianca Ackermann)
天仁茗茶 隱隱叫法-溫度!
隱隱叫法-溫度!(圖片來源:連登討論區)
天仁茗茶 太多要求,店員索性唔理你。
太多要求,店員索性唔理你。(圖片來源:連登討論區)

關鍵詞
飲食熱話
圖片來源:Facebook@TenRensTeaHongKong、unsplash、pexels、新假期編輯部、連登討論區

最新吃喝玩樂資訊