【元朗】元朗人熱捧消夜店 鬼巴士神秘小食

feature

記者身為新界西人,都有留意開區內的特別美食。近日我就發現了在元朗區的網上群組,流行著一間名叫”鬼巴士”的神秘食店,每晚十一時準時開門,各路人馬就會齊齊去到排隊買消夜,更有網友說要排一個小時先可以買到食物。

  • 網民Dave:排咗九個字終於買到
  • 網民Ocean:點解會咁多人排隊嫁?食甚麼的?
  • 網民Honey:醬汁好食,材料款多,喜愛橙滷味者大愛

到底”鬼巴士”是何方神聖!?等我哋一齊去直擊睇下啦!

IMAG1277

人氣爆燈!足足等候40分鐘的消夜體驗

記者剛到達鬼巴士時,發現已經有十多人正在排隊,而當時是晚上11點左右,看來有不少元朗人都知道這間神秘消夜店的存在。見此情況,記者都立即趕往排隊,結果就排了40多分鐘才到我去購買食物,時間大約為12點左右,人群開始減少,而當時就有6個人左右排隊。

排隊攻略:

1. 鬼巴士在晚上11時開店,在開店時通常已經有人排隊等候,所以如果不想花太多時間排隊,可以在12時才到鬼巴士買消夜;

2. 鬼巴士人群的最高峰是星期六,如非必要的話就不要在星期六去了;

3. 鬼巴士食物份量充足,就算在12時到達都依然有,所以不用怕太夜前往會售完即止。

IMAG1284

份量爆滿!鬼巴士滷味小食試食報告

經歷排隊多時,記者終於可以買消夜啦!原來鬼巴士是間賣滷味小食的食店,而且種類非常之多,包括紅腸、牛柏葉、豬手、生腸、豬腸、墨魚、雞腎、豬膶等。由於記者每樣都想試試,所以就請師傅造一個小王牌滷味雜錦,師傅大力加料之後,足夠3人食用,滷味充滿整個飯盒(粗俗啲講係塞實咗個飯盒)!最後師傅就加上麻油同秘製甜醬,還有另加芥辣醬。

試味時間!記者先試最愛的大墨魚,每件體積大約等於iphone充電器相若的尺碼,而質感爽口,配醬食剛剛好。之後就到生腸,雖然不是記者個人最愛,但一試之後就覺得一點生腸臭味也沒有,算是清潔得很乾淨,口感也彈牙,最緊要是「不黐牙縫」。而另一推介雞腎,食物準備得夠多汁,有咬口又唔會太難咬開!

購買攻略:

1. 滷味小食可根據個人需要加減份量,由1個人食到幾個人食都可以,價錢由$5到$50元不等,再試食少少或與朋友家人分甘同味都得。

2. 滷味小食以雜錦出售,大家可以選擇加減自己喜愛的滷味種類。(例如怕食雞腳就要提醒師傅了。)

IMAG1294

 

IMAG1298
小王牌滷味雜錦 $50

鬼巴士
地址:元朗教育路66號G2地舖,豪大大雞排附近 (進入地圖)
營業時間:晚上十一時開始

 
【尖沙咀】咩味嚟㗎?initial山系旅行者雪糕
我又以為自己係沙田@為何斯德哥爾摩沒有譚仔三哥

最新吃喝玩樂資訊