中秋盆菜推介2021|10大盆菜優惠:早鳥優惠人均$50+太興送$168優惠券+85折食和牛帝皇蟹盆菜+米芝蓮盆菜|飲食優惠
中秋盆菜推介2021|10大盆菜優惠:早鳥優惠人均$50+太興送$168優惠券+85折食和牛帝皇蟹盆菜+米芝蓮盆菜|飲食優惠

中秋盆菜推介2021|10大盆菜優惠:早鳥優惠人均$50+太興送$168優惠券+85折食和牛帝皇蟹盆菜+米芝蓮盆菜|飲食優惠

中秋盆菜推介優惠 2021!中秋節同親朋戚友做節唔想煮的話,最好訂盆菜返屋企食!今年中秋盆菜選擇多,連鎖店如大家樂、太興有,米芝蓮級數的逸東軒都有!即睇早鳥優惠!

撰文:Ami | 圖片:相關機構

中秋盆菜推介1|逸東軒:米芝蓮星級盆菜+海鮮小炒

做節當然想食得好一點,米芝蓮一星中菜廳逸東軒的星級鮑魚盆菜,六位用$2,388,有多款矜貴食材炮製,包括原隻十頭鮑魚、豬婆參、鰵膠、中蝦、原條釀鯪魚、燒鵝及柱甫等超過十四款配料,更用砂鍋盛載,食完盆菜個鍋可以循環再用,夠環保!

  • 另可訂購多款外賣招牌砂鍋小菜及盆菜
  • 餐廳:逸東軒
  • 地址:九龍彌敦道380號香港逸東酒店B2樓層﹙顯示地圖
  • 電話:2710 1093
  • 營業時間:11am-3:30pm、6pm-10pm
  • 訂購按此

中秋盆菜推介2|大家樂:人均$50!瑤柱、中蝦等19款食材

食盆菜絕對是豐儉由人,大家樂這個盆菜絕對是超值之選,供10-12位享用的「瑤柱褔袋燒味大盆菜」,優惠價$648,如果是Club 100會員,$608便可以訂到,即是人均只是$50!雖然平,但材料足足有19款,包括原粒日本宗谷瑤柱(10粒)、黃金福袋(10個)、茄汁中蝦(10隻)、蠔豉、玫瑰豉油雞、燒鴨、花菇等,一點都不失禮。

  • 「瑤柱褔袋燒味大盆菜」優惠價$648,DBS信用卡價$618,Club 100會員價$608
  • 「福袋燒味盆菜」優惠價$508,DBS信用卡價$478,Club 100會員價$468
  • 滿$2,000(折實價計)或以上訂單可享免費送貨服務一次,滿$1,000(折實價計)或以上訂單,送貨服務費用為每次$200
  • 餐廳:大家樂
  • 訂購按此

中秋盆菜推介3|豐食FEAST:和牛帝皇蟹盆菜 85折早鳥優惠、免運費、回贈$500餐飲禮券

如果嫌傳統盆菜無新意,可以考慮網上到會專門店豐食FEAST的「M9全血和牛慶典豐食盆菜」($1,388/4-6位),內有十多款優質食材如澳洲Stone Axe M9全血和牛牛「月展」、美國SRF極黑和牛肋條、澳洲Westholme M5和牛尾及和牛面頰、牛筋、牛丸、蟹籽福袋、山藥魚棒等,極具份量, 全部和牛均以不同的香料如紅椒乾及香葉等調味,牛尾及和牛面頰以慢火燜煮達2小時直至軟腍入味,令盆菜牛味份外濃郁,更以紅色盆菜鍋盛載,充滿喜慶色彩。另一款「M9全血和牛帝王蟹慶典豐食盆菜」($1,788/4-6位、$2,288/8-10位),材料跟和牛盆菜一樣,但多了一隻啖啖肉且味道鮮甜的帝王蟹,即時令賣相華麗升級;另外配以壽喜燒湯底及柚子蟹醋,提升盆菜味道層次。客人更可以另外單點帝王蟹,每隻$400,亦可加碼柯打其他到會套餐。

  • 即日至9月20日預訂盆菜85折
  • 凡訂購盆菜,可以優惠價$340/隻加購帝王蟹
  • 運費全免直送到家
  • 免費回贈總值$500餐飲禮券(數量有限,先到先得)

 

