西門町街頭小食殺入旺中 熱辣煙韌 燒麻糬 |旺角食乜好|
廣告
之前旺角中心化身小葵廣，立即重新帶旺人流。近日又有一間台式飲品店進駐，更新增當地的地道小食 燒麻糬，熱辣又煙韌，價錢更 $20 有找！
撰文：Jacky 攝影：twotung
熱辣煙韌 燒麻糬 旺中有得食
旺中自開設小食街後，晚晚都爆場，近日又有新力軍進駐。這間來自台灣的連鎖店，專賣多款抹茶飲品，之前於荃灣開店大受歡迎，今次旺中開分店，更增設台灣特色小食 燒麻糬 ，取自西門町著名的松廣炭烤麻糬總店，從台灣空運到港，當地不少食店都會向其取貨。麻糬有原味和抹茶兩款，更可加上芝麻、黑糖、煉奶或芝士等多種配料。雖然少了炭火香，但咬下香口熱辣辣，煙韌小甜，難怪客人都願意久等！
芝士$14/ 芝士抹茶$15
鋪上水牛芝士烤至半溶，再加上芝士醬，鹹香惹味，可輕易拉絲。
麻糬全部即叫即燒，其間店員會不斷以鏟按壓，令其更鬆軟，製作需時約10分鐘。
花生抹茶 $15
抹茶麻糬燒得外脆內軟，再灑上黑糖和花生，香口惹味，小甜帶微甘。
另有朱古力醬、抹茶醬、芝麻醬等多款口味，都是 $11 起。
籠町茶番
地址：旺角中心2樓SA25A號舖 (顯示地圖)
營業時間：星期一至五 1-10pm, 星期六日及公眾假期 1-11pm
電話：從缺
人均消費：$20
荃灣店地址：青山公路荃灣段219號富華中心1樓3C號舖
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
