Ufufu勁敵！$50有找！6大必食靚靚呃Like 芭菲 ｜太子食乜好｜
廣告
幾個月前日本佐賀 芭菲 名店Ufufu殺到香港，掀起日式 芭菲 熱。最近在太子發現這間剛開業的 芭菲 甜品店，同樣主打造型吸睛，有齊生果、和菓子、乳酪和抹茶雪糕的和風 芭菲 ，仲要$50內有交易，擺到明挑機，即睇6大必食之選！
撰文：ning ｜ 圖片：Chi
東京老店師傅監製
Menu上共有20款 芭菲 ，雖不及Ufufu多，但勝在有齊九州和東京兩種風格，前者以層數多、配料多見稱；後者則以大量生果配雪糕為主。日籍總廚出身於東京一間和菓子老店，擅長製作蕨餅、寒天果凍、麻糬等甜點，也曾於 芭菲 店工作，店子所有 芭菲 就由他設計。
必食1：日式精選乳酪 芭菲
內裡有北海道3.6牛乳抹茶雪糕，還有宮本先生最拿手兼自家製的和菓子配料，抹茶雪糕濃郁回甘；麻糬丸子煙韌彈牙；蕨餅軟熟；蜂巢焦糖超香甜，抹茶寒天水漾嫩滑，層次豐富。
必食2：士多啤梨雲呢嗱 芭菲
熊貓造型充滿少女味，頂層一球雲呢嗱雪糕，中間有士多啤梨、芒果、自家製奶凍及豆花，底層是奇亞籽，整體味道清新，據聞奇亞籽更有瘦身功效，有藉口食甜品不罪疚！
必食3：日本紫薯雪糕 芭菲
最近紫薯大熱，這款 芭菲 上面有紫薯蓉忌廉，再插上原味Macaron、甘栗，以及紅酒啫喱層層疊而成，紫薯味極濃，紅酒啫喱帶微酸和酒香，頗獨特。
必食4：香橙西柚乳酪 芭菲
店內有不少水果 芭菲 可供選擇，這款就有原片西柚肉和橙肉插於雪糕上，冰凍又多汁；中間的扭紋雪糕是乳酪加抹茶，味道酸中帶甘甜，兩者竟然意想不到地Match。
必食5：藍莓芝士餅雪糕 芭菲
自家製的芝士蛋糕富奶香，配上咖啡Macaron很有西式下午茶feel；中間酸甜的士多啤梨雪糕，加埋芒果肉和藍莓醬，正好中和芝士蛋糕的膩滯感。
必食6：芒果乳酪 芭菲
整杯乳酪雪糕填滿菲律賓芒果粒，中間還加了芒果爆珠，最後淋上芒果汁，食到滿嘴都是濃郁果香，芒果控表示大愛！
宮葉 Miyaha
地址：太子西洋菜南街240號地舖（顯示地圖）
電話：2441 3686
營業時間：11am – 12:30am
備註：不設加一、只收現金
延伸閱讀：
香港終於有！東京人氣 吉列牛 駕到！！｜太子食乜好
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
