自助餐 尖沙咀 日式放題 生蠔 日本菜
自助餐 尖沙咀 日式放題 生蠔 日本菜

【自助餐我要!】6折食尖沙咀3小時日式放題!送龍蝦+任食即開生蠔+刺身+過百款和食料理|尖沙咀放題|

飲食

廣告

放題最緊要多嘢食,所以不少放題店近年都在食材上鬥豪華、鬥多花款,甚至要如酒店自助餐般,設Live Station新鮮即煮畀你食!尖沙咀這間放題,就以高質和回本菜式作招徠,每位入座即送龍蝦之餘,場內亦有即開生蠔、限時供應即烤羊架等的Live Station,還有超過100款和食料理,包括刺身、炸物天婦羅、鍋物等,甜品有Mövenpick雪糕任食,連啤酒都任飲!放題時間食足接近3小時,今個月更有6折優惠,連週末午市放題更是$300有找兼食足3.5小時!即睇地址再叫齊朋友Book位!

撰文:ning 攝影:Fion

尖沙咀任食165分鐘日式放題 每位送龍蝦!

尖沙咀這間放題,Menu超過100款美食,當中九成是日本菜。一入座,每位先送原隻約450-550g的即煮龍蝦,按來貨供應不同品種,包括青龍、杉龍、啡龍、珍珠龍、波士頓龍蝦;煮法任你揀,芝士牛油焗、 蒜蓉蒸、黃金海膽燒、明太子燒 ⋯⋯隻隻長過女生手掌,肥美厚肉。

煮法每日有數款可選,近日加推明太子燒新煮法,新鮮明太子去衣後,混合日本沙律醬,塗抹在龍蝦肉上燒。

黃金海膽燒的煮法最多人嗌!每隻用近1/3板的日本馬糞海膽及蛋黃,人手壓成蓉後配龍蝦烤焗。

菠蘿他他醬燒龍蝦就以沙律醬混合酸青瓜、菠蘿粒,同樣抹在龍蝦肉上烤焗。

3大Live Station!即開日本生蠔

吃完龍蝦, 轉攻即開任食生蠔Live Station,有開蠔師傅長駐,密密開蠔無停手,全部即叫即開,處理得乾淨,掃走蠔碎之餘, 也為食客預先𠝹鬆蠔肉,一夾即起。蠔種是飽滿肥嘟嘟的日本鳴瀨蠔,蠔形修長,蠔肚脹卜卜,入口Creamy,伴帶濃濃海水鮮味,蠔迷別錯過。

罕見!即炒鑊氣蔬菜Live Station

在生蠔Live Station附近,居然發現這個即炒時蔬的Live Station,坊間少見幾有趣。蔬菜品種頗多,菜芯、生菜、翠玉瓜、西蘭花⋯⋯可以任配,煮法一樣自選,蒜蓉或 XO 醬炒最香口。睇住師傅炒出紅紅鑊氣,蔬菜依舊翠綠爽脆,更成為每晚放題時段最人氣的Live Station!

自選即煮意粉

同場亦有即煮意粉Station,師傅即場炮製意粉,每晚兩三款,例如卡邦尼、南瓜忌廉帶子、香草拿破崙等,份量細細,唔怕澱粉質填爆肚子。

每晚限時供應!即焗Juicy羊架!

除了三大Live Station,每晚亦有限時供應的廚師推介,在自助區供客人自取,例如採訪當日所見的即焗即切寶雲酥羊架,厚肉之餘,肉質軟嫩多汁,帶微微羊肉羶香,大大件,最啱食肉獸。

落單叫!過百款日本和風料理

話明日式放題,當然還有大量和食等你戰鬥!10多款刺身,有齊油甘魚、三文魚腩、深海池魚、赤貝、甜蝦;創意卷物、 火炙壽司一應俱全;想食熱嘢暖胃,有串燒、茶碗蒸、炸物天婦羅、鮮蟹粥、鍋物、 雞燉翅⋯⋯全部任點任食,用手機程式或店員提供的tablet落單就得,方便快捷。

甜品區!Mövenpick雪糕、雪條任食

最後當然要轉戰甜品!這間放題店就提供Mövenpick雪糕任食,有士多啤梨和咖啡口味。

另外也有雀巢Mega雪條、韓國芝士蛋糕雪條和榴槤雪條,都是任拎任食。

凍櫃內也有小量件裝的蛋糕甜品供應,味道一般,不及Mövenpick雪糕和雪條吸引。

飲品區除了鮮榨原個橙汁,雪櫃內的款式更多到似七仔,汽水、茶類、果汁⋯⋯連啤酒都是任飲唔嬲。

6折優惠!午市$268有交易!

放題時段分兩輪,第二輪最抵食,用餐時間165分鐘,接近3小時,足夠時間食多幾轉。最近晚市更加推低至6折優惠,埋單$400有找,食埋龍蝦、生蠔,夠晒回本。想再平啲,周末假期的3.5小時午市放題只需$268,唯一不同的是送半隻龍蝦,但都有生蠔食,其他和食及Live Station也全部有齊,正!

一樂日式放題

地址:尖沙咀寶勒巷6-8A盈豐商業大廈2樓(顯示地圖
電話:3188 0447
營業時間:星期一至五 6pm-11:30pm;星期六、日及公眾假期 12nn-3:30pm、6pm-11:30pm

放題供應時段及收費:
星期一至四 6pm-8:30pm、8:45pm-11:30pm
成人 $353/位、長者 $188/位、小童 $168/位

星期五至日、公眾假期及前夕 6pm-8:30pm、8:45pm-11:30pm
成人 $382/位、長者 $188/位、小童 $168/位

星期六、日及公眾假期 12nn-3:30pm

成人 $268/ 位、長者 $188/ 位、小童 $168/ 位

情人節(2月14日)放題供應時段及收費(75折優惠):
6pm-8:30pm、8:45pm-11:30pm
成人 $441/位、長者 $188/位、小童 $168/位

備註:

  • 以上為已折扣之價錢,折扣優惠期由2018年2月1日起至2018年2月28日止;
  • 6折優惠不適用於2018年2月14日;
  • 原隻龍蝦優惠只限成人,晚市送原隻,午市放題送半隻;
  • 設加一、收信用卡
  • 建議訂座。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..