  • 店名:豐食FEAST
  • 訂購﹙按此

中秋盆菜推介4| 太興:早鳥優惠 最多減$100+送$168優惠券

今年中秋,太興推出兩款鮑魚盆菜——「鮑魚豐盛盆菜」(6位用)及「極品鮑魚開心大盆菜」(8/12 位用),前者用料矜貴,包括原隻蠔皇鮑魚、蠔豉、大蝦等,還有當日新鮮即斬招牌燒鵝和桶子油雞,共20款珍品食材。另一款「極品鮑魚開心大盆菜」,備有8位用及12位用兩款份量供選擇,19款食材包括蠔皇鮑魚、大蝦及燒肉等,但最特別是「原粒瑤柱蠔豉福袋」,內裡盛載日本瑤柱、鮑汁蠔豉和雪耳,很有心思,而且還有專人免費送到府上。

  • 供應日期:9月4日-10月10日
  • 9月14日或之前訂購「鮑魚豐盛盆菜」,可享優先價$788(正價$838)
  • 9月14日或之前訂購「極品鮑魚開心大盆菜」,可享優先價$1,580/8位用(正價1,680)、$1,880/12位用(正價1,980)
  • 送$168太興優惠券及獨立包裝盆菜醬汁1包
  • 訂購「極品鮑魚開心大盆菜」
  • 送不鏽鋼大湯殼、長筷子一雙、耐熱碗、筷子和湯羹
  • 餐廳:太興
  • 訂購按此
  • 備註:必須3天前訂購

中秋盆菜推介5| 8度海逸酒店:手工傳統盆菜 eshop訂購82折

8度海逸酒店廚師團隊推出自家製傳統盤菜,用料方面,酒店中菜部主廚楊保國師傅選用了原隻磯燒鮑魚、花膠、瑤柱、沙井蠔、大蝦、花菇、貴妃雞、燒腩仔、鵝掌、時菜等上乘食材,再加上盆菜中的基本食材,一共有多達16款材料。每款食材,楊師傅都花上不少心思,如逐隻煎香再放入盤菜的沙井蠔、用秘方醃製一天再放入焗爐烤焗的燒腩仔、用金華火腿及高湯大火炆煮的鵝掌等,另外值得一提是盆菜的精髓——醬汁,由鮑魚、金華火腿等矜貴食材輔以老雞、腩排、雞腳等熬製8小時而成,更採用獨立包裝,方便又衛生。

  • eshop預購可享82折,4位用$893(原價$1,088)、6位用$1,221(原價$1,488)、8位用$1,631(原價$1,988)
  • 餐廳:8度餐廳
  • 地址:土瓜灣九龍城道199號(顯示地圖
  • 電話:2126 1960
  • 訂購按此
  • 備註:酒店可提供運送服務,九龍區運費為$100,香港島$160,新界區$180,東涌$220

中秋盆菜推介6|人人和平小飯店:四位$428 歎鮑魚、花膠、魚肚

以燒味聞名的人人和平小飯店今年推出3款盆菜,食材種類最多最高級的「鮑參豐盛盆菜」,包括墨西哥鮑魚、野生海蝦、海參、日本瑤柱甫、花膠、金蠔、燒鵝、貴妃雞等共19款,非常豐富,$1,388/6位、$2,498/12位,如果人數多於6或12,更可以逐位加,每位加$200,鮑魚、海蝦、海參、花膠、蠔豉都會相應加1人份。另外還有「懷舊盆菜」及「和平集氣盆」,後者只需$428/4位,內有八頭鮮鮑魚、花膠、魚肚、花菇、蘿蔔、魚蛋,另配送淮山麵,如果想改用墨西哥八頭湯鮑,需加$120﹙4件﹚。

  • 餐廳:人人和平小飯店
  • 地址:北角堡壘街6-8號A地舖2﹙顯示地圖
  • 電話:2570 8616
  • 營業時間:11am-10pm
  • 訂購按此
  • 備注:
    1)所有盆菜,每日12nn時前落單訂購,後日3:30pm後可自取
    2)盆菜只接受google form﹙按此﹚或親身到店訂購,每日限量供應,先到先得
    3)自取地點:人人和平小飯店、 theDesk金鐘及theDesk西環
    4)送貨收費: 港島區$60-130,九龍區$200,新界區建議自行call車;消費滿$1,800,港島區免運費,九龍區減$130; 星期日或公眾假期須付送貨附加費$30-100

