港式食物卡路里
港式食物卡路里

港式食物卡路里排行榜 唔食飯仲肥 4粒蝦餃=成碗白飯!| 食是食非

飲食

廣告

減肥鍾意戒白飯,但原來港式食物卡路里仲高!有時食幾啖,分分鐘肥過食碗白飯。想知點樣「趨吉避凶」,即留意以下排行榜﹗

撰文、圖片:新假期編輯部

港式食物卡路里!
12款逐個睇

01 四粒蝦餃=成碗飯

平時吃一籠蝦餃,感覺好像不是吃了很多,其實4粒蝦餃的卡路里,已經足足等如一碗白飯。一平碗白飯,大約有220kcal,4粒蝦餃,也有近216kcal。不過白飯的熱量來自碳水化合物;而蝦餃的熱量就來自脂肪,由於外皮用油來搓,一粒已經有半茶匙油,真係天使外表,魔鬼內涵!

至於雪糕,食兩球亦等當於食成碗飯,想精明點,可選水果味雪糕:芒果、士多啤梨都是好選擇,脂肪低幾克。

港式食物卡路里
4粒蝦餃等於成碗飯。
食兩球雪糕等於食成碗飯!
食兩球雪糕等於食成碗飯!

02 響鈴+薯條

打邊爐最愛的響鈴,卡路里高到得人驚,5件(未浸湯)已經大約等如兩碗飯。全因腐竹本身已是大豆油,再經油炸,脂肪極高,如果再吸湯汁,簡直不敢想像。另外,一包大薯條的熱量亦很高,加上鹽份高,多食有可能水腫及高血壓。如果食時再加包茄汁,就再加20kcal。

港式食物卡路里
5件未浸湯的響鈴,已經大約等如兩碗飯。

03 珍珠奶茶+牛腩河+西多士+沙嗲牛麵

4種食物,一望就知唔簡單。好似珍珠奶茶,用淡奶沖成,而且珍珠是用番薯粉做,又用糖煮過,高卡是意料中事。至於牛腩河,河粉本身掃過油,牛腩望落再瘦,中間都有肥油。西多士,不用多講,又有花生醬餡,又炸過,聽見到知「肥」,唯有食時不搽牛油,可減100kcal。沙嗲牛肉麵致肥元兇是公仔麵,一個已經450kcal,再加牛肉、加濃稠醬汁,肥﹗

港式食物卡路里
珍珠奶茶用淡奶沖成,珍珠是用番薯粉做,又用糖煮過,十分高卡!

04 午餐肉

堪稱港人至愛罐頭的午餐肉,用肥肉打成。細罐裝未煎前,已經有15茶匙油,吃薄薄兩片,已經是全日脂肪攝取量的1/6,營養師話最多……最多……一星期食一次好了﹗

港式食物卡路里
細罐裝未煎前,已經有15茶匙油,吃薄薄兩片,已經是全日脂肪攝取量的1/6。

05 公司三文治

間間茶記的公司三文治都有不同配方,但材料都離不開煙肉、煎蛋、火腿、沙律醬、牛油、芝士……全部高脂,有如脂肪層層疊,肥爆﹗

港式食物卡路里
公司三文治等於5碗飯。

06 超級至尊大批

Pizza上面的沙樂美腸、火腿、芝士、茄醬固然是致肥原因,但其實用油搓成的批底亦不容忽視。薄批半個,熱量足足有6碗飯,食半個,馬上爆標。

港式食物卡路里
薄批半個,熱量足足有6碗飯,食半個,馬上爆標。

港式食物卡路里
街頭小食篇!

07 魚蛋原來最低卡

唔食飯,可以用街頭小食代替嗎?多款街頭小食當中,魚蛋原來幾乎最低卡,一串只有76卡,不過鹽份高,一串已含600克鈉,是一天所需的三分一了。吸收過多鈉會水腫,嚴重更會高血壓和腎病; 而茶葉蛋多吃一點也無妨,美國最近已有研究證實,雞蛋黃不會提升人體膽固醇。

港式食物卡路里
魚蛋原來幾乎最低卡,一串只有76卡,不過鹽份高,一串已含600克鈉。

08 煎釀三寶+生菜魚肉+碗仔翅

煎釀三寶的蔬果加魚肉,本身超低卡,但即油炸令卡路里升,而萬年油含大量自由基,會加速人體老化和增加患癌風險;生菜魚肉都算健康,不過最好別飲味精湯;碗仔翅如要調味,加胡椒粉和浙醋無妨,麻油則免。

港式食物卡路里
煎釀三寶用萬年油炸,含大量自由基,會加速人體老化和增加患癌風險。

09 牛雜+臭豆腐

牛雜雖然不算高卡到震,但內臟始終膽固醇高;臭豆腐食一件就等於飲了2茶匙油啦!

港式食物卡路里
臭豆腐食一件就等於飲了2茶匙油啦!

10 牛油粟米+魚肉燒賣

一杯加了牛油的粟米二百幾卡,走牛油立即變90卡!魚肉燒賣由肥豬肉+豬油+麵粉製成,食幾粒已經肥死你!

港式食物卡路里
魚肉燒賣由肥豬肉+豬油+麵粉製成,食幾粒已經肥死你!

11 砵仔糕+雞蛋仔+夾餅

砵仔糕咁齋以為好低卡?甜嘢始終糖份高,無計;雞蛋仔內含牛油、淡奶和砂糖,一式底等於2碗白飯!夾餅仲要On Top加埋花生醬、牛油和砂糖,死未!

港式食物卡路里
雞蛋仔內含牛油、淡奶和砂糖,一式底等於2碗白飯!

12 好恐佈!章丸小丸子

港式食物卡路里之最!太恐怖!章丸小丸子 食一盒(6粒)已等於4碗白飯,又等如60粒魚蛋! 元兇就是粉漿、燒汁、沙律醬和落油煎!

港式食物卡路里
章丸小丸子 食一盒(6粒)已等於4碗白飯,又等如60粒魚蛋!

港式食物卡路里小貼士!
有咩取代食飯?!

可以食意粉、通粉、米粉,或米線代替,熱量同白飯差不多。食粥也可以,一碗半粥大約等如一碗飯。又或者可以食蕃薯、薯仔和粟米都得,一個成年女性拳頭大小相當於1/3碗白飯。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..