深水埗美食
深水埗美食

深水埗美食2024|27大必食推介:日系甜品+特色打卡餐廳+宵夜食堂

飲食

廣告

深水埗美食2024|深水埗出名多高質cafe咖啡店,抵食甜品和平民小店,今次記者為大家搜羅27間深水埗食店,有木系文青Cafe、日系可愛甜品、激脆厚切吉列豬扒包、石燒牛扒,亦有巨型花膠車仔麵、寵物友善Cafe等,選擇多多,快啲跟住記者搵食啦!

深水埗美食2024|27間街坊推介小店:

  1. 甜品店
  2. 小食
  3. 港式小店
  4. 特色餐廳
  5. 宵夜
  6. 必到Cafe


甜品店

深水埗美食|甜品店|1.「華」平民版Godiva+最平$8食到一口迷你雪糕!

這間位於深水埗西九龍中心主打軟雪糕的「華」開業多年,一直是雪糕關注組的愛店,小店主打日本特濃8.0牛乳、黑朱古力軟雪糕、一口軟雪糕等,更會不時推出季節限定口味!店主本身都是愛雪糕之人,因此在挑選食材上都花足心思,其中特濃8.0牛乳雪糕是由日本直送,而8.0牛乳即代表牛奶中的乳脂含量達8%,故雪糕的牛奶味道濃郁,口感亦都較為順滑,入口Creamy!另一招牌是意大利特濃黑朱古力軟雪糕,被網民譽為平民版Godiva,從意大利進口,朱古力味道十分香濃,而且濃度恰到好處,不會帶苦澀感,朱古力迷一定要試!還有造型迷你可愛的一口軟雪糕,2口完食,食咗都唔怕肥!

華雪糕店更多詳情
  • 餐廳:華 HANA SOFT CREAM
  • 地址:深水埗欽州街37K號西九龍中心6樓628A號舖

深水埗美食|甜品店|2. 南山梳乎厘 人氣D24榴槤梳乎厘

位於深水埗的南山梳乎厘,是一間全新開幕的日式梳乎厘班戟專門店。小店主打各式梳乎厘班戟以及不同小食,去年就推出了D24榴槤梳乎厘,配上自家製奶蓋及榴槤餅碎,實在令人「榴槤忘返」!

餐廳詳情
深水埗美食
位於深水埗的南山梳乎厘,是一間日式梳乎厘班戟專門店。(圖片來源:Facebook@soufflenamshan)
  • 餐廳:南山梳乎厘
  • 地址:深水埗元州街1F號地舖
  • 營業時間:星期一至日 12nn-1am

深水埗美食|甜品店|3. 康瑞甜品日日爆場台式仙草芋圓店

原是中醫館兼涼茶店,老闆娘經友人指導,兼賣加入仙草、芋圓做搭配的糖水,做出口碑。搬新舖後變成甜品專門店,地方比以前闊落,裝修更光 鮮。甜品及小食近20款,以自家製芋圓、地瓜圓做賣點,據聞每日賣過萬粒。晚上經常爆場,也有不少人來買外賣。

  • 餐廳:康瑞甜品
  • 地址:深水埗荔枝角道323號地舖
  • 營業時間:星期一至日 3pm-12am

深水埗美食|甜品店|4. 星味坊烘焙專門店爆紅黃金布丁蛋撻

星味坊本於元朗開舖,如今進駐深水埗元州街開分店,當中限定黃金布丁蛋撻更於網上爆紅,蛋撻鬆脆且濃郁蛋香,超滋味。而其他麵包如拿破崙蛋糕、牛角包都大受街坊歡迎,經過記得一試!

餐廳詳情
深水埗美食
(圖片來源:官方圖片)
  • 餐廳:星味坊烘焙專門店
  • 地址:深水埗元州街149號地舖
  • 營業時間:星期一至日 7am-8:30pm

回到目錄

小食

深水埗美食|小食|5. 皇帝雞年糕炸雞x小丸子

小店雖由韓國人主理,但店主都識聽及講少少廣東話!炸雞即叫即做,將雞髀肉去骨後先炸一次,然後再加入韓辣味、醬油味或甜辣味醬汁再作二次翻炸,件件外脆肉嫩,可選擇大、中、小三個分量!

