fusion菜
fusion菜

人氣親民意日 Fusion菜 必食清新煙三文魚冷麵@Dining娜

飲食
Presented by:意樂餐廳

近排真係熱到令人無晒心機,全無胃口,就算食「龍肉」都無味!朋友仔仲話去打邊爐,家陣日日三十幾度,熱成咁,hot pot、韓燒都咪搞我,佢見我心情咁低落,話帶我去食餐清新意日 Fusion菜,幫我消消暑!

之前都聽唔同朋友仔提過意樂餐廳好受食客歡迎。意樂將日式、意式嘅烹調風格融合,創出適合香港人口味嘅意日 Fusion菜。餐廳選用從世界各地入口嘅優質食材,不會將貨就價,仲定期推出創意新菜式,每每為食客帶嚟驚喜。最重要是價格親民,餐廳又寬敞,包保食得舒適又開心。

夏日推介:煙三文魚冷麵 青芥末汁或鰻魚汁

炎夏最好食冷麵!肥美煙三文魚下面係清爽涼浸浸嘅日式冷麵,麵條沖冰水後彈牙幼滑,配埋紫菜、芝麻,仲有特別調製嘅青芥末汁或鰻魚汁一齊食,更覺開胃醒神。煙三文魚充滿煙燻香,又有三文魚嘅豐腴嫩滑感,燻香肉嫩,更覺滋味。同系列另有溫室青瓜雞柳冷麵,仲可以配搭由日本直送讚歧烏冬添!

海鮮集薈:帆立貝海鮮濃蝦汁焗珍珠飯

天氣咁熱,口味可能會揀擇啲,唔想食肉嘅時候,最好就係食海鮮!呢個有帆立貝、蝦、魷魚、青口、蜆……超豐盛海鮮嘅帆立貝海鮮濃蝦汁焗珍珠飯,配料仲有健康有益嘅菇菌同蔬菜,濃郁蝦汁更係配搭海鮮嘅perfect match!珍珠飯吸晒海鮮同蝦汁嘅鮮甜,滋味倍升!

鮮甜韌:鮮蜆蒜香煙肉忌廉天使麵

鍾意creamy嘅我,最鍾意食cabonara,但食得多都會想換下口味,朋友就叫試下呢個加上香甜原隻蜆嘅鮮蜆蒜香煙肉忌廉天使麵,果然一食愛上!滿滿鮮甜嘅蜆肉,配惹味嘅香蒜同煙肉,加埋沾滿幼滑忌廉醬汁嘅天使麵,實在係大滿足呀!

清新甜點:方格西多士配和風抹茶煉奶

身為甜品控,飯後當然要來個甜品喇!好似一磚磚黃金嘅方格西多士,大廚先將麵包反覆沾滿蛋醬再高溫炸到金黃色,外脆內軟,配埋混合清新抹茶與甜蜜煉奶嘅自家製和風抹茶煉奶,用呢個清香甜品作結嘅一餐,真的非常圓滿呀!

意樂餐廳

地址:新界沙田禾輋廣場2樓227號舖

查詢電話:2598 8080

網址:www.itamomo.com.hk

最新吃喝玩樂資訊