火鍋
火鍋

台風襲港│地道台式養生 火鍋 湯底、配料 @Dining娜

飲食

廣告

(Presented by 養心殿台式養生鍋)

Photo:二彤

大家都知我Dining娜係一個不折不扣嘅火鍋控,但打得多港式邊爐,都想食得滋補、養生,最近我就試過一間專食台式養生 火鍋 嘅!養心殿乃著重配搭唔同藥材嘅台式藥膳 火鍋 ,而且專注提供6款健康湯底,養生又養顏,真係少咗好多罪咎感,我班閨密都話大愛!

除咗火鍋夠地道,佢哋嘅配料、小食,亦好有台灣風味,唔少食材都來自台灣之外,小食亦跟足台式做法,食落真係幾有寶島風味!養心殿除咗旺角店,剛剛都進駐咗銅鑼灣,港島朋友都可以品嘗正宗台式養生滋味喇!

必食台式養生 火鍋

養心殿主打6款湯底,大部分以滋補養陰藥膳食材為主。其中5款:麻辣鍋、養生鍋、寧神養心鍋、薑母鴨鍋、酸菜白肉鍋,都係沿用正宗台灣做法;而另一款美人鍋就係自家首創,師傅將烏雞、桃膠等滋潤食材用老火熬成湯底,養顏精華盡滲其中,絕不燥熱,我哋梗係飲完湯,先再食 火鍋 啦!

如果大家無頭緒揀邊款湯底?揀最人氣嘅實無錯!店主陳先生透露,美人鍋同麻辣鍋都係兩大長踞榜首,幾個人食揀呢兩款鴛鴦湯底最好不過!講番麻辣鍋,師傅用咗台式豆瓣醬,再加指天椒、泡椒、辣椒葉油、八角、白豆蔻、草果等13種香料煮成濃湯,足料又正宗,香辣而不麻;配搭湯底中嘅鴨血、凍豆腐等清淡食材一齊食,就能食出辣湯同食材嘅真味。麻辣鍋有大、中、小辣揀,想飲湯的話,可選小至中辣。

台灣配料、小食 地道滋味

最欣賞養心殿有唔少蔬菜同配料都係來自台灣,好似台灣常見嘅水蓮菜、台灣A菜、鴨血、新鮮銀耳都有供應,仲有有機秋葵、有機粟米,夠晒健康!台式小食方面,連鹽酥雞、鹽酥蚵仔、滷水鴨、滷大腸、甜不辣,都可以喺呢度食到,唔飛台灣,舌尖仍感受到濃厚嘅台風滋味!

值得一提嘅係,鮮炸響鈴係店主大力推介嘅配料,因為佢係由深水埗公和出品,而且即叫即炸,豆味濃郁、薄身爽脆,吸收任何湯底都鮮香美味!

養心殿台式養生鍋

旺角店:彌敦道607號新興大廈1樓106-112號舖(2323 3123、2323 3698)(顯示地圖
銅鑼灣店:軒尼詩道418-430號友光大廈3樓(2577 4400、2577 4401)(顯示地圖
備註:設加一,收現金及信用卡

最新吃喝玩樂資訊