佐敦人氣韓國餐廳$468起任食醬油蟹＋醬油蝦！包泡菜餅/年糕/粉絲

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jul 4 2025

無限任食醬油蟹不是夢！佐敦知名韓國餐廳「醬缸韓國料理」新推出任食醬油蟹放題，$468即可以90分鐘無限任食醬油蟹及醬油蝦，價錢仲包任食辣醬蟹、泡菜餅、炒年糕、炒粉絲等，在threads掀起熱話，討論度極高！

佐敦「醬缸韓國料理」$468起任食醬油蟹＋醬油蝦放題

佐敦開業13年的人氣韓國餐廳「醬缸韓國料理」，由韓國人主理，以正宗韓式風味和特色菜品聞名，特別是招牌的醬油蟹深受食客喜愛。最近餐廳推出期間限定90分鐘任食醬油蟹套餐，每位$468即可以無限任食醬油蟹，俾多$30仲可以任食任食醬油蝦！價錢仲包任食小花蟹湯、紫菜湯、辣醬蟹、泡菜餅、炒年糕、炒粉絲，醬油蟹迷機會嚟啦！餐廳的醬油蟹選用新鮮海蟹，經過特製醬油醃製，蟹膏鮮甜且質地如海膽般細膩，蟹膏豐富且口感creamy，醬油調味恰到好處，不會過鹹，搭配紫菜飯一起食用，簡直是「白飯小偷」！醬油蝦亦是店內另一人氣招牌，採用新鮮海蝦，經過特製醬油醃製，蝦肉鮮甜彈牙，醬汁鹹香適中，完美滲透蝦肉，帶來濃郁而不過鹹的口感。

其他韓國料理推介韓式烤牛小腸！

餐廳另一大特色是韓式烤牛小腸（$298），店員會在客人面前現場烤製，選用新鮮牛小腸，烤至外層微焦香脆，內裡保持彈牙多汁的口感。牛小腸的油脂豐富，烤製後散發誘人香氣，入口時既有煙韌的嚼感，又帶有濃郁的肉香和油脂的甘甜，香氣四溢，再搭配生菜和多款韓式小菜，口感層次豐富。餐廳的小菜種類多樣，如泡菜、年糕、薯仔絲等，為整體用餐體驗增添韓國風味。石鍋拌飯也是人氣選擇，配料新鮮且辣醬味道恰到好處。此外，所有酒類及飲品現正推出買一送一優惠，推薦年輕人喜愛的韓國青提子味燒酒（$60）。