太子四季茶軒茶餐廳 日用400隻日本青森雞蛋 必吃黯然銷魂飯+鹹蛋西多士|區區搵食

太子一家新開茶餐廳四季茶軒,標榜全店皆用日本青森縣雞蛋,每日消耗達400隻之多,招牌黯然銷魂飯(叉燒煎蛋飯)選用半肥瘦靚叉燒,肥厚帶油香。而另一主打的西多士更是蛋香濃郁,有鹹蛋黃味、紅豆味等鹹甜選擇,少不了必備的咋咋聲鐵板餐,是最新的高質茶記之選!

撰文:Sakura|攝影:Fion

太子四季茶軒茶餐廳 日本蛋製黯然銷魂飯

茶餐廳是香港特色的飲食文化,近年,隨著時代的變遷,舊式茶餐廳開始逐漸沒落,想加入這行業就要想想辦法。要突圍絕非易事,四季荼軒就標榜全店嚴選日本青森縣蛋,每日消耗達400隻!其中就有街知巷聞的招牌「黯然銷魂飯」,一碗好吃的黯然銷魂飯除了叉燒軟腍入味,肉質鮮嫩,蛋都同樣重要。日本青森縣蛋不含激素,蛋味特別濃郁,而且絕無腥味,所以戳穿蛋黃拌白飯會更加美味,再淋上自家秘製豉油,食多碗飯都得!

鹹甜西多士+足料鐵板餐

下午茶又點可以無西多士呢?這裏鹹甜款式都有得揀,比較少見的鹹蛋西多士,鹹蛋味不會太濃,味道剛好,不會太膩,西多士炸至香脆,很滋味;喜歡紅豆餡的就要試經典紅豆西多士,綿密軟糯的紅豆甜甜地,有粒粒口感,配上香脆西多士,口感豐富。

鐵板餐也做得出色,價錢親民,一到晚上全店就會瀰漫着鐵板牛香味,到處響起「咋咋聲」,一份熱騰騰的鐵板紐西蘭特級肉眼扒呈在眼簾,更配上三文魚胡麻醬沙律頭盤和西湯,相當足料!肉眼扒肉質嫩滑,肉汁豐富,燒汁香惹,大滿足!

店子開業只得兩個月,但客似雲來,有些更是街坊熟客,實屬難得,「我與另一位partner,從事飲食業已有18年經驗,以前都是中上級西餐廳,所以自然對服務態度更加執着,無論如何食客才是最重要。」談吐舉止斯文有禮的老闆之一Gary笑言。除了講求靚裝修、食物質素好之外,更重要是良好服務態度。

四季茶軒

地址:太子水渠道38-42號寶石大樓地下A號舖(顯示地圖
電話:29817288
營業時間:星期一至日 7am-9pm
官方Facebook:四季茶軒
備註:不設加一,只收現金。

最新吃喝玩樂資訊