越南菜
越南菜

越南菜進化! 剔紙仔落柯打 【灣仔食乜好】

飲食

廣告

香港人食拉麵講究,麵的軟硬,湯的濃淡,皆要自己作主。想不到現在連一碗越南湯河,都可以剔紙仔,東揀西揀。最近,有小店就學足日式拉麵店的經營模式,專心做 Pho,湯底用牛筒骨,慢火熬足12小時,清澈順喉無味精;隔起的牛湯油亦不浪費,客人可以學越南人一樣,加進湯中或加葱花蘸牛肉。牛肉片又有特級、生、熟及兩溝四個選擇;配菜則跟足南越口味,芽菜、青檸、香葉樣樣齊,感覺相當地道。先試口湯,油香中透出牛骨髓的甘甜,加點檸汁,味道昇華;河粉嫩滑煙韌,牛肉新鮮味濃。 原來,店主Sebastien 是四分一個越南人,在法國生活時,跟即將榮休的越南老太太學過煮 Pho;由於多年來一直難忘滋味,遂同老婆放棄高薪厚職,瞓身開餐廳。小店就如美夢,二人全程投入,不惜工本,扎肉、粉皮、魚露、油葱酥全部自家製,就連是拉差也揀辣味較重的美國版,如此心機,實在值得欣賞!

Brass Spoon

地址:灣仔月街1-3號地下 B 舖(顯示地圖
電話:2877 0898
營業時間: 星期一至六12nn-7pm(星期日及公眾假期休息)
備註:無加一服務費,不接受信用卡

延伸閱讀:【18區掃食】沙田踩單車 蜜汁龍鬚+糯米糍
聽著 黑膠 進餐 Gimmick 有趣食物驚喜 【灣仔食乜好】

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..