【全民公投必吃食店獲選餐廳】深水埗番茄師兄 過百斤番茄牛骨熬湯 新鮮嫩牛腩爽口味濃｜區區搵食
撰文：胡蚊｜攝影：Dicky
深水埗番茄師兄 過百斤番茄牛骨熬湯
深水埗是小店的集中地，開得快，執得更快。能夠屹立成為長龍店，甚至擴張至區外，絕對是實力的表現。說的正是基隆街開業僅兩年的番茄師兄。老闆Matthew做了15年銀行投資，平時愛飲愛食，不過一場大病，有感人生苦短，儘管家人反對，也決定辭去穩定優差，投資120萬，在飲食界闖一闖。做生意，當然找自己熟手的，Matthew是牛魔王，做清湯腩最出色，於是決定以牛為主打，南瓜牛湯、冬蔭牛湯、粟米牛湯⋯⋯試過多款配搭，還是覺得番茄跟牛最搭配。
（新鮮騙牯滑牛+ 炒滑蛋）$49
番茄師兄的招牌，蛋很香很滑，牛冧肉也爽嫩，與茄香濃厚的牛骨湯底很夾，酸味適中，又食到天然茄香，真材實料。
黃金配方兩日熬製 酸甜肉香並重
閉關近月，反覆又煮又熬，Matthew終於找出番茄牛骨湯底的黃金配方。原來湯底要分兩日處理，先用60斤牛頸骨熬足8小時，中間還要加入50斤牛腩，煮好浸一晚，才能夠逼出肉味。翌日，將湯面的油份撇走，加入120斤新鮮番茄蓉，湯頭又香又濃，飲到肉香，又吃到番茄天然的清酸，夏天吃，味道清新。
新鮮騸牯牛成本貴2成
煲好靚湯，還要有靚料。找來本地牛頭號買手牛皇莫幫手入貨，指明要用1歲左右就被閹割的新鮮騸牯牛，貪其脂肪均勻，肉質最嫩，成本比普通牛肉貴約兩成。難怪吃起來牛面頰香腍、坑腩肉味最濃、崩沙腩夠爽口、牛冧肉片又軟又滑，不同部位，各有特色，與坊間用冰鮮雪藏貨，絕不相同。
用上北海道刺身級帶子加新鮮大花蜆，灼得剛好，蜆肉鮮甜無沙，帶子亦甜美好吃，與微酸茄湯相配。
醋香開胃，酸中帶微辣，牛面頰腍滑，肉香纏綿。
此外，亦有豬頸肉、腩肉、大蜆、鮑魚、墨魚滑可選，因為店子鄰近北河街街市，全部食材都是天天新鮮，平均才六、七十蚊碗，一分錢一分貨。麵食更可選配上海麵、米線、日式拉麵、烏冬、通粉，以掛湯效果，還是上海麵最出色。吃一啖招牌「滑一滑番茄濃湯麵」：酸咪咪的紅湯，配上軟嫩肉片，還有炒滑蛋，單是顏色搭配已經令人食指大動，試一口，濃郁的茄味，刺激了食慾，令人忍不住一啖接一啖，吃得滿足。
不好牛的可選以新鮮豬腩肉加新鮮豬頸肉為配料，腩片油香，頸肉爽口，量亦多，配上茄湯，不覺肉膩。
雞翼脹卜卜，肉質嫩滑，食起來有甜甜的瑞士汁，餘韻帶點點花椒辛香。
腩肉夠大片，4分肥6分瘦，加上用沙嗲醬炒過的香甜洋葱碎，很惹味。
餐廳還推出一系列自家製飲料，整體不會太甜，冰凍好飲，配麵一流。
番茄師兄
深水埗分店
地址：深水埗基隆街255號地舖（顯示地圖）
電話：9165 0670
營業時間：星期一至日11:30am-9:30pm
元朗分店
地址：元朗擊壤路9號金寶大廈地下4號舖
電話：36151062
營業時間：星期一至日11:30am-10pm
平均消費：$60/位
備註：不設加一，只收現金
Facebook：番茄師兄
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
