教我點放入口的。 多啦A夢 腐皮壽司 食譜@Candace媽媽

每次做腐皮壽司,都好多朋友問喺邊買到腐皮壽司袋?腐皮壽司袋其實需要自己滷的,而做腐皮壽司果塊腐皮呢,並唔係我哋香港果隻大腐皮呀!佢叫做「油揚」,細細塊長方形的,多數一包三塊,喺日式超市有售。
今次就教大家由滷腐皮開始,做晒成個腐皮壽司出黎~但做完捨唔捨得食呢….就….見人見智了~(利申:我映完相後,已將四舊壽司快速消化~XD)

多啦A夢 腐皮壽司製作方法:

腐皮壽司

材料(可做6個腐皮壽司):
油揚…………………………1包
白飯…………………………3碗
白色芝士片
紫菜
蟹柳

抽揚調味料:
水…………………………….300ml
日式醬油…………………..3湯匙
味醂…………………………2湯匙
糖…………………………….2茶匙

壽司飯調味料:
壽司醋………………………3湯匙

做法:
1. 小煲內加入油揚調味料煮滾,放入油揚再煮滾,關火浸15分鐘,盛起。

2. 白飯加入壽司醋拌勻,攤涼。

3. 壽司飯平均分為6份,預備一保鮮紙,將其中一份包裹,並捏成圓球。

4. 油揚扭乾水,剪開一半。

5. 將壽司飯團小心放入腐皮袋內,上方拉下點點,做成多啦A夢的頭部。

6. 利用牙簽在芝士片畫出隋圓形眼睛,用剪刀在紫菜剪出其他細節,利用小飲管在蟹柳皮印出小圓鼻子。

7. 將所有細節小心放在壽司上,重覆步驟,完成所有腐皮壽司。

小貼士:
• 如腐皮袋不夠色,可以少少老抽上色。
• 如不選用壽司醋,而用其他普通日本醋,需另行加鹽及糖調味。

最新吃喝玩樂資訊