大家樂
大家樂

大家樂下午茶餐無食過就走?!網民創意爆發 競猜背後原因 |飲食熱話

飲食

廣告

近日有網民睇唔過眼大嘥鬼,在「真.屯門友」Facebook群組發帖,上載一張在大家樂拍攝的照片,只見桌上有2客美味的下午茶餐,但卻無人品嚐,樓主發文:「野食無食過,野飲無飲過,跟住走左」網民大呼浪費食物及金錢,並競猜唔食就走的原因,但出奇地有不少「眼利」的網民在照片中看到「其他嘢」,究竟在座上空無一人的照片上看到什麼呢?

下午茶餐唔食就走好浪費!

香港經濟環境轉差,人工無變,百物騰貴,大家自然慳得就慳,遇上大嘥鬼當然會勞氣。近日就有網民睇唔過眼,在「真.屯門友」Facebook群組發帖,敍述有食客在大家樂柯打下午茶餐後,完全沒吃沒喝就匆匆離開,美味的下午茶餐就此無人問津。網民紛紛留言,有部份留言都很正路,覺得唔食就走非常大嘥:「浪費金錢食物」,亦分享自己看到大嘥鬼的經歷:「我見過人叫多飯,最後佢D飯只係食咗幾啖⋯取餐佢排喺我前面,座喺我隔離枱食,所以肯定佢係叫人多飯」、「我做過餐廳有啲客叫個飯,淨係食左啲餸,飯一啖都無食,幫佢執枱真係嬲」有人覺得若然胃口不大,可以叫少飯,就不用剩飯了:「咁暰(嘥),叫少飯走飯都好」但亦有胃口小的朋友叫冤:「我試過嗌少飯/半飯,都係咁多飯甚至一樣⋯⋯」

大家樂 「野食無食過,野飲無飲過,跟住走左」
「野食無食過,野飲無飲過,跟住走左」(圖片來源:「真.屯門友」群組截圖)
大家樂 食都唔食就走,網民覺得大嘥。
食都唔食就走,網民覺得大嘥。(圖片來源:Facebook@大嘥鬼 Big Waster)
大家樂 柯打多飯,但只食幾啖?
柯打多飯,但只食幾啖?(圖片來源:「真.屯門友」群組截圖)

網民發揮創意 競猜「不吃而別」背後原因

網民竟紛紛競猜「不吃而別」的原因,而且創意十足,大家覺得一定是有急事才會這樣:「急屎!」、「屋企水浸,喇喇聲返去閂水喉。」、「抄牌、走鬼」更有人因應時弊,覺得是疫情搞的鬼:「岩岩叫完個餐坐低,收到核酸檢測結果陽性ct 值1,屬於最高,即時走左」,亦有可能是因為安心出行的問題:「可能無安心俾職員掃走」,有網民立即回應,表示不認同:「甘(咁)可以打包回家食都得」嗯…又係喎!

當中亦有人認真地思考原因:「可能突然發生重要急事要立即走…斷估都唔係興趣」有人更有同樣經歷:「可能急事。我都試過一次,一坐低醫院就打嚟….一啖都冇食」亦有可能是基於一些窩心的原因,覺得食客是刻意不吃,留給有需要的人:「點解冇人諗係for冇錢開飯又成日食人淨餸既人?可以好好食一餐都好啦!況且姐姐都唔會咁快就收啦」。

大家樂 無安心出行都可以打包呀。
無安心出行都可以打包呀。(圖片來源:「真.屯門友」群組截圖)
大家樂 唔係呀嘛?!
唔係呀嘛?!(圖片來源:「真.屯門友」群組截圖)
大家樂 其實都真係有機會係咁......
其實都真係有機會係咁……(圖片來源:「真.屯門友」群組截圖)

網民睇到「其他嘢」?

想不到更多留言是「睇到嘢」, 在座上無人的照片上看不有「人」,一如電影《鬼眼》(The Sixth Sense)中的名言“I See Dead People.”留言紛紛錯重點,令人哭笑不得、笑爆嘴,還要像接龍比賽般,愈作愈多,好不熱鬧:「食緊。起勢咁奶緊條粟米」、「唔係奶叉燒嘅咩」、「買比一d你睇佢唔到嘅東西享用架」、「祭品」,有人說見到公公婆婆,又有人說見到少女:「你做乜影住公公婆婆食嘢」、「你睇唔到佢地已經食緊?」、「我見佢哋望住鏡頭,個樣躁躁地」。有人覺得是因為農歷七月:「七月,冇計」當然立即有人反駁回應:「仲七月?? 你睇下日曆先講」有人突破盲點,指出可能他們玩得樂不思蜀:「可能有d玩到關門返唔切去」。

大家樂 網民紛紛話「見到嘢」。
網民紛紛話「見到嘢」。(圖片來源:《回魂夜》劇照)
大家樂 無事嘅,嚇我唔到!
無事嘅,嚇我唔到!(圖片來源:「真.屯門友」群組截圖)

關鍵詞
飲食熱話
圖片來源:[email protected]「真.屯門友」群組、《回魂夜》劇照

最新吃喝玩樂資訊