芝士
芝士

芝士配抹茶雪糕?! 6款變奏芝士新品試食報告|旺角有咩好食|

飲食

廣告

聽說,將芝士配上任何一款食材都可以變成美食!這間位於旺角的甜品店,除了推出大熱的芝士撻,今次將芝士變奏,配上同樣大熱的宇治抹茶和飄香的馬來西亞貓山皇做成甜品,當中有雪糕和奶昔。兩款口味都咁有自己特色,個味會唔會唔夾?即刻帶來試食報告!

1. 芝味濃郁又帶點甘香!宇治抹茶芝士雪糕

芝士與抹茶同樣是記者最愛,要我揀其中一樣真係好難。依家呢款雪糕,有齊晒兩款味道,正!

試食報告:
味道:雪糕入口,會有一陣北海道芝士的酸香味,而宇治抹茶的甘香會隨後而上。
質感:每天以北海道芝士配3.6牛乳自家製,夠細滑!
推介度:4/5分(抹茶可令芝士味不會太膩,加分!)

2. 出奇地相襯!貓山皇芝士雪糕

來自馬來西亞的貓山皇,味道本身已經超香濃,鍾意食榴槤的朋友可以一試!

試食報告:
味道:雪糕入口,今次榴槤香味好突出,不過酸酸的芝士味都不會被蓋過,湧出來!雖然兩款都是重口味,不過出奇地相襯。
質感:質感與宇治抹茶口味的一樣
推介度:3.5/5分(喜歡榴槤的朋友都愛嚐到榴槤肉軟軟、一絲絲的口感,如果有埋就正啦!)

3. 原汁原味!3.6牛乳芝士奶昔

雖然有得揀有得要晒芝士和抹茶,不過,記者都鍾意最原始的牛乳芝士味!同樣以3.6牛乳配北海道芝士,因為是製作奶昔的關係,牛奶的比例相對地多,奶味香濃之餘,與芝士的酸香非常夾!

試食報告:
味道:原味最能品嚐到北海道芝士的酸香,記者最愛!
推介度:4.5/5分

4. 小朋友最愛的朱古力甜味!OREO芝士奶昔

朱古力奶昔就試得多,配埋芝士製作奶昔,一甜一酸,兩個味道有點極端的口味,出到來又會咩效果?記者認為,有點像小朋友會鍾意的朱古力奶味,朱古力的甜味好出,不會有苦澀味,只有甜味(好像很浪漫)。

試食報告:
味道:易入口,朱古力味都幾突出,芝士味不會與朱古力有太大衝擊。
推介度:3/5分

5. 清新之選!芝士蜂蜜綠茶

想飲點清新的飲品,可以試下呢款芝士蜂蜜綠茶。以台式綠茶做茶底,蜂蜜糖漿以新鮮蜂蜜自家調配。重點厚厚的一層芝士蓋是以人手打造,好Creamy!飲的時候,老闆娘不建議用飲管飲,這樣便無法一次過飲晒芝士和綠茶。他們會有一款類似坊間飲熱飲的蓋來飲,微微傾斜地飲就可以一次過飲晒芝士和綠茶,好味!

試食報告:
味道:Creamy的芝士味道其實都幾濃,不過綠茶本身都夠新清,能中和芝士的膩感。
口感:入面仲有蜂蜜爆珠,令味道多了蜂蜜這個層次
推介度:4/5分

6. 玫瑰香甜最動人!芝士玫瑰紅茶

紅茶方面,玫瑰紅茶的花香最動人。玫瑰糖漿以新鮮玫瑰和玫瑰漿製成,配埋紅茶,不論賣相和味道都充滿浪漫氣息。

試食報告:
味道:會有淡淡的玫瑰花香,配紅茶的茶澀味好相襯;加埋芝士也不算好突兀。
推介度:3.5/5分

再次證明,芝士真的可以配好多食材都可以變美食。下次又會有什麼芝士配食材的組合呢?

Candy Shake
地址:旺角登打士街55號(顯示地圖
營業時間:星期一至四及日:12:00–00:00;星期五、六:12:00–01:00
電話:2110 9822

延伸閱讀:

地道小食新口味! 鳳梨酥潛入雞蛋仔|旺角有咩好食|

懶人必買唧唧芝士醬! 5分鐘超易整芝士碎蛋多士
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8

Android:https://play.google.com/store/apps/details?id=com.weekendhk.newsstand2&hl=zh_HK
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..