正呀!觀塘區極邪惡Tea time!

飲食

廣告

(Presented by Moreish & Malt)

我Dining娜作為國際級吃貨,一日點止食3餐!一講到食tea,就諗起炸髀薯條、西多……總知就係愈墮落愈快樂!前排聽講觀塘Moreish & Malt出咗極邪惡tea set同挑戰味蕾嘅Monster Shake,特登約埋班好姊妹拋開卡路里一個下晝,睇下佢有幾正!

餐廳位於打工仔地頭觀塘商業區,之前都介紹過,就係surprisingly好鬼chill同好有feel嗰間,貼滿晒懷舊poster,仲有個open bar,有成20款手工啤酒及cocktail揀,真係啱晒同friend飲番杯呀!

不過,我今日係嚟食tea嘅!睇下個menu,tea set都有好多選擇,仲款款都係邪惡嘅Comfort Food添。有選擇困難症嘅我,梗係嗌幾款開心share啦~ 話口未完,今日嘅大佬就出現喇……

講到邪惡,邊個夠Monster Shake嚟!Moreish & Malt有3款Monster Shake,由朱古力醬、朱古力碎及朱古力粉三重朱古力,加埋忌廉、雲呢拿雪糕同牛奶打成,聽落都知朱古力味爆燈!Toppings仲有homemade布朗尼芝士蛋糕(OH MY GOD)同朱古力條添!

另外仲有兩款生果口味,士多啤梨狂迷就加咗新鮮士多啤梨打成,酸酸甜甜無咁heavy;香蕉龍捲風就絕對係蕉味濃,加埋焦糖爆谷喺頂,救命呀我停唔到口呀!Monster Shake原價要$88,但而家只係$58咋~出面一定搵唔到咁平呀!

打完大佬,梗係要食下鹹嘢中和番!扒吞拿魚芝士三文治大大塊芝士鋪喺脆卜卜嘅多士上面,吞拿魚沙律餡用蛋黃醬調味,夠晒重口味!當然少不免要有我嘅最愛—薯條!

嗱,呢個set就夠晒滿足喇!一set有齊扒吞拿魚芝士三文治、炸蝦配wasabi蛋黃醬、薯條,仲加個dessert添,撐枱腳就啱晒!

香烤雞胸加上濃郁BBQ醬,鍾意食美國菜嘅一定冧。

後記

唔好睇啲tea set咁豐富,其實全部都係$45起!加多$38仲有Monster Shake飲添~除咗邪惡comfort food之外,仲有好多好嘢食㗎~打住「小美國」旗號,佢哋嘅steak都唔講得笑!想健康啲,都有salad同pasta揀~如果去開觀塘區又想食下特別嘢,呢度真係唔錯嘅選擇~

地址:觀塘鴻圖道48號新榮大廈地下B舖(顯示地圖
電話:3580 7133
網址:www.moreishandmalt.com

 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..