大埔賞花滋味遊。歎抹茶軟糕多士 + 抵食私房菜
大埔賞花滋味遊。歎抹茶軟糕多士 + 抵食私房菜

大埔賞花滋味遊。歎抹茶軟糕多士 + 抵食私房菜

春回大地風光好,但天天如此濕熱悶焗叫人愁!為幫大家踢走鬱悶感,特別準備了大埔一日遊賞花行程。中午出發先品嚐抹茶控必like的新Cafe,再到大埔舊墟掃街吃古早味懷舊小甜食,再到嘉道理賞春花,之後回大埔品嚐「宗師」私房菜,讓你身心都飽足舒暢!

抹茶控尖叫!拉極唔斷抹茶紅豆軟糕多士!

早前介紹的全城十大抹茶甜品,搞到全城抹茶瘋!一有新推抹茶甜品自然立即為你搜尋。這家新開的Cafe位於大埔舊墟,主打甜點: 抹茶紅豆軟糕多。廚師將韓國米糕與抹茶醬混合,再烘焗成吐司,重點是夾在吐司內超煙韌的米糕,口感如芝士,拉絲拉極唔斷!米糕煙韌的口感與抹茶的清香相配合,可謂最適合春天品嚐的甜品。店內還有多款甜品、小吃以至All Day Breakfast等等,價錢公道抵食,甜品迷一定要去試試!

MMM_0370_resize
抹茶紅豆軟糕吐司 $53 提提大家,軟糕吐司一上碟就唔好掛住影相要即刻食,剛烤熱抹茶軟糕口感最佳,配合抹茶雪糕,冰火口感好過癮!
紅豆綠茶卷 $36 綠茶蛋糕鬆軟,綠茶mousse輕盈幼滑。
紅豆綠茶卷 $36
綠茶蛋糕鬆軟,綠茶mousse輕盈幼滑。
Cafe約十多個座位,周末時份記住早些去!
Cafe約十多個座位,周末時份記住早些去!
抹茶冰沙 $30(Regular); $42(珍寶) 自認抹茶,淨係食邊夠喉,講明抹茶就梗係飲啦!冰沙就最岩悶熱時分飲喇!
抹茶冰沙 $30(Regular); $42(珍寶)
自認抹茶,淨係食邊夠喉,講明抹茶就梗係飲啦!冰沙就最岩悶熱時分飲喇!

店家還推出了這款名為翠的甜品,其實是抹茶心太軟配上抹茶紅豆雪糕!

MMM_0385_resize
玫瑰士多啤梨Waffle $62

MMM_0459_resize

Fairy Tale
地址:大埔仁興街地下2號鋪(顯示地圖
營業時間:11:30am – 11pm(星期二至五) ;10am – 12mn(星期六至日)逢星期一休息
下頁續 舊墟老字號 掃街都有正甜品

舊墟老字號 本土古早味甜點

吃甜,貪新同時要戀舊,像大埔舊墟,便有很多老字號的懷舊小甜點,沒有浮跨的造型,價格親民,更往往大排長龍,要食,有時都需要一點運氣啊!

1.即做糯米糍

大埔人都知,無論任何時間,都一定有人龍!此小店只賣一種芝麻花生糯米糍,即叫即做!皮薄餡「爆」!

MMM_0304_resize
芝麻花生糯米糍 $12 3個
記者平日去都等咗大半個鐘,假日去就真係要預早排隊。
記者平日去都等咗大半個鐘,假日去就真係要預早排隊。

滑嘟嘟
地址:大埔廣福道 103 號地下 E 號舖(顯示地圖
營業時間:12nn-8pm

2. 2蚊!酥皮蛋撻 x 蝴蝶酥

大埔其中一家老字號的飽店,店門前售賣蛋撻與各式酥餅,其中酥皮蛋撻與蝴蝶酥都係賣2蚊咋!

123
雖然只係賣兩蚊,但質量不馬虎,同樣酥脆,新鮮!