  • 餐廳:皇帝雞
  • 地址:深水埗欽州街37K號西九龍中心8樓美食廣場8F-17號舖
  • 營業時間:星期一至日 10:30am-9pm

深水埗美食|小食|6. 堅信號上海生煎皇由前歌手Oscar蕭潤邦主理

由前歌手Oscar(蕭潤邦)主理,開業多年以招牌生煎包打出名堂。包子於店內即包即煎,所以要等約15分鐘,想食到熱辣辣的生煎包,就要有少少耐性了。堅信號生煎包,吃來有濃濃的芝麻香,頗吸引,大大隻,夾起已知餡多實在。肉餡鬆化無雪味,雖紹酒味蠻搶, 但仍不掩豬肉香,一咬肉汁即流出,肉汁份量也多。

0
(圖片來源:新假期編輯部)
  • 餐廳:堅信號上海生煎皇
  • 地址:深水埗福榮街98號地舖
  • 營業時間:星期一至日 11am-1opm

深水埗美食|小食|7. 均香餅家日賣400磅開心果角仔

均香餅家屹立在深水埗已經有44年,早年因為不敵新業主大幅加租6成而要無奈結業。幸好2022年得以在原區重開,新店更開正在舊舖隔離,老闆和伙計繼續可以跟一班相熟街坊相聚!每逢農曆新年,均香餅家都會推出賀年食品提早予街坊入貨,今年亦一樣,舖頭門外放滿笑口棗、蛋散、牛耳、芋蝦豆沙角、煎堆等,當中最受街坊歡迎的,就是角仔啦!均香餅家店二代爆江繼早年推出朱古力、三重芝士肉鬆、紫菜肉鬆角仔後,今年再度有新品登場,加入最近橫行甜品界的開心果,炮製出開心果角仔!

餐廳詳情
深水埗美食
(圖片來源:新假期編輯部)
  • 餐廳:均香餅家
  • 地址:深水埗北河街203號地舖

回到目錄

港式小店

深水埗美食|港式小店|8. 銀杏冰室 $2無味精早餐/$10晚餐

銀杏館全新銀杏冰室將進駐深水埗!餐廳推出多款價廉物美的膳食,當中$2早餐、$8午膳,以及$10晚餐,同時會繼續接力派飯予有需要人士,以及提供免費愛心麵包機向貧困人士派發免費麵包,即睇詳情!

餐廳詳情
深水埗美食
(圖片來源:官方圖片)
  • 餐廳:銀杏冰室
  • 地址:深水埗醫局街203號5號舖
  • 營業時間:星期一至日 7am-3pm、6pm-9:30pm

深水埗美食|港式小店|9.文記車仔麵 高速列車送麵+必食足料車仔餸

提到車仔麵,相信不少識食之人第一時間就會想起曾榮獲米芝蓮的「文記車仔麵」。餐廳在深水埗福榮街坐擁連續4間地舖,經常大排長龍,很受街坊歡迎。除了車仔麵高質外,其中一間分店更加大搞綽頭,推出以高速列車運送車仔麵。每碗車仔麵穩穩地坐在列車上,沿著約15米長的列車軌道送到客人面前,好盞鬼!麵底方面包括油麵、粗麵、米線、銀針粉、番薯粉等,油麵軟硬度適中,口感彈牙。至於熱賣配料分別有蘿蔔、瑞士雞中翼、爆餡餃子等。

文記車仔麵更多詳情
  • 餐廳:文記車仔麵
  • 地址:九龍深水埗區福榮街115號地舖

深水埗美食|港式小店|10.五嫂石磨腸粉 暖胃早餐

店主阿Lam喜歡石磨腸粉,也希望為街坊送上熱辣辣的新鮮早餐,堅持每天清晨4am備料,6am開店。腸粉以原粒大米鮮磨而成的米漿蒸成,不同以現成粘米粉加水溝成的粉漿,口感較為滑溜,亦比較天然。單是腸粉都有十款,全部性價比高,即叫即拉,師傅把米漿均勻倒在蒸板上,再鋪上新鮮餡料,蒸約一至兩分鐘,最後澆上長期溫暖的醬料。

  • 餐廳:五嫂石磨腸粉
  • 地址:深水埗北河街98號地下B3號舖
  • 營業時間:星期一至日 6am-8pm

深水埗美食|港式小店|11.番茄師兄 過百斤番茄牛骨熬湯+海鮮配料

坊間不乏番茄湯專門店,不過湯底大都以豬骨為主,而這間小店的店主就想到以牛骨、牛肉加入番茄、洋葱熬湯底,並取名番茄師兄,配搭成功吸納不少粉絲。牛肉特別找買手牛皇莫入貨,全是即日屠宰的新鮮閹牛,無論肉味、油香都特別濃。除此之外,湯底麵是另一重點,番茄湯底走濃厚路線,夾雜不少茄蓉,質感十分濃厚!配料選擇還有新鮮的花甲、豬腩肉、滑蛋等,麵底就可選米線、日式拉麵、烏冬,當中以烏冬最夾。一人點一個麵,還可以點幾個小食Share。較特別的有慢煮雞翼,平常瑞士雞翼就食得多,這裡就有麻辣瑞士口味,吃下也沒違和感。

