筲箕灣印尼沙嗲屋 黃埔開分店!自家炒超香沙嗲醬+即烤大雞髀|紅磡掃街小食|

來自東大街的印尼沙嗲屋,98年開業至今,晚上依舊人龍不斷,沙嗲燒個冇停手,向來只此一家,絕無分店,不過踏入第二十個年頭,老闆徐基通,卻大膽過海授徒,在紅磡黃埔開了第一間分店。

撰文:JW|圖片:Lamlam

走鬼檔賣起!20年老店 印尼沙嗲屋

「 做了印尼沙嗲廿幾、三十年,過往在港島好受 街坊歡迎,年紀大快退休,想找接班人,想話畀仔女 聽,印尼沙嗲係有得做嘅。」掛著老花鏡的老闆徐基 通感歎道。徐先生是印尼華僑,小時候在印尼家鄉,家人已有經營沙嗲檔口,後來因印尼排華,輾轉流落到香港生活。

「 80年代我來到香港,在筲箕灣做 走鬼檔,賣番最熟悉的沙嗲搵食。」1998年,在東 大街入舖,至今守業廿年,便希望衝出港島,傳揚手 藝。「 在東大街,每逢星期六、日生意特別好,好多 區外客都特地來吃,所以想試吓去九龍開店,睇吓做 唔做到成績。」

首度開分店!老友學師幫手

今年中徐老闆的好朋友 Ricky 便開始向他學烤串燒,並在紅磡一個原先做台式雞扒的 舖位,賣起正宗印尼沙嗲。「 肉串都是在筲箕灣那邊醃過夜,沙嗲醬也是徐生每朝開店前 一手一腳去炒,紅磡店也是原汁原味,沒有改變。」紅磡店的店主Ricky說道。

原汁原味!靈魂醬汁味道不變

雖然少了炭焦香,不過 有醃料與醬料搭夠,徐老闆的肉串,額外加了砂糖,除了令肉質更鬆化,也讓烤起來,更 易燒出焦邊,吃來香口帶脆。當然,少不了那靈魂醬汁,用上花生、黃豆、乾葱、南薑、芫 荽粉等多種香料製作,每朝在大鑊炒香,再燜煮至軟爛濃稠,香料都看不見原貌,化成 啡啡黑黑的醬汁才成。

紅磡店除了沙嗲,還有賣印尼飯盒,這個地道的巴東牛 肉,採用牛腱肉,加上秘方印尼香料燜製, 辛辣口胃,佐飯還有時菜與自家炒的魚仔花生,豐富得很。

印尼沙嗲屋(紅磡店)

地址:紅磡德民街1-15號黃埔新邨地下 A4A 號舖
營業時間:11am-11:30pm
電話:2616 9926

最新吃喝玩樂資訊