壽司
壽司

壽司卡路里逐件計!13款排行榜 腐皮壽司肥過拖羅?!|食是食非

飲食

廣告

睇落油都冇滴嘅日本壽司,感覺好Light? 有啲的確係,但有啲原來充滿地雷, 壽司卡路里原來可以多到嚇死人,隨時愈食愈肥!一齊睇清睇楚壽司卡路里,保證食唔肥!

撰文:Jeff|圖片:Tony、新傳媒資料室|營養顧問: 「尚營坊」營養師Nicole Wong

逐件計!
常見壽司卡路里

壽司卡路里 ,營養師為你逐件計!

1. 放心食系列

帶子、甜蝦都屬蛋白質豐富兼低脂的貝殻類海鮮,而且當中含有鋅,可增強免疫力,可放心食!至於,三文魚、吞拿魚只要選擇非魚腩部位,卡路里亦不會太高,且含有豐富Omega-3,有降血脂功效!

壽司
帶子壽司 35kcal、甜蝦壽司 35kcal、三文魚壽司 35kcal、吞拿魚壽司 35kcal

2. 適量食系列

魷魚壽司低卡但高膽固醇,慎食!海膽壽司則鐵質豐富,但亦是高膽固醇,不宜多吃!

壽司
魷魚壽司 40kcal、海膽壽司 50kcal

3. 少食為妙系列

玉子燒需用全蛋製作,但過程油量多、糖份亦重,絕非健康之選!味付螺肉壽司,則是醬汁出事,高糖高鈉!而海鰻壽司,因本身魚油比例高,加上醬油高卡,不宜多吃。另外魚子類也是要慎吃的款式,相當高卡路里。

壽司
玉子燒 55kcal、海鰻壽司 64kcal、味付螺肉壽司 57kcal、三文魚子壽司 75kcal

4. 減肥唔好掂系列

拖羅等魚腩位,卡路里往往翻倍,注意!花之戀肥在一匙沙律醬,減肥千萬碰不得!腐皮壽司,不要以為全素就瘦,其實腐皮經油炸及醃漬,最肥!

壽司
拖羅壽司 80kcal、花之戀 109kcal、腐皮壽司 120kcal

營養師解答
壽司3大地雷位

地雷位1-壽司飯

每件握壽司飯量約20克,近24千卡,一餐不要吃多過10件,否則就會攝取過份的澱粉質,轉成多餘的脂肪。至於飯中的米醋,其實不需要過份擔心,因當中的糖份與卡路里亦不算太高。

壽司
每件壽司飯量20克。

地雷位2-豉油

豉油鈉含量高,包裝豉油約10克一包為例,已有近500mg的鈉,每人用一包,已差不多到了一餐700mg的上限。

壽司
10克包裝豉油有近500mg鈉。

地雷位3-冇菜食

壽司少菜, 即使是青瓜卷, 纖維亦低,若一餐缺少纖維,飽腹感也會愈遲出現,令你不知不覺愈食愈多。營養師建議,可以先吃一盒枝豆、車厘茄打底。

壽司
可先吃一盒枝豆打底。

最佳揀法

營養師建議,每人每餐最好選擇4件深海魚(非腩位)+4件貝類或蝦類+2件海膽或其他+一盒蔬果,便達約600kcal的水平!

壽司
4件深海魚(非腩位)+4件貝類或蝦類+2件海膽或其他+一盒蔬果最佳。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..