$20 即開海膽  西貢海邊新鮮直送
$20 即開海膽  西貢海邊新鮮直送

$20 即開海膽 西貢海邊新鮮直送

西貢出名海鮮夠晒新鮮,碼頭附近除咗有條海鮮街之外,最近發現有艇仔出售新鮮 即開海膽 ,原來艇仔除咗可以洗頭,仲可以食海膽!想知質素如何?即睇試食報告!

即開海膽 又抵食又新鮮

即開海膽_西貢_艇仔

負責人話,出售嘅海膽來自來塔門,由而家起至5月都會有,每日新鮮捕捉。海膽全部即叫即開,想即食又得,拎返屋企加工再食又得,不過就建議大家即使冷藏都好,最多保存到第2日就好食喇。

 即開海膽  西貢海邊新鮮直送

想讚返,負責人每開一隻海膽都會睇清楚質素先畀客人,以記者今次為例,有其中一隻海膽質素麻麻,負責人就即刻開過第二隻,確保送到客人手上嘅都係高質海膽。

 即開海膽  西貢海邊新鮮直送

記者今次係第一次食即開海膽,拎上手以為會好拮手,但係原來又唔係喎,而且海膽拎到上手都仲識郁㗎!

 即開海膽  西貢海邊新鮮直送

即開海膽試食報告

$20一隻即開海膽,都算抵食!食海膽最怕就係臭,但係今次係每日新鮮送到,超級生猛,完全唔擔心唔新鮮變臭。

即開海膽_西貢_艇仔
即開海膽 $20/隻

海膽食落好鮮甜,而且略帶海水味,質地方面就比較稔,都幾漿口。味道雖然無市面常見嘅馬糞海膽咁甜,但係新鮮已經加晒分,翻啅指數超高!

即開海膽_西貢_艇仔

即開海膽_西貢_艇仔

除咗一隻隻咁order,仲可以一盒盒咁買,一隻海膽大概4、5啖就食完,但係呢一盒海膽,可以食成4、50啖!雖然離咗殼令海水味無咁重,但係海膽一樣都係咁鮮甜,而且大啖大啖咁食,真係好有罪惡感!食完之後,過咗差唔多1個鐘,都仲係齒頰留香㗎!

即開海膽_西貢_艇仔
即開海膽 $190/盒

提提大家,未經煮熟食品可能有衛生風險,請先自行評估。

西貢即開海膽

地址:西貢萬年街96號全記海鮮菜館 對開海面(顯示地圖
營業時間:12pm-5pm(視乎每日情況而定,建議先致電查詢)
電話:93240788

想知更多香港好去處,留意Mandy facebook專頁

Travelling Mandy 漫.遊世界

最新吃喝玩樂資訊