中秋盆菜推介7|輝哥私房菜:創新火鍋盆菜 送餐酒兼免費送貨

今年輝哥私房菜除了傳統的「一品佛跳墻盆菜 」($899/6位用、$1,688/12位用)外,更推出革新的「火鍋盆菜 」,讓食客打邊爐的同時亦能享受傳統秘製盆菜的滋味。「和牛海鮮美人鍋 」$1,388/6位用、$2,688/12位。用的湯底用上西非深海鱈魚膠、豬骨及老雞以慢火熬成,富含膠原蛋白,滋陰養顏,共18款食材,包括﹕原隻南非鮑魚、上湯煨花膠、原隻北海道帆立貝、原隻美國龍蝦,還有紅燒元蹄、特級蠔豉、秘製鴨掌、蠔皇花菇等,可以打邊爐同時食盆菜。

  • 於網上預訂6位盆菜即送德國PNR餐酒1枝、田園蔬菜包1份;12位盆菜即送2枝、田園蔬菜包2份
  • 港九新界免費送貨
  • 若選擇自取點自取6位盆菜再送德國PNR餐酒1枝,12位盆菜即送2枝
  • 送米線皇后自家秘製麻辣醬、以及輝哥盆菜專用麻油一小罐(數量有限,送完即止)
  • 餐廳:輝哥私房菜
  • 地址:佐敦長樂街18號18廣場2樓﹙顯示地圖
  • 電話:5984 7878
  • 營業時間:11:30am-2:30pm,5:30pm-10:30pm
  • 訂購按此

中秋盆菜推介8|銀杏館:社企無味精盆菜 有葷有素二選一

本地社企銀行館,今年推出全新中秋節至尊盆菜,主張無添加味精及老師傅炮製,包括十二款豐富食材,蠔皇燴髮菜、 金蠔、燒米鴨、南乳炆支竹、金湯燴魚蛋、醬香燴蓮藕、豉油雞、極品鮮味蝦、南乳炆香芋、蠔油燘北菇、麵醬炆豬皮、秘醬炆腩肉,另可加鮑魚,海參,鵝掌。另有素食盆菜選擇。更有免費送貨,如過中秋節食飯又想更有意對,可以考慮一下。

  • 好好葷盆菜:原價$1,488(10-12人)、$988(4-6人);價惠價$1,188(10-12人)、$888(4-6人)
  • 好運素盆菜(素食):原價$1,388(10-12人)、$888(4-6人);價惠價$1,088(10-12人)、$788(4-6人)
  • 餐廳:銀杏館
  • Whatsapp 下單:5117 7695
  • 訂購按此

中秋盆菜推介9|大快活:貼地價$398六人份 食鮑魚盆菜

大快活今年的中秋團圓盆菜,6位價錢$398,可以食到原隻鮑魚、東坡肉、荔芋雞、南乳豬手、叉燒、魷魚、香菇肉丸、冬菇、豬皮、蘿蔔等,價錢親民但用料絕不欺場,更可加$99配2.5磅蠔皇雜菌伊麵。另有6人餐供應,包括盆菜、小食雙拼、揚州炒飯及楊枝甘露布甸,好豐富!

大快活中秋盆菜(圖片來源:大快活)
大快活中秋盆菜(圖片來源:大快活)
  • 餐廳:大快活
  • 電話:2856 7291
  • 訂購按此

中秋盆菜推介10|美心MX:指定客戶網上訂8折+送$130優惠券

美心今年推出中秋盆菜,用料有原隻蠔皇鮑魚、北海道原粒元貝、蠔豉、豉油皇蝦、黃金卷、 南乳豬手、鹽香雞、燒鴨、炆鴨掌、炆豬肉、豬皮、花菇、栗子、西蘭花、芋頭、炆蘿蔔、枝竹及蒜子,分6位用及10-12位用,另可加配不同美食,包括揚州炒飯及楊枝甘露布甸。

  • 鮑魚∙福聚盆菜 (6位用):標準價$960、中銀信用卡優惠價$768、EATIZEN 會員優惠價$768、其他客戶優惠價$788
  • 金玉滿堂盆菜 (10-12 位用):標準價$648、中銀信用卡優惠價$648、EATIZEN 會員優惠價$668、其他客戶優惠價$810
  • 鮑魚∙喜慶盆菜 (10-12 位用):標準價$1,048、中銀信用卡優惠價$1,048、EATIZEN 會員優惠價$1,068、其他客戶優惠價$1,310
  • 餐廳:美心MX
  • 訂購按此

關鍵詞
飲食優惠

最新吃喝玩樂資訊