繼續雞蛋仔!最新4款花式雞蛋仔

飲食

廣告

最具有香港味道的雞蛋仔,莫過於用炭爐燒製而成的,一邊潑一邊聞到雞蛋仔香。惟此情不再,創意多多的香港人,也愈玩愈多花臣,最近更激起一波雞蛋仔熱潮!新興小店最注目的,必數灣仔的Oddies。繼早前熱爆的雞蛋仔新地和臘腸雞蛋仔後,前幾日更推出日本味噌大根味,內裡夾著蘿蔔粒、獅子狗卷和日式魚蛋,有點似吃拉麵!寶島來的MangoChaCha 都加入戰團,將粒粒雞蛋仔串起,賣相似魚蛋,極有新鮮感。

老店也不甘於後。媽咪雞蛋仔最近衝出紅磡,在銅鑼灣開店;沙田街坊店「第一城冰站」也做出「一底六種味」的雞蛋仔。風頭強勁到連觀塘老店恆發亦再次受追捧,今日下午慕名而來,一等便是半小時,吃過芋頭味香滑不甜,極足料。究竟熱潮去到幾時?容我大膽預測,雞蛋仔好快會同窩夫合體,上面會加好多toppings,變成另類pancake!

 

Oddies日式噌大根雞蛋仔 $22

一聽組合有點騎呢,但味道鹹香juicy又煙韌,想在fb勁呃 like,一定要速速朝聖!

MangoChaCha雞蛋仔 $48

小店最近與乜嘜雞蛋仔合作,原味雞蛋仔蘸上愛文芒果醬和忌廉吃,層次幾豐富,不過有點貴!

第一城雞蛋仔 $45

一底有六款味,士多啤梨、朱古力、椰絲和香芋 等,一次過滿足六個願望!

恆發芋頭雞蛋仔 $20

恆發雞蛋仔用料極足,雞蛋仔塗上厚厚的一層廣西芋泥!

同場加映!

想創業的朋友,不妨考慮印尼的Eggo Waffle做 All day breakfast,隨時紅遍全城!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..