屯門 Go Go Mall 小食 雅都商場
屯門 Go Go Mall 小食 雅都商場

屯門Go Go Mall!雅都商場變5萬呎掃街食場 22間小食店 開至凌晨1點|區區搵食

飲食

廣告

屯門雅都商場早前全新裝修,改名為Go Go Mall,最近開始試業啦!新食場佔地5萬呎,多達22間掃街小食店進駐,不同地道特色菜式和甜品,記者精選8間率先為你介紹!

撰文:Sakura 攝影:Go Go Mall

屯門新開5萬呎掃街小食場!

屯門雅都商場早前裝修,現改名為Go Go Mall,新食場佔地50,000呎,最近開始試業!新食場部分食店更會開至凌晨1點,讓街坊又多個宵夜好去處啦!場內多達22間掃街小食店,不少是屯門街坊店和連鎖店,其中有著名榴槤專門店老樹琛榴槤,屯門街坊店青森料理,章魚燒大師等。

記者精選8間小店 逐一介紹!

1. 醉滋味

醉滋味本是元朗小食店,今次是首次於屯門開第一間分店,主打招牌醉雞卷,醉雞翼,叉燒脆爆煎餅,慢煮煙肉芝士雞卷等,喜歡酒香味小吃的朋友可以一試!

2. 青森料理

青森料理是一間主打日本菜的小店,同是屯門街坊店,其中招牌菜有三文魚親子丼,麻醬冷麵,香蒜牛肉薄燒等,以後宵夜都有得食刺身啦!

3. 馬拉公公

馬拉公公是主打馬來西亞特色菜,其中有馬來咖喱,肉骨茶,蝦麵和叻沙等,非常有檳城風味!

4. 閃電雞撈

說到掃街小食,點少得撈麵呢!閃電雞撈是葵芳廣場人氣小店,以後屯門的街坊唔需要出去葵廣就食到!其中推介雞煲醬髀肉撈麵和花膠雞脾肉撈麵,食落相當惹味!

5. 章魚燒大師

掃街人氣小食邊少得章魚燒呢!章魚燒大師是屯門小店,今次搬到Go Go Mall,食客可以在有冷氣的地方食章魚燒啦。他們有不少章魚燒口味,如原味,明太子,芥末,大葱等,一次過食到不同口味!

6. 一糖

一糖是天水圍街坊甜品店,主打多款中西式糖水,如牛奶冰,雜果西瓜盅,紫薯窩夫,湯圓糖水等,夏天去食就啱哂!

7. Durian 琛榴槤(老樹旗艦店)

位於佐敦的老樹旗艦店,是著名榴槤甜品專門店,屯門喜歡食榴槤的街坊有福啦!主打一系列貓山皇甜品,如貓山王窩夫,貓山王雪糕,榴槤瑞士卷、榴槤芝士撻等,榴槤控不容錯過!

8. LC.TEA

LC.TEA是元朗小店,主打一系列台式茶飲,其中奶蓋系列更是自家調製,另外還有黑糖珍珠奶茶、水果茶、蛋糕珠珠奶茶等,經過飲番杯解解渴啦!

Go Go Mall
地址:屯門鄉事會路112-140號(顯示地圖
電話:2841 8893
營業時間:星期一至四11:00am-12:00am;星期五至日 11:00am-1:00am

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..