番茄師兄更多詳情
  • 餐廳:番茄師兄
  • 地址:深水埗基隆街255號地舖
  • 營業時間:星期一至日 11:30am-9:30pm

深水埗美食|港式小店|12.新香園(堅記)肉味超濃蛋牛治

新香園擁50多年歷史,除了有蛋牛治及西多士等小食外,還有20多款粥麵選擇。店子以蛋牛治、豬手麵、紅豆冰最為馳名,繁忙時間必現人龍,營業時間長,買來當宵夜亦不錯。

  • 餐廳:新香園 (堅記)
  • 地址:深水埗桂林街38A號地舖
  • 營業時間:星期一至日 6:30am-6pm

深水埗美食|港式小店|13. 良記餐廳(老鳳冰室)懷舊氣息冰室

未入餐廳門口就已經感受到這間冰室的懷舊氣息,入到去牆上面更有不少懷舊海報,好有Feel!食物並非頹食,店主將傳統菜式加少少新意,更配合香港人嘅口味,例如將農夫包塞入炒飯,再加入芝士芝士芝士,未食都已經夠吸引,最適合後生仔相機食先!

  • 餐廳:良記餐廳(老鳳冰室)
  • 地址:深水埗基隆街216號地舖
  • 營業時間:星期一至日 7am-10pm

回到目錄

特色餐廳

深水埗美食|特色餐廳|14.Gyu Town牛舌專門店 牛魔王有口福!

深水埗牛舌專門店Gyu Town,主打全牛舌料理,推出多款性價比高而且部位刁鑽的菜式,如牛舌筋漢堡、鐵板香葱薄燒牛舌芯等,想一口氣食勻3款牛舌部位必試「三重牛舌御重盒」,一份便當集齊牛舌芯、牛舌尖和牛舌筋,3重滋味!另外「滿溢薄燒牛舌日本溫泉蛋丼」則選用薄燒牛舌芯,先將牛舌煎香,再淋上特製牛舌汁,口感爽脆而且牛味香濃,同樣好吸引,牛舌迷必試啊!

Gyu Town更多詳情
  • 餐廳:Gyu Town
  • 地址:深水埗桂林街46B號地舖
  • 營業時間:星期一至日 12nn-3:30pm、5:30pm-10:30pm

深水埗美食|特色餐廳|15. 喀什米爾咖喱屋香濃咖喱角 大大份薄餅

香港人一向都愛好重口味的食物,這間主打印度咖喱的喀什米爾咖喱屋,除了印籍及巴籍的朋友,亦都有不少香港人幫襯!廚師會不時在店內拉薄餅,薄餅可以配不同肉類,雞牛羊或配上素食亦可以,即叫即煎,不沾咖喱汁都已經好好食!另外小食有咖喱薯仔角,細細件但入面包滿咖喱薯仔,非常飽肚。

  • 餐廳:喀什米爾咖喱屋
  • 地址:深水埗長沙環道264號金輝大廈地下E號舖
  • 營業時間:星期一至日 11:30am-11pm

深水埗美食|特色餐廳|16. 沛港韓夫婦主理韓式小食店

深水埗「沛」港韓夫婦主理韓式小食店!深水埗作為美食集中地,有不少卧虎藏龍的小店。這間位於深水埗大街的韓式小店最近憑著其邪惡拉絲芝士蛋捲吸引不少港人推介。餐廳由一對港韓夫婦一腳踢,供應多款韓式家庭菜,如芝士蛋捲、泡菜煎餅、韓式紫菜飯捲等,部份小食更加為每日限量供應!

餐廳詳情
0
(圖片來源:新假期編輯部)
  • 餐廳:沛
  • 地址:深水埗福華街178A號地舖
  • 營業時間:星期一至日 12nn-10pm

深水埗美食|特色餐廳|17. 蘇媽.蘇媽馬來西亞茶餐室招牌肉骨茶

主打馬來西亞菜式的蘇媽 ﹒蘇媽,是不少食客心目中價廉物美首選,由桂林街路邊檔到後來於深水埗基隆街開店。「蘇媽 ﹒蘇媽」其實是馬拉文「甚麼都有」的意思。桂林街路邊檔最初只得椰漿飯同幾款麵食,一直都很受歡迎,決定再投資百萬在基隆街開店,加入更多特色食物,做到店如其名,甚麼都有。推介必試厚料咖央多士、砂窩老鼠粉和肉骨茶,喜歡東南亞風味的朋友不要錯過!

