雪糕咖喱飯
雪糕咖喱飯

雪糕咖喱飯!Superdon限量50份 記者實測味道伏唔伏|區區搵食

飲食

廣告

雪糕咖喱飯殺到銅鑼灣!繼早前雪糕拉麵在香港街頭出現後,近期位於銅鑼灣鬧市又再發現新奇主食出現,今次竟然是:雪糕咖喱飯!客人可以自選配料以及辣度,於指定2間分店每日限量供應約50份,售完即止,不知道新品又可不可以吸引一班勇士挑戰呢?今次記者率先試食,即睇詳細食評啦!

雪糕咖喱飯Superdon發售!2間分店限量日賣50份

繼早前瘋靡全港的雪糕拉麵出沒後,今次又有餐廳挑戰一班港人對料理的認知啦!Superdon最近推出期間限定「雪糕咖喱飯」系列,以動畫《蠟筆小新》作為主題,每日限量供應約50份,而且只限銅鑼灣和大埔分店有售,暫定供應期至2023年1月。新品推出不足一星期,暫時未見人龍,不過店員透露,雪糕咖喱飯曾於半日內售罄,看來雪糕咖喱飯都有相當的魅力!

雪糕咖喱飯 雪糕咖喱飯於銅鑼灣Superdon限量發售!另外大埔分店同樣供應,每日數量有限。
雪糕咖喱飯於銅鑼灣Superdon限量發售!另外大埔分店同樣供應,每日數量有限。(圖片來源:新假期編輯部)
雪糕咖喱飯 今次以動畫「蠟筆小新」作為主題,用上小新最愛的咖喱飯和雪糕製作出創意新品。
今次以動畫「蠟筆小新」作為主題,用上小新最愛的咖喱飯和雪糕製作出創意新品。(圖片來源:新假期編輯部)

記者率先試 雪糕咖喱炸雞飯

雪糕咖喱飯以套餐奉上,主角「雪糕咖喱飯」分別有4款,客人可以自選配料,包括吉列豬扒、炸雞、牛肉和海鮮。另外還會隨餐附有腐皮壽司、味噌湯和特飲。套餐看似很豐富,還有蠟筆小新卡通插畫加持,不知道實物與圖片有沒有落差呢?味道又伏不伏呢?記者一於親自實測,即睇值不值得試啦!

雪糕咖喱飯 雪糕咖喱飯套餐售價由$118-$138不等,除了主角雪糕咖喱飯外,亦附有腐皮壽司、味噌湯和特飲。
雪糕咖喱飯套餐售價由$118-$138不等,除了主角雪糕咖喱飯外,亦附有腐皮壽司、味噌湯和特飲。(圖片來源:新假期編輯部)

賣相及用料:

雪糕咖喱飯的實物與宣傳照及餐牌上的賣相達至9成似,白飯與日式咖喱整齊地分開放置 ,表面有半支雲呢嗱甜筒躺在白飯上,造型特別而且好吸睛!咖喱主要有紅蘿蔔、洋葱、炸雞3種配料,還插有小新造型紙牌,蠟筆小新迷一定會忍不住要點一份!

雪糕咖喱飯 雪糕咖喱炸雞飯
雪糕咖喱炸雞飯$118,賣相與宣傳海報9成似,落差感不大。(圖片來源:新假期編輯部)

除了主角雪糕咖喱飯外,套餐包有腐皮壽司2件、味噌湯1配和限定特飲。腐皮壽司造型正常,同樣會隨機插有《蠟筆小新》動畫內的角色小牌。至於飲品方面,分別有「動感超人芒果特飲」和「光屁屁怪獸草莓特飲」可以揀其一,2款均有漸層,前者的顏色更為鮮豔,以寶藍色搭配芒果橙黃色。

雪糕咖喱飯 腐皮壽司
腐皮壽司帶微微甜味,造型正常還插有《蠟筆小新》動畫內的角色小牌,造型可愛。(圖片來源:新假期編輯部)
雪糕咖喱飯 動感超人芒果特飲
動感超人芒果特飲漸層唯美,是海洋的顏色啊!(圖片來源:新假期編輯部)

味道:

