傳媒限定極品派對 冧死人VERA WANG 香檳杯@Charmaine

臨近年尾,個個忙著節慶專題,人都癲。但好多酒店、餐廳聖誕派對亦已相繼開鑼。Charmaine多年來參加過無數次呢類Party,酒店餐廳為了惠勞傳媒朋友通常都會好揼本,食得豪是必然的,還有抽獎環節、送貴價紀念品,即係又食又拎!
最近個幾星期參加了怡東酒店、Langham集團、Conrad和Jamie’s Italian的聖誕Party。在怡東酒店37樓TOTT’S食住即片黑松露炒蛋、焗龍蝦,一邊睇盡高空維港靚景;Langham往年有任食生蠔魚子醬鵝肝烤鴨,今年又布置到糖果世界咁,不過份伴手禮絕對是超級驚喜,曾經試過送LC煲,今年是WEDGWOOD X VERA WANG的一對香檳杯啊!超靚!有行家笑言要留嚟結婚用呢!Charmaine還有幸成為Conrad精選的6個傳媒之一,在Brasserie on the Eighth品賞Fine Dining,每人又有價值$1,600的Brunch Coupon;在廚神JO的Jamie’s Italian所吃的聖誕Set更是廚神本人有份親自設計的!臨走又有自家品牌木製砧板和餐巾留念,大豐收!嚟緊仲有文華、喜來登等Party,期待啊!

延伸閱讀:海洋公園聖誕5大新景點 !多啦A夢變身~貓鬚聖誕老人 ! / 歷久嚐新的殿堂級「三反」法菜@Elaine White

Langham 派對一角的花花樹,靚爆燈。
Langham 派對一角的花花樹,靚爆燈。
Conrad 的榛子樹頭蛋糕賣相簡單,但就是高品質。
Conrad 的榛子樹頭蛋糕賣相簡單,但就是高品質。
Jamie's Italian 的威尼斯海鮮雜燴超鮮甜,好味!
Jamie’s Italian 的威尼斯海鮮雜燴超鮮甜,好味!
即席炒滑蛋,黑松露任片,係任片!
即席炒滑蛋,黑松露任片,係任片!
怡東 Party 的甜品 Counter 好靚, 有即焗流心蛋糕。
怡東 Party 的甜品 Counter 好靚, 有即焗流心蛋糕。
VERA WANG 對杯咁華麗,我屋企張摺枱真係襯佢唔起!
VERA WANG 對杯咁華麗,我屋企張摺枱真係襯佢唔起!

最新吃喝玩樂資訊