MMM_0270_resize

皇爵麵包西餅
地址:大埔大光里11號地舖(顯示地圖
營業時間:6:30am – 8pm

3.客家婆婆 路邊雞屎藤茶粿

天氣好的日子,幾位客家婆婆都會係舊墟擺檔,賣自家種(或上山拾取)的新鮮蔬果,還有自家製的雞屎藤茶粿,分甜茶粿和鹹茶粿,甜的有花生、芝麻兩種口味,鹹的則有眉豆和蘿蔔兩種。

茶粿 $6/個
茶粿 $6/個

MMM_0275_resize

婆婆出沒地點:大埔懷義街(顯示地圖
婆婆出沒時間:不定時(較常出沒於下午12nn – 4pm)
下頁續 嘉道理農場 春花盛放

大埔最佳賞花地

每逢春天,嘉道理農場參觀率必定高企,事關雖然櫻花、梅花於新春期間已紛紛綻放兼將近尾聲,但園內仲有多個春天花種盛放,如杜鵑、紫藤、宮粉羊蹄甲與風鈴木等。

黃花風鈴木
黃花風鈴木
紫藤
紫藤
Rhododendron pulchrum
錦繡杜鵑
石斑木
石斑木
宮粉羊蹄甲
宮粉羊蹄甲

306574_364289210273880_1788320417_n

嘉道理農場暨植物園
地點:大埔林錦公路(顯示地圖
時間:9:30am-5pm
入場費:$30
查詢:2483 7200
網址
下頁續 大埔私房菜 吃「宗師」料理

大埔私房菜 吃「宗師」料理

嘉道理農場打龍賞花樂而忘返,肚響至識餓。黃昏推介大家回大埔試兩家植根大埔的私房菜。一家主打海鮮,另一家則主打刁鑽粵菜,更特別的是,兩家私房菜主理的師傅都係一位武林高手!一位是練武出身的國術宗師;另一位亦是三行老行尊!到底佢哋會煮出什麼師傅級料理?

1.武館宗師 煮抵食刁鑽粵菜

練武出身,開過武館教國術、打過擂台,祖籍客家的吳永皓師傅 。廿年前在元朗開設第一代私房菜,其後輾轉再開的紅廚更盛極一時,其八寶鴨肉酥幾乎無人不曉。現在大埔開私房菜,繼續貫徹以刁鑽食材煮出工夫粵菜,出動坊間少見的龍躉肝、魚唇等,八主菜一甜品,才$280/位,要兩位起,山長水遠去食都抵!

($280/位包括鹵水龍躉肝、魚唇、醉雞、糯米大鴨、白松露蟶子、京葱燒魚等八道主菜)

鹵水龍躉肝
鹵水龍躉肝
花雕醉雞
花雕醉雞
白松露蟶子
辣酒法國響螺仔
紅棗糕
紅棗糕

暢和軒
地址:大埔廣福裏13號東樂樓2樓A座(顯示地圖
電話:9094 0584 / 9588 1140
營業時間:11am-11pm
價錢:$250/位起(視乎菜式而定),須早一日前預訂。
備注:收現金,不設加一及開瓶費/

2.拚搏父子 流浮山取首批靚海鮮

一個從小就夢想開餐廳的「三行佬」,爲興趣用畢生積蓄開了間餐廳。白天繼續工程生意,晚上就趕回餐廳做「廚房佬」。主打海鮮和客家菜,爲了取得最新鮮食材,老闆每天清晨五點半就趕到各個批發市場,流浮山、油塘、機場走勻全港,搶第一手海鮮,當中的心血外人難以想像,像看似簡單的炒花甲,除了入貨時逐粒揀選外,炮制前還會逐粒掰開檢查有沒有沙,再以自家制辣醬落镬再炒,微辣惹味、爽口彈牙。

蒜蓉粉絲蒸日本大扇貝 $25/隻
蒜蓉粉絲蒸日本大扇貝 $25/隻
01_resize
炒花甲 $68
香椒蒸倉魚 $88
香椒蒸倉魚 $88
客家惹味雞 $98/例、$148/半隻
客家惹味雞 $98/例、$148/半隻

蜆勁村盧爸爸私房菜
地址: 大埔翠怡街3號翠怡花園C 座地下9A 1號鋪(顯示地圖
電話:6828 0332
營業時間:星期二至日 6pm-12mn
平均消費:$180/ 位
備注:不設加一,隻收現金

更多本地美食遊:
香港5大特色「餡料」雞蛋仔試食報告!
【西灣河】港島有個小士林!8大好味又抵食宵夜推介!
【中環】周末滋味遊 又玩又食8大提案

最新吃喝玩樂資訊