三哥遇上喵~ 忌廉哥 概念主題店

忌廉哥 出沒注意!三哥今次搵埋 忌廉哥 ,齊齊食米線。位於觀塘晨光大廈的譚仔三哥米線分店,到處都見到忌廉哥的蹤影,開張當日 忌廉哥 都有親身到場祝賀(不過無負責剪彩!)。呢一刻大家可能會問,係咪嚟到就可以見到 忌廉哥 真身呢?答案當然唔會啦,開張之後 忌廉哥 會歸家,不過店內設有三個主題區,包括美食主題區、報攤主題區和歷史展示區。其中,忌廉哥歷史展示區就有三哥和忌廉哥的大型擺設,非常搶眼。至於店內牆壁、碗碟,甚至餐牌都見到忌廉哥個嘜頭,超可愛的!想同忌廉哥擺設影相就快啲去啦!

三哥_忌廉哥
忌廉哥 已經一早坐定定恭候大家。
三哥_忌廉哥_擺設
位於店內歷史展示區的三哥和 忌廉哥 的大型擺設,非常搶眼。
三哥_忌廉哥_餐牌
譚仔三哥x 忌廉哥 開幕日餐牌。
三哥_忌廉哥_四格漫畫
譚仔三哥x 忌廉哥 開幕日四格漫畫單張。
三哥_忌廉哥_歷史展示區
忌廉哥 歷史展示區,會展出 忌廉哥 的照片和紀念品。

另外,今次譚仔三哥主題店都有推出5款一人小食,包括意川醋香番茄、手拍青瓜、大豆芽、雲耳和蓮藕,新主題店價每款$15,不過新開張有優惠,每碟$11,鍾意食小食的朋友們最適合不過。

三哥_忌廉哥_番茄
意川醋香番茄,以2種中國醋和1種意大利醋調製,非常惹味。
三哥_忌廉哥_青瓜
手拍青瓜,味道清新。
三哥_忌廉哥_雲耳
雲耳,麻辣爽口。

譚仔三哥米線忌廉哥主題店
地址:觀塘康寧道1-9號晨光大廈3樓(顯示地圖)
電話:2389 0090

延伸閱讀:

荔園吹起懷舊風 地氈式尋場外老港味 么鳯 原址重現【銅鑼灣】
【台北美食】 HELLO KITTY Shabu-Shabu 涮涮鍋賣萌無嘴貓主題餐廳 可愛登台!

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!

最新吃喝玩樂資訊