  • 餐廳:蘇媽.蘇媽馬來西亞茶餐室
  • 地址:深水埗基隆街251號地舖
  • 營業時間:星期一至日 11:30am-10pm

深水埗美食|特色餐廳|18. 宗像屋 超人氣特色魚生丼

開業於2016年,宗像屋屹立深水埗近9年,特色魚生丼聞名。宗像屋是集團與位於福岡縣北面的沿海城市宗像市「青庵もり田」居食屋合作的海鮮剌身丼屋。店內部分海鮮,由宗像市漁民出海捕獲後,再以限定方式直送香港,保證新鮮。配上由宗像市老牌醬油廠直送,在港獨家使用的甜豉油、胡麻汁、沙律汁,絕對是人間美食。每款海鮮丼內有魷魚、池魚、鱲魚、油甘魚等9種或以上的魚貝海鮮,客人可同時品嚐3種食法,包括傳統魚生飯、自製手卷及茶漬飯。

  • 餐廳:宗像屋
  • 地址:深水埗青山道60號地下B號舖
  • 營業時間:星期一至日 12nn-3pm、6pm-9pm

深水埗美食|特色餐廳|19. 秀樺廚房大劉甘比社企餐廳

秀樺廚房是由華置股東大劉及甘比開設的社企餐廳,以大女秀樺命名,主要幫助基層家庭及提供就要機會給特殊人士。店內打造成Cafe,大部分都是自家製!不時更會舉辦工作坊,即睇地址啦!

餐廳詳情
0
(圖片來源:新假期編輯部)
  • 餐廳:秀樺廚房 x The Edible Projects (T.E.P.)
  • 地址:深水埗鴨寮街86-88號地舖
  • 營業時間:星期日至一 11am-6pm

深水埗美食|特色餐廳|20.Triple Steak 日式自助石板牛扒

人氣十足,日賣400份牛扒不停手!店長解釋,餐廳理念是希望帶給客人「旨」肉感、「速」速度和「安」安心,一言敝之:平靚快!選用石板而非傳統鐵板的原因則是,傳統鐵板散熱較快因此只能夠保溫,石板則可以保持400度高溫至約十多分鐘,令客人可以手動DIY控制生熟程度。

  • 餐廳:三ステーキ Triple Steak
  • 地址:深水埗欽州街52-54號平安大廈地舖
  • 營業時間:星期一至日 12nn-9pm

回到目錄

宵夜

深水埗美食|宵夜|21.金和記海鮮菜館 地道炭爐港式火鍋 過100款配料

食火鍋當然要用炭爐先夠晒地道啦!位於深水埗一間港式火鍋「金和記海鮮菜館」,是香港僅存的真炭爐邊爐﹐有舊時港式風味,餐廳內可以讓客人選擇用真炭爐及瓦煲打邊爐,或者使用電磁爐,不過炭爐數量有限,最好先預訂。港式火鍋湯底選擇方面足足有15款,例如馳名的豬骨湯、重慶辣雞、花雕醉雞、也有養生之選冬瓜瑤柱螺頭湯、番茄津白雜菌湯等。配料方面每款都是單點,款式都有過百款,其中海鮮佔近20款,例如南非孔雀鮑魚、美國桶蠔、桂花蚌、大肉蟹、脆肉鯇魚等,約埋一班朋友一齊淥淥吓好開心!

金和記海鮮菜館更多詳情
  • 餐廳:金和記海鮮菜館
  • 地址:深水埗九江街145號地舖
  • 營業時間:星期一至日 5:30pm-1am

深水埗美食|宵夜|22. 萬發海鮮菜館 招牌黑椒薯仔牛柳粒+必食風沙雞

去開大排檔食飯的朋友都一定知道,「萬發」的黑椒薯仔牛柳粒是招牌名物,蜜糖味重,夠鑊氣,薯仔外表焦脆,非常惹味。另一必食菜式是風沙雞,皮脆肉嫩,加上表頭的炸蒜粒,好香口,難怪每枱必叫!

  • 餐廳:萬發海鮮菜館
  • 地址︰深水埗九江街150-152號地下
  • 營業時間:星期一至日 5pm-2am

回到目錄

23-27. 5間必到Cafe

深水埗Cafe 2024|深水埗近年變了文青最愛的聚腳點,皆因有各式各樣的小店和Cafe不約而同進駐,當中大南街更是熱門!新加入的Cafe令舊區增添不少新鮮感,有一種耳目一新的感覺。今次就讓記者搜羅5間深水埗Cafe ,讓大家可以在周末打卡之餘,更可以享受咖啡和小食,慢活一下。

餐廳詳情
深水埗美食
(圖片來源:官方圖片)

深水埗有甚麼美食?

深水埗有多間高質cafe咖啡店、抵食甜品和平民小店,更多詳情

深水埗有什麼cafe推介?

深水埗cafe最近開設了不少,其中不乏日系路線cafe和輕工業風cafe,更多詳情

圖片來源:新假期編輯部、相關機構