餐廳用上阿波羅雲呢嗱甜筒和日式咖喱,涼浸浸冰感雪糕與熱辣辣的咖喱一併食,有冰火交融的感覺!一口食落先會食到雪糕的甜味,其後咖喱後勁會湧上並與甜味糅合,變成鹹甜交替的味道,衝擊味蕾而且好新奇。配搭意外地夾而且會忍不住想繼續一口接一口。雖然咖喱分別有大、中、小3種辣度選擇,但由於是以日式咖喱作基調,因此甜味較為突出,相反辣味則不明顯。

雪糕咖喱飯 冰感雪糕與鹹香咖喱一齊食,對味蕾好有衝擊感!
冰感雪糕與鹹香咖喱一齊食,對味蕾好有衝擊感!(圖片來源:新假期編輯部)

雪糕用上雲呢嗱味,表面有朱古力醬,略嫌雲呢嗱雪糕偏甜,所以配上日式甜咖喱會甜上加甜。雖然有咖喱微鹹後勁稍稍中和,但非嗜甜者的話會容易感膩。

雪糕咖喱飯 雪糕表面有朱古力醬,不過稍稍融化後配上日式甜咖喱食,有點膩。
雪糕表面有朱古力醬,不過稍稍融化後配上日式甜咖喱食,有點膩。(圖片來源:新假期編輯部)

炸雞皮脆肉嫩,炸粉厚度適中,咬起來雖然沒有肉汁,但質感滑嫩。另外咖喱內的紅蘿蔔和洋葱煮得軟腍,拌飯食一流。

雪糕咖喱飯 炸雞外層脆卜卜,內裡肉質滑溜。
炸雞外層脆卜卜,內裡肉質滑溜。(圖片來源:新假期編輯部)

腐皮壽司和味噌湯正常發揮,味道正常不算特別突出,至於「動感超人芒果特飲」味道清爽富氣泡感,帶微微芒果果香,可以一解甜膩感。

用餐體驗:

記者當日準時於Superdon開店時間進場,成為全店第一位客人,可惜打算柯打的「雪糕咖喱吉列豬扒飯」缺貨,貨源較不穩定。最終選擇了「雪糕咖喱炸雞飯」,等了約20分鐘才上枱,整個等待時間偏長。不過餐廳有特意花心思佈置,設有《蠟筆小新》角色的模型和打卡牆,仿如身在主題店內。

雪糕咖喱飯 餐廳有特意花心思佈置,小新迷會愛上呢。
餐廳有特意花心思佈置,小新迷會愛上呢。(圖片來源:新假期編輯部)
雪糕咖喱飯 連紙巾盒都用上角色「阿呆」造型,打卡影相一流。
連紙巾盒都用上角色「阿呆」造型,打卡影相一流。(圖片來源:新假期編輯部)

總結:

雪糕咖喱飯的配搭聽似奇怪,但味道卻比想像中和諧,而且雪糕和咖喱的鹹甜冰火衝擊有驚喜,賣相亦有9成還原宣傳海報,沒有令人失望!惟當雪糕融化後,撈上咖喱醬拌飯食會帶甜膩感。整體而言,食物組合新鮮富綽頭,同時加入人氣動畫作設計,感覺新鮮,不坊一試。

雪糕咖喱飯 味道卻比想像中和諧,感覺新鮮,可以一試!
雪糕咖喱飯味道卻比想像中和諧,感覺新鮮,可以一試!(圖片來源:新假期編輯部)
  • 餐廳:Superdon(銅鑼灣分店)
  • 地址:香港銅鑼灣區駱克道501號地舖
  • 電話:2668 1663
  • 營業時間:星期一至日12nn-9:30pm
  • 餐廳:Superdon(大埔分店)
  • 地址:新界大埔區安邦路9號大埔超級城B區1樓130-133A號舖
  • 電話:2665 9700
  • 營業時間:星期一至日12nn-9:30pm
  • Facebook:superdonhk

雪糕咖喱飯在哪間店發售?

雪糕咖喱飯在一間日式餐廳發售,指定兩間分店有供應……詳情按此。

雪糕咖喱飯供應至幾時?

雪糕咖喱飯暫定供應至少3個月,……詳情按此。

圖片來源:新